عبدالحئی کاکڑ بی بی سی اردوڈاٹ کام، پشاور

	اے این پی صوبہ سرحد میں عوامی قوت کی حامل اہم جماعت ہے

عوامی نیشنل پارٹی کے مرکزی سیکریٹری اطلاعات زاہد خان نے بی بی سی کو بتایا کہ عوامی نیشنل پارٹی نے جمعرات کو لاہور میں ہونے والے اے پی ڈی ایم کے اجلاس میں اپنے تحفظات کا اظہار کرتے ہوئے واضح کردیا تھا کہ اگر پیپلزپارٹی اور جمیعت علماء اسلام (ف) نے الیکشن کا بائیکاٹ نہیں کیا تو اے این پی انتخابات میں حصہ لے گی۔

بائیکاٹ سے خطرہ  سرحد میں عوامی نیشنل پارٹی کا مقابلہ متحدہ مجلس عمل کے ساتھ ہوگا اگر اے این پی نے بائیکاٹ کرکے انتخابی میدان خالی چھوڑ دیا تو اس کے نتیجے میں ایم ایم اے ’ کلین سویپ‘ کر لے گی۔ اے این پی

زاہد خان کا مزید کہنا تھا کہ سن انیس سو پچاسی میں غیر سیاسی بنیادوں پر منعقد ہونے والے انتخابات کا تمام سیاسی جماعتوں نے بائیکاٹ کر کے سیاست میں ایسے عناصر کو گھسنے کا موقع دیا جنہوں نے اقتدار میں آکر سیاست میں کرپشن کا ایک رجحان متعارف کروایا جو آج تک برقرار ہے۔

’کرپٹ سیاسی عناصر‘  سن انیس سو پچاسی میں غیر سیاسی بنیادوں پر ہونے والے انتخابات سے تمام سیاسی جماعتوں نے بائیکاٹ کر کے سیاست میں ایسے عناصر کو گھسنے کا موقع دیا جنہوں نے اقتدار میں آکر سیاست میں کرپشن کا ایک رجحان متعارف کروایا جو آج تک برقرار ہے۔ اے این پی

واضح رہے کہ اے پی ڈی ایم کی جانب سے الیکشن کے بائیکاٹ کے بعد عوامی نیشنل پارٹی اب تک وہ پہلی اور واحد جماعت ہے جس نے اپوزیشن الائنس سے علیحدگی اختیار کرنے کا عندیہ دیا ہے۔

مبصرین کے بقول اگر اے این پی نے اے پی ڈی ایم سے علیحدگی اختیار کرنے کا فیصلہ کیا تو اس کےنتیجے میں اپوزیشن کے اتحاد کو دوہرا نقصان اٹھانا پڑے گے۔ ایک تو ریٹائرڈ جنرل مشرف کی زیر نگرانی ہونے والے انتخابات میں ایک اور جماعت کا اضافہ ہوگا جبکہ دوسری طرف احتجاجی تحریک کی صورت میں اے پی ڈی ایم صوبہ سرحد کی حد تک ایک عوامی قوت کے حامل جماعت سے محروم ہوجائے گی۔