ہارون رشید بی بی سی اردو ڈاٹ کام، پشاور

	جماعت اسلامی اس انتخاب کی منسوخی کے لیئے تحریک چلا رہی تھی

حکام کے مطابق کافی تعداد میں لوگ ووٹ ڈالنے آئے تاہم آزاد ذرائع کے مطابق یہ تعداد ماضی سے کم رہی۔

قومی اسمبلی کی نشست این اے چوالیس جماعت اسلامی کے رکن صاحبزادہ ہارون رشید کی جانب سے استعفے کے بعد خالی ہوئی تھی۔ انہوں نے باجوڑ میں ایک مدرسے پر بمباری اور اسی افراد کی ہلاکت کے واقعے کے خلاف بطور احتجاج اپنے عہدے سے استعفٰی دے دیا تھا۔

جماعت اسلامی نے اس نشست پر ضمنی انتخاب بھی نہ ہونے کی دھمکی دی تھی۔ وہ گزشتہ ایک ماہ سے اس انتخاب کی منسوخی کے لیئے تحریک چلا رہی تھی۔

منگل کی رات نامعلوم افراد نے کئی مقامات پر سکیورٹی فورسز کی چوکیوں اور پولنگ سٹیشنوں پر راکٹ داغے جن سے دو لیویز اہلکار زخمی ہوئے ہیں۔

نشست کے لیئے پولنگ بدھ کی صبح آٹھ بجے شروع ہوئی جو شام پانچ بجے تک پرامن طریقے سے جاری رہی۔ کسی بھی علاقے سے کسی پرتشدد واقعے کی اطلاع نہیں ملی ہے۔

جماعت اسلامی نے اپنے احتجاج کا سلسلہ آج بھی جاری رکھا اور مارچ کے علاوہ دھرنے دیئے۔ اسی قسم کا سیاہ پرچموں کا ایک احتجاجی مظاہرہ پشاور میں بھی پریس کلب کے سامنے منعقد ہوا۔ مظاہرین نے حکومت اور امریکہ مخالف نعرہ بازی کی۔

ہارون رشید کا احتجاج قومی اسمبلی کی نشست این اے چوالیس جماعت اسلامی کے رکن صاحبزادہ ہارون رشید کی جانب سے استعفے کے بعد خالی ہوئی تھی۔ انہوں نے باجوڑ میں ایک مدرسے پر بمباری اور اسی افراد کی ہلاکت کے واقعے کے خلاف بطور احتجاج اپنے عہدے سے استعفٰی دے دیا تھا۔

باجوڑ میں دو ہزار دو کے عام انتخابات میں اکیس فیصد ووٹ پڑے تھے اور پولیٹکل ایجنٹ کے بقول اس مرتبہ بھی یہ تعداد اس جتنی اگرچہ نہیں تو اس کے قریب ضرور ہوگی۔

مقامی انتظامیہ نے حساس پولنگ سٹشنوں پر بڑی تعداد میں لیویز اور ایف سی اہلکار تعینات کر دیے تھے۔ حکام نے سکیورٹی خدشات کے پیش نظر کئی پولنگ سٹیشن بھی دوسرے مقامات پر منتقل کر دیئے تھے۔

شکیل قادر نے بتایا کہ بظاہر ووٹروں اور پولنگ عملے کو اس انتخاب سے دور رکھنے کی دستی اشتہار کی تقسیم کے ذریعے کوئی اثر نہیں ہوا ہے۔

حکومت نے خواتین کی ووٹنگ کے لیے پورے انتظامات کیئے تھے لیکن ووٹ ڈالنے کوئی نہیں آیا۔

جماعت اسلامی کے بائیکاٹ کے برعکس عوامی نیشنل پارٹی کے شہاب الدین اور مسلم لیگ ق کے سید بادشاہ کے درمیان سخت مقابلے کی توقع کی جا رہی ہے۔