دلاورخان وزیر بی بی سی اردو ڈاٹ کام، پشاور

	فوجی قافلے کی ایک گاڑی چشمہ پل پر بارود ی سرنگ سے ٹکراگئی

فوج کے شعبہ تعلقات عامہ کے سربراہ میجر جنرل وحید ارشد نے بی بی سی کو بتایا کہ سنیچر کو ایک جوابی کاروائی میں پانچ حملہ آور مارے گئے ہیں۔ ان کا کہنا تھا کہ اس موقع پر علاقے کو کنٹرول کرنے کےلیے گن شپ ہیلی کاپٹروں کا بھی استعمال کیا گیا۔

میران شاہ میں تیرہ شدت پسند ہلاک

یاد رہے کہ گزشتہ رات بھی انتظامیہ کے مطابق ایک کارروائی کے دوران سکیورٹی فورسز نے تیرہ حملہ آواروں کو ہلاک کردیا تھا۔

شمالی وزیرستان کی مقامی انتظامیہ کا کہنا ہے کہ اتوار کو گیارہ بجے کے قریب ایک فوجی قافلہ میرانشاہ سے بنوں جا رہا تھا کہ صدر مقام میرانشاہ سے تین کلومیٹر مشرق کی طرف چشمہ پل پر فوجی گاڑی بارود ی سرنگ سے ٹکراگئی، جس کے نتیجے میں چھ فوجی اہلکار زخمی ہوئے اور گاڑی بھی تباہ ہوگئی۔

واضح رہے کہ یہ حملے ایسے وقت میں کیےگئے ہیں جب گورنر سرحد علی

دوبارہ شروع مذاکرات کی کوشش  یہ حملے ایسے وقت میں کیےگئے ہیں جب گورنر سرحد علی محمد جان اورکزئی کی طرف سے بھیجا گیا ایک جرگہ علاقے میں شدت پسندوں کے ساتھ امن مذاکرات دوبارہ شروع کرنے کی کوششوں میں مصروف ہے

شمالی وزیرستان سے منتخب رکن قومی اسمبلی مولوی نیک زمان کے مطابق گزشتہ روز جرگہ میں شامل ایک پانچ رکنی وفد نے مقامی طالبان سے ملاقات کی ہے۔ تاہم طالبان ذرائع کا کہنا ہے کہ جرگہ میران شاہ میں موجود تو ہے لیکن تاحال ان کا جرگہ کے کسی رکن سے رابطہ نہیں ہوا ہے۔