 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
’بش مشرف پر دباؤ ڈالیں‘ | ||||||||||||||||||||||||||||||||||||||||
امریکہ کے محکمہ خارجہ کی انڈر سیکریٹری جوسٹ شائنر نے کہا ہے کہ پاکستان میں اگلے برس انتخابات کا انعقاد ہی یہ ثابت کرے گا کہ ملک میں کتنی جمہوریت ہے اور کس سطح کی ہے۔ خبر رساں ادارے اے پی کے مطابق جوسٹ شائنر نے کہا کہ حکومت کو اگلے برس آزادانہ اور منصفانہ انتخابات کے انعقاد کو یقینی بنانے کے لیے اقدامات کرنے ہوں گے۔ حقوق کی تنظیم
امریکی محکمہ خارجہ کی انڈر سیکریٹری کا یہ بیان امریکہ میں موجود انسانی ہیومن رائٹس واچ کی اس رپورٹ کے بعد آیا ہے جس میں امریکی صدر جارج بش سے کہا گیا ہے کہ وہ مارچ کے پہلے ہفتے میں پاکستان کے دورے کے دوران صدر جنرل پرویز مشرف پر دباؤ ڈالیں کہ وہ فوج کے سربراہ کا عہدہ چھوڑ دیں، آزادانہ اور منصفانہ انتخابات کروائیں، اور ملک میں جمہوریت کا عمل بحال کروائیں۔ ہیومن رائٹس واچ کے ایشیا ڈویژن کے ڈائریکٹر بریڈ ایڈمز نے تنظیم کی طرف سے جاری ہونے والی ایک پریس ریلیز میں کہا کہ ’صدر مشرف کے طاقت پر قابو رکھنے کے جاری عمل کو نظر انداز کرنے سے بش انتظامیہ کے مسلم دنیا میں جمہوریت کو پروان چڑھانے کے مقصد کو نقصان پہنچتا ہے‘۔ انہوں نے کہا کہ ’ریاست کے حکومت نواز سیاستدانوں کے بیانات سے لگتا ہے کہ وہ دو ہزار سات سے آگے مشرف اقتدار کو جاری رکھنے کے لیے سٹیج تیار کر رہے ہیں‘۔ ہیومن رائٹس واچ کے ڈائریکٹر نے کہا کہ ’امریکہ کو اس ضمن میں ایک خاموش تماشائی نہیں بننا چاہیئے اور صدر مشرف کو اس بات کی اجازت نہیں دینا چاہیئے کہ وہ دہشت گردی کے خلاف امریکہ کے ساتھ اتحاد کو اپنے لیے زیادہ طاقت حاصل کرنے کے لیے استعمال کریں‘۔ یاد رہے کہ صدر بش اگلے ہفتے پاکستان کا دورہ کر رہے ہیں۔ | 
اسی بارے میں  پاکستان تحمل کا مظاہرہ کرے: بش23 February, 2006 | آس پاس بش مارچ میں پاکستان آئیں گے24 January, 2006 | آس پاس بعض معاملات پر اختلاف ہیں: برنز23 February, 2006 | انڈیا مصوری، شاہی شادی اور صدر بش کے کھانے 19 February, 2006 | انڈیا بھارت-امریکہ جوہری معاہدہ اور مشکلات21 January, 2006 | انڈیا | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
ریاست کے حکومت نواز سیاستدانوں کے بیانات سے لگتا ہے کہ وہ دو ہزار سات سے آگے مشرف اقتدار کو جاری رکھنے کے لیے سٹیج تیار کر رہے ہیں
