دلاور خان وزیر بی بی سی اردو ڈاٹ کام، ڈیرہ اسماعیل خان

	حکام کے مطابق میرانشاہ کے قریب سکیورٹی فورسز کی ایک چوکی پر راکٹوں سے حملہ ہوا ہے

زخمیوں کو میرانشاہ سول ہسپتال میں داخل کردیا گیا ہے۔ حکام کا کہنا ہے کہ پیر کی رات کو درجنوں مبینہ مسلح طالبان کی جانب سے میرعلی اور قمر کوٹ کے قلعہ پر ہونے والے حملے کے بعد تقریباً چار گھنٹوں تک جاری رہنے والی لڑائی میں کسی جانی نقصان کی اطلاع نہیں ملی۔ ٹل گاؤں اور ایشا چیک سٹوں پر بھی حملے ہوئے ہیں۔

حکام کا کہنا ہے کہ پیر کو تین بجے میرانشاہ کے قریب گورا قبرستان میں سکیورٹی فورسز کی ایک چوکی پر راکٹوں سے حملہ ہوا جس میں سکیورٹی فورسز کی کسی قسم کا جانی نقصان نہیں ہوا ہے جس کے بعد سکیورٹی فورسز نے جوابی کارروائی کی۔

سکیورٹی فوسز نے کئی مشکوک ٹھکانوں کو نشانہ بنایا۔ مقامی افراد کا کہنا ہے فوج کی جوابی کارروائی میں ایک بچی ہلاک جبکہ آٹھ زخمی ہوگئے ہیں۔

مقامی طالبان کے ایک ترجمان احمداللہ احمدی نے ان تمام واقعات کی ذمہ داری قبول کرتے ہوئے بی بی سی کو بتایا ہے کہ سکیورٹی فورسز کے قلعوں پر حملے میں سکیورٹی فورسز کا کافی جانی نقصان ہوا ہے۔

انہوں نے کہا کہ’جب تک شمالی وزیرستان میں قائم چوکیاں ختم نہیں کردی جاتیں تب تک ہماری کارروائی جاری رہےگی‘۔

یادرہے کہ شمالی وزیرستان میں امن معاہدہ ٹوٹنے کے بعد سکیورٹی فورسز کی چوکیوں پر حملے معمول بن گئے ہیں۔