عبدالحئی کاکڑ بی بی سی اردو ڈاٹ کام، اسلام آباد

	درگئی فوجی مرکز پر حملے کے بعد کا منظر۔ اس حملے میں کم سے کم بیالیس افراد ہلاک ہوئے تھے۔ (فائل فوٹو)

پاکستان فوج کے ترجمان میجر جنرل وحید ارشد نے بی بی سی اردو ڈاٹ کام کو بتایا کہ یہ واقعہ جمعرات کی دوپہر بارہ بجےاس وقت پیش آیا جب ایک شخص ٹریننگ سنٹر میں داخل ہوا اور اس نے خود کو ایک دھماکے کےساتھ اڑا دیا۔

خود کش حملے میں بیالیس فوجی ہلاک

فوج پر حملے، کب اور کیسے

انہوں نے بتایا کہ حملہ آور اور ایک سپاہی موقع پر ہلاک ہوگئے جبکہ آٹھ فوجی زخمی ہوئے ہیں، جو اس وقت ایک فوجی ہسپتال میں زیر علاج ہیں۔ان کے مطابق زخمیوں کی حالت خطرے سے باہر ہے۔

میجر جنرل وحید ارشد کے مطابق واقعے کی تحقیقات شروع کردی گئی ہے اور ابتدائی طور پر اس بات کا جائزہ لیا جارہا ہے کہ خودکش حملہ آور کون تھا اور کہاں سے آیا تھا۔

یہ پنجاب میں کسی فوجی ٹریننگ سنٹر کو خودکش حملے کا نشانہ بنائے جانے کا پہلا واقعہ ہے۔ اس سے قبل گزشتہ سال نومبر میں صوبہ سرحد میں درگئی کے مقام پر ایک فوجی تربیتی مرکز پر خودکش حملہ ہوا تھا جس میں کم از کم بیالیس فوجی ہلاک ہوگئے تھے۔