 | | | | | | | ||||||||||||||||||||||||||||||||||||||||||||||||||||||||||||||||||
| | |||||||||||||||||||||||||||||||||||||||||||||||||||||||||||||||||||||||
|
برطانوی قیدی تک رسائی سے انکار | |||||||||||||||||||||||||||||||||||||||||||||||||||||||||||||||||||||||
پاکستان میں برطانوی ہائی کمیشن کا کہنا ہے کہ انہیں راولپنڈی کی اڈیالہ جیل میں قید برطانوی شہری تک رسائی کی اجازت نہیں دی جا رہی ہے۔ برطانیہ کے شہر مانچسٹر سے تعلق رکھنے والے رنگ زیب احمد کو اپریل 2006 سے بغیر کسی مقدمے کے حراست میں رکھا گیا ہے۔ انہیں سکیورٹی آف پاکستان ایکٹ کے تحت حراست میں رکھا گیا ہے۔ اس قانون کے تحت کسی بھی ایسے مشتبہ شخص کو جو ملک کی سلامتی کے لیے خطرہ سمجھا جائے غیر معینہ مدت کے لیے حراست میں رکھا جا سکتا ہے۔ برطانوی ہائی کمیشن کے ترجمان نے بی بی سی سے بات کرتے ہوئے کہا کہ’ہم اڈیالہ جیل میں رنگ زیب سے ملاقات اور ان کی قومیت کنفرم کرنے کے سلسلے میں ہر ممکن کوشش کر چکے ہیں‘۔ تاہم ہائی کمیشن کے ان الزامات کے جواب میں پاکستانی حکام کی جانب سے کوئی بیان سامنے نہیں آیا ہے۔ سرکاری طور پر ان کی حراست کے بعد سے رنگ زیب کو راولپنڈی کی اڈیالہ جیل میں رکھا گیا ہے ۔ ان کے بھائی محمد پرویز نے حال ہی میں بی بی سی کے نام اپنے ایک خط میں لکھا ہے کہ ’میں اپنے بھائی کی صحت اور جس طرح انہیں اڈیالہ جیل میں رکھا جا رہا ہے، اس بارے میں کافی فکر مند ہوں‘۔ خط میں کہا گیا ہے کہ’ رنگ زیب احمد کو آئی ایس آئی اور امریکی سی آئی اے کے اہلکار پاکسان میں کسی نامعلوم مقام پر لے گئے تھے‘۔ خط میں یہ بھی کہا گیا ہے کہ ’انہیں وہاں آٹھ ماہ رکھا گیا اور ان پر تشدد کیا گیا‘۔ محمد پرویز کا کہنا ہے کہ اس کے بعد ان کے بھائی کو پاکستانی پولیس کے حوالے کر دیا گیا جس نے انہیں اڈیالہ جیل بھیج دیا جہاں وہ قید ہیں۔
رنگ زیب کو پہلی مرتبہ جون 2006 میں ہائی کورٹ میں پیش کیا گیا۔ اس موقع پر استغاثہ کی اس اپیل پر کہ انہیں فرد جرم عائد کرنے کے لیے مزید وقت درکار ہے، رنگ زیب کا دو ماہ کا ریمانڈ دے دیا گیا۔ اس موقع پر جج نے رنگ زیب کو قانونی مدد تک رسائی کی اجازت بھی دی۔ انسانی حقوق کی تنظیموں کا کہنا ہے کہ حکام رنگ زیب کو قید میں رکھنے کے لیے اس قانون کا غلط استعمال کر رہے ہیں۔ پاکستان میں ہیومن رائٹس واچ کے دفتر کے ایک ترجمان کا کہنا ہے کہ ’ ہم سکیورٹی آف پاکستان کے ایکٹ کے غلط استعمال کے بارے میں فکر مند ہیں، جس کے تحت مشتبہ افراد کو غیر معینہ مدت کے لیے حراست میں رکھا جاتا ہے‘۔ انہوں نے کہا کہ ’ ہیومن رائٹس واچ کا یہ ماننا ہے کہ یہ قانون انصاف کے بنیادی اصولوں کے خلاف ہے‘۔ | 
اسی بارے میں  پاکستانی نژاد برطانوی ملک بدر10 January, 2006 | پاکستان ’بش مشرف پر دباؤ ڈالیں‘25 February, 2006 | پاکستان ’آزاد‘ کشمیر میں آزادی پر سوالات21 September, 2006 | پاکستان ’مشرف: ایک عہدہ لازماً چھوڑیں‘ 01 May, 2007 | پاکستان | |||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||
