صدر(ر) پرویز مشرف ایک آمر ہیں اور ان کی خواہش ہے کہ وہ دھاندلی سے اور کسی بھی طریقے سے ایک ایسی اسمبلی وجود میں لائیں جو ان غیر آئینی انتخابات کو تحفظ فراہم کریں۔

انہوں نے کہا کہ ان کی اطلاع کے مطابق بلوچستان کے ہوم سیکرٹری نے جمعہ کی شام کو صحافیوں کو بتایا کہ علی احمد کرد کے حراست کے احکامات واپس لے لیے ہیں۔ انہوں نے کہا کہ وہ مکمل طور پر آزاد ہیں۔

حکومت بہانہ چاہتی ہے  حکومت دھاندلی کے نتائج سے ڈرتے ہوئے کسی نہ کسی بہانے سے انتخابات سے بچنا چاہ رہی ہے۔ وکلاء برادری اور جنرل ریٹائرڈ پرویز پرویز مشرف کے درمیان سمجھوتے کا کوئی امکان نہیں اور وکلاء نے انہیں ایک دن کے لیے بھی آئینی حکمران تسلیم نہیں کیا۔ ہم کسی بھی صورت میں صدر مشرف کے تحت انتخابات کو قبول نہیں کرتے۔ علی احمد کرد

کرد نے وکلاء کی تحریک کی وجہ سے انتخابات کے ملتوی ہونے کےامکان کے بارے میں ایک سوال کے جواب میں کہا صدر(ر) پرویز مشرف ایک آمر ہیں اور ان کی خواہش ہے کہ وہ دھاندلی سے اور کسی بھی طریقے سے ایک ایسی اسمبلی وجود میں لائیں جو ان غیر آئینی انتخابات کو تحفظ فراہم کریں۔ ’ایجیٹشن ہمارا حق ہے اور ہم لوگوں کو بتائیں گہ ان انتخابات میں مت جائیں یہ فراڈ ہے اور مجھے
یقین ہے کہ لوگ ہماری بات مانیں گے‘۔

انہوں نے کہ ان کی پوری کوشش ہو گی کہ وہ ایسی صورتحال پیدا کریں کہ حکومت انتخابات کو ملتوی کرے۔ انہوں نے کہا کہ ان کا اندازہ ہے کہ حکومت خود بھی چاہتی ہے کسی طرح انتخابات ملتوی ہو جائیں۔

ملک اور آئین کے لیے  حلف نے لینے والے جج رانا بھگوان داس کو چیف الیکشن کمشنر بنایا جائے۔ نگران حکومت کا فیصلہ ملک کی تمام سیاسی جماعتیں اور اثر و رسوخ رکھنے والے لوگ مِل کر کریں گے۔ انہوں نے کہا کہ اگر آئین میں اس کی اجازت نہیں بھی دیتا تو بعض اوقات ملک اور آئین ہی کو بچانے کے لیے ایسا کرنا پڑتا ہے۔ علی احمد کرد

علی احمد کرد نے کہا کہ حکومت دھاندلی کے نتائج سے ڈرتے ہوئے کسی نہ کسی بہانے سے انتخابات سے بچنا چاہ رہی ہے۔ انہوں نے کہا کہ وکلاء برادری اور صدر جنرل ریٹائرڈ پرویز مشرف کے درمیان سمجھوتے کا کوئی امکان نہیں اور وکلاء نے انہیں ایک دن کے لیے بھی آئینی حکمران تسلیم نہیں کیا۔ انہوں نے کہا کہ ہم کسی بھی صورت میں صدر مشرف کے تحت انتخابات کو قبول نہیں کرتے۔

علی احمد کرد نے کہا کہ حلف نے لینے والے جج رانا بھگوان داس کو چیف الیکشن کمشنر بنایا جائے۔ انہوں نے کہا کہ نگران حکومت کا فیصلہ ملک کی تمام سیاسی جماعتیں اور اثر و رسوخ رکھنے والے لوگ مِل کر کریں گے۔ انہوں نے کہا کہ اگر آئین میں اس کی اجازت نہیں بھی دیتا تو بعض اوقات ملک اور آئین ہی کو بچانے کے لیے ایسا کرنا پڑتا ہے۔

انہوں نے کہ ان کی تحریک کا مقصد عدلیہ کی آزادی برطرف کیے گئے ججوں کی بحالی ہے۔