احمد رضا بی بی سی اردو ڈاٹ کام، کراچی

	عمران خان کراچی کے واقعات کے حوالے سے ایم کیو ایم پر تنقید کر رہے ہیں

تاہم عمران خان کا کہنا ہے کہ وہ کراچی اور سندھ کے دوسرے علاقوں میں ضرور جائینگے اور اگر انہیں کوئی نقصان پہنچا تو اس کی ذمہ داری صدر پرویز مشرف اور ایم کیو ایم کے رہنماء الطاف حسین پر ہوگی۔

عمران خان معافی مانگیں: ایم کیو ایم

تعزیت کے بعد عمران خان نے حیدرآباد کے لیے روانہ ہونا تھا، جہاں انہوں نے چیف جسٹس آف پاکستان کے خلاف دائر صدارتی ریفرنس اور کراچی کے پرتشدد واقعات پر ہونے والی ایک کل جماعتی کانفرنس میں شرکت کرنا تھی۔

نامناسب زبان کراچی شہر میں کئی جگہوں پر عمران خان کے خلاف وال چاکنگ کی گئی ہے، جس میں استعمال کی گئی زبان مبصرین کے مطابق انتہائی نا مناسب ہے

چیف جسٹس آف پاکستان جسٹس افتخار چودھری کی بارہ مئی کے روز کراچی آمد کے موقع پر ہونے والی خونریزی کے بعد عمران خان صدر مشرف کی حلیف جماعت ایم کیو ایم کو مسلسل تنقید کا نشانہ بنا رہے ہیں۔

انہوں نے یہ بھی اعلان کر رکھا ہے کہ وہ عنقریب لندن میں مقیم الطاف حسین کے خلاف برطانوی قوانین کے تحت مقدمہ دائر کرینگے کہ انہوں نے ایم کیو ایم کے کارکنوں کو چیف جسٹس کی کراچی آمد کے موقع پر تشدد کرنے پر اکسایا۔

ایم کیو ایم نے ان بیانات پر سخت ردعمل کا اظہار کیا ہے اور متعدد شہروں میں اس کے کارکنوں نے عمران خان کے خلاف احتجاجی مظاہرے کیے ہیں۔ کراچی شہر میں کئی جگہوں پر عمران خان کے خلاف وال چاکنگ کی گئی ہے، جس میں استعمال کی گئی زبان مبصرین کے مطابق انتہائی نا مناسب ہے۔