ریاض سہیل بی بی سی اردو ڈاٹ کام، کراچی

	سردار اختر مینگل کو حب میں ان کے گھر میں نظر بند کر دیا گیا ہے۔

ان کا کہنا تھا کہ تیس نومبر کو گوادر میں جلسے کے بعد یہ مارچ کوئٹہ کے لیے روانہ ہوگا۔اگر وہ اس کی قیادت نہ کرسکے تو بلوچستان کے عوام کریں گے۔ کیونکہ یہ کیس فرد یا پارٹی کا مارچ نہیں ہے۔

انہوں نے بتایا کہ انہیں پہلے ہی یہ توقع تھی کہ حکومت گرفتاریاں کرے گی کیونکہ ان کی حرکات سے یہ پتہ چل رہا تھا کہ وہ خوفزدہ ہیں۔ ان کے مطابق انہوں نے پرامن احتجاج کا پروگرام بنایا تھا مگر اب اس کے پرامن ہونے کی کوئی ضمانت نہیں دے گا۔

ایک سوال کے جواب میں انہوں نے کہا کہ ان حکمرانوں سے بہتری کی کوئی توقع نہیں کی جاسکتی اور نہ ہی اس کی کوئی مثال ملتی ہے۔ اب وہ مزید کارکن گرفتار کریں گے جتنا کرسکتے ہیں کریں گے۔

نظر بندی کے بارے میں انہوں نے بتایا کہ انہیں منگل کوگوادر کے لیے روانہ ہونا تھا، رات کو ایک بجے پولیس نےگھیراؤ کیا اور سرکار کا حکم پڑھ کر سنایا۔

انہوں نے کہا کہ پہلے حکام کا کہنا تھا کہ انہیں گرفتار کیا جا رہا ہے لیکن بعد میں بتایاگیا کہ گھر میں نظر بند کیا جائےگا۔

انہوں نے بتایا کہ سابق ایم این اے رؤف مینگل بھی ان کے ساتھ ہیں اب وہ یہ دیکھ رہے ہیں کہ سرکار کب آتی ہے ۔