اعجاز مہر بی بی سی اردو ڈاٹ کام، اسلام آباد

	ڈاکٹر عذرا فضل آصف علی زرداری کی بہن ہیں

سینیٹ اور قومی اسمبلی کا بائیکاٹ

پیپلز پارٹی کے اراکین نے بدھ کو بھی دونوں ایوانوں سے آصف علی زداری کی ہمشیرہ عذرا فضل پیچوہو پر مبینہ حملے میں ملوث افراد کے خلاف مقدمہ درج نہ کیے جانے کے خلاف دونوں ایوانوں کی کارروائی کا بائیکاٹ کیا تھا۔

پیپلز پارٹی کے ایک سرکردہ رہنما راجہ پرویز اشرف کا کہنا ہے کہ دس فروری کو صوبہ سندھ کے شہر کوٹڑی میں صوبائی اسمبلی کے ایک حلقے کے ضمنی انتخابات کے موقع پر صوبائی وزیر الطاف انڑ اور ان کے محافظوں نے ان کی ساتھی خاتون رکن اسمبلی پر گولیاں چلائیں تھیں۔

پیپلز پارٹی کے مطابق جس گاڑی میں عذرا فضل سوار تھیں اس پر چار گولیاں لگی تھیں لیکن وہ گاڑی ’بلٹ پروف‘ تھی اس لیے انہیں کوئی نقصان نہیں پہنچا۔

وزیر مملکت برائے داخلہ ظفر اقبال وڑائچ نے قومی اسمبلی میں بدھ کو کہا تھا کہ پیپلز پارٹی نے مقدمہ درج کرنے کی تاحال درخواست ہی نہیں دی۔ وزیر کے مطابق مقدمہ پیپلز پارٹی کی درخواست پر درج ہوسکتا ہے یا عدالتی حکم پر۔

لیکن پیپلز پارٹی کے رہنما وزیر کے اس موقف کو رد کرتے ہیں اور ان کا دعویٰ ہے کہ جب انہوں نے متعقلہ وزیر اور ان کے محافظوں کے خلاف مقدمہ درج کرنے کی درخواست دی تو ضلع کوٹڑی کے پولیس سربراہ نے کہا کہ وزیر کا نام خارج کریں تو وہ مقدمہ درج کرنے کو تیار ہیں۔

بدھ کو بھی احتجاج کیا گیا تھا  پیپلز پارٹی کے اراکین نے بدھ کو بھی دونوں ایوانوں سے آصف علی زداری کی ہمشیرہ عذرا فضل پیچوہو پر مبینہ حملے میں ملوث افراد کے خلاف مقدمہ درج نہ کیے جانے کے خلاف دونوں ایوانوں کی کارروائی کا بائیکاٹ کیا تھا

ان کے بقول حکومتی یقین دہانیوں کے باوجود جب مقدمات درج نہیں ہوئے تو انہوں نے بدھ سے یہ فیصلہ کیا ہے کہ دونوں ایوانوں کی کارروائی میں صرف وقفہ سوالات میں حصہ لیں گے اور بعد میں اس وقت تک بائیکاٹ جاری رکھیں گے جب تک مقدمہ درج نہیں ہوتا۔

اتحاد برائے بحالی جمہوریت میں پیپلز پارٹی کی اتحادی جماعت مسلم لیگ نواز کے اراکین نے بدھ کے روز ابتدا میں پیپلز پارٹی کا ساتھ دیا لیکن کچھ دیر بعد وہ ایوان میں واپس آگئے تھے۔ جمعرات کو مسلم لیگ نواز اور مذہبی جماعتوں کے اتحاد کے حزب مخالف کے اراکین ایوان میں موجود رہے۔

سندھ ہائی کورٹ کے چیف جسٹس صبیح الدین احمد اور جسٹس فیصل عرب پر مشتمل بینچ نے جمعہ کو ایڈووکیٹ جنرل سندھ کو طلب کرلیا ہے۔

یاد رہے کہ پیپلز پارٹی کی مرکزی سکریٹری اطلاعات شیری رحمٰن پر کراچی میں کچھ روز قبل جلوس میں شریک ایک خاتون نے حملہ کیا تھا۔

ایوان بالا سینیٹ کی کارروائی جمعرات کو غیر معینہ مدت تک ملتوی کردی گئی ہے لیکن قومی اسمبلی کا اجلاس جمعہ کی صبح بھی ہوگا۔

ہائی کورٹ میں درخواست دائر
ڈجکٹر عذرا پیچوھو نے سندھ ہائی کورٹ میں نے ایک درخواست دائر کر دی ہے، جس میں موقف اختیار گیا ہے کہ کوٹڑی کے ضمنی انتخاب میں ان پر قاتلانہ حملہ کیا گیا تھا، جس میں حکمراں جماعت کے لوگ ملوث ہیں۔

ان کا موقف ہے کہ اس واقعے کے بعد انہیں مسلسل دھمکیاں مل رہی ہیں۔ ان کا کہنا تھا کہ ہوم سیکریٹری سندھ کو چاہیے کہ وہ ان کےلیے نجی محافظ اور اسلحے کے لائسنس جاری کرنے کے احکامات جاری کریں۔

سندھ ہائی کورٹ کے چیف جسٹس صبیح الدین احمد اور جسٹس فیصل عرب پر مشتمل بینچ نے جمعہ کو ایڈووکیٹ جنرل سندھ کو طلب کرلیا ہے۔