 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
ایڈز پر اقوام متحدہ کا معاہدہ | ||||||||||||||||||||||||||||||||||||||||
اقوام متحدہ نے حکومتِ پاکستان کے مختلف محکموں سے مل کر فوج اور پولیس کے اہلکاروں میں ایڈز سے بچاؤ کی تدبیر کے لئے پروگرام کے معاہدے پر دستخط کیے ہیں۔ اس بارے میں اقوام متحدہ نے مختلف محکموں کے ساتھ ایک اعلامیے پر دستخط کیے۔ وفاقی وزیر صحت نصیر خان نے حکومت پاکستان کی طرف سے معاہدے پر دستخط کیے۔ اقوام متحدہ کے ساتھ معاہدہ کرنے والے محکموں میں وزارت صحت، وزارت دفاع، وزارت داخلہ اور وزارت انسداد منشیات شامل ہیں۔ اقوام متحدہ کا یہ مطالبہ رہا ہے کہ عالمی امن فوج میں ایڈز کے پھیلنے کا خطرہ سب زیادہ ہے، جبکہ پاکستان اقوام متحدہ کو عالمی امن افواج فراہم کرنے والے ممالک میں سرفہرست ہے۔ پاکستان کی افواج کو افریقہ کے ایسے علاقوں میں بھی فرائض انجام دینے پڑتے ہیں جہاں ایڈز کا زیادہ خطرہ ہوتا ہے اور اس کے پیش نظر پاکستانی فوج اور پولیس میں ایڈز سے بچاؤ اور تدراک کی صلاحیت پیدا کرنے کے لئے اقوام متحدہ کے ساتھ ایک اعلامیہ پر دستخط کیے ہیں۔ اس پروگرام کا بنیادی مقصد افواج پاکستان، اینٹی نارکوٹکس فورس اور پولیس میں ایڈز سے بچاؤ اور اس کی روک تھام کے بارے میں آگاہی پیدا کرنا اور ایڈز جیسے چیلنج کا مقابلہ کرنے کی صلاحیت پیدا کرنا ہے۔ اقوام متحدہ اور پاکستانی محکموں کے درمیان ہونے والے معاہدے پر ابتدائی طور پر ایک لاکھ سترہ ہزار ڈالر کے فنڈز بروئے کار لائے جائیں گے۔ پاکستان میں قومی اورصوبائی سطح پر ایڈز سے بچاؤ اور تدراک کی صلاحیت پیدا کرنے کے لئے پولیس فورس پر کام ہورہا ہے اور اب اقوام متحدہ کے ساتھ معاہدے کے بعد اس پروگرام کے لئے یو این ایڈز اضافی فنڈز دے گی۔ دنیا بھر میں اس وقت سولہ ممالک اس اعلامیہ پر دستخط کرچکے ہیں جبکہ پاکستان جنوبی ایشیا میں اس معاہدے پر دستخط کرنے والا تیسرا ملک ہے۔ بنگہ دیش اور بھارت پہلے ہی اس معاہدے پر دستخط کرچکے ہیں۔ دنیا بھر میں اس وقت 80 ممالک کی افواج سمیت دیگر باوردی اداروں کے اہلکاروں میں ایڈز سے روک تھام کے بارے میں آگاہی کے پروگرام کیے گئے ہیں۔ |  اسی بارے میں  پاکستان: ایڈز میں اضافہ27 November, 2004 | پاکستان پاکستان: ایڈز سنٹرز کا قیام30 November, 2004 | پاکستان ’صوبہ سندھ ایڈز سے زیادہ متاثر‘01 December, 2004 | پاکستان ایڈز: آگاہی کی ضرورت ہے 30 November, 2004 | پاکستان فاٹا کے لوگ ایڈز کے علاج سے محروم01 December, 2005 | پاکستان ایڈز ختم کرنے میں کلنٹن کی مدد17 February, 2006 | پاکستان ایڈز سے متعلق پشتو ویڈیو03 August, 2006 | پاکستان | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
