دلاور خان وزیر بی بی سی اردو ڈاٹ کام، ڈیرہ اسماعیل خان

	لاپتہ ہونے والے افسر کوہاٹ کی حدود میں گھسنے کے بعد سے لاپتہ ہیں

پولیس کے ایک افسر نے بی بی سی کو بتایا کہ پیر کو فوج کے چودہ ڈویژن کے دو افسر دو حولداروں کے ہمراہ ڈیرہ اسماعیل خان سے پشاور جا رہے تھے کہ ضلع کوہاٹ کی حدود میں داخل ہونے کے بعد سے لاپتہ ہوگئے ہیں۔انہوں نے کہا کہ منگل کی شام تک ان سے رابط ممکن نہ ہوسکا۔ پولیس کے مطابق لاپتہ ہونے والے اہلکاروں میں کیپٹن صفدر، کیپٹن فیصل اور حوالدار منصب خان شامل ہیں جبکہ ایک اہلکار کا نام معلوم نہیں ہوسکا۔

	چند روز قبل نوشہرہ میں بھی ایک خود کش حملہ ہوا تھا

فوج کے تعلقات عامہ کے ڈائریکٹر وحید ارشد نے اس واقعہ کی تصدیق کرتے ہوئے بی بی سی کو بتایا کہ فوج کے دو افسر اور دو حولدار کوہاٹ کے علاقے سے لاپتہ ہوگئے ہیں۔

یاد رہے کہ پیر کو کوہاٹ کی فوجی چھاؤنی میں ایک خود کش حملے میں فوج کے بارہ اہلکار ہلاک جبکہ کئی زخمی ہوگئے تھے۔کوہاٹ سمیت صوبہ سرحد کے دوسرے جنوبی اضلاع میں مقامی طالبان نے گزشتہ چند ماہ میں کئی مرتبہ فوج سمیت قانون نافذ کرنے والے دیگر اداروں کے اہلکاروں پر حملے کیے ہیں۔