ہارون رشید بی بی سی اردو ڈاٹ کام، پشاور

	اکتوبر کے زلزلے نے مستقبل کی منصوبہ بندی کی اہمیت اجاگر کر دی ہے

یہ مرکز یونیورسٹی آف انجینئرنگ پشاور میں دو ہزار تین میں اڑتیس کروڑ روپے کی رقم سے قائم کیا گیا تھا۔ اس مرکز میں زلزلے سے بچاؤ اور تعمیرات میں نقصانات کم سے کم کرنے جیسے اہم مسائل پر تحقیق کی جاتی ہے۔

زلزلے کے یتیم

پلاننگ کمیشن کے سربراہ ڈاکٹر اکرم شیخ نے گزشتہ دنوں ایک اجلاس میں اس رقم کی منظوری دی۔

امتیاز حسین گیلانی کا ماننا تھا کہ اس توسیع سے انسانی وسائل کو جدید سہولتوں کے مدد سے زیادہ بہتر انداز میں نکھارا جا سکے گا۔ ’اس مرکز کا بنیادی مقصد ملک کو آٹھ اکتوبر کے تباہ کن زلزلوں سے بہتر اور موثر حکمت عملی کے ذریعے مقابلہ کرنے کے قابل بنانا ہے‘۔

اکتوبر کے زلزلے کے بعد مرکز نے صوبائی حکومت کو متاثرہ پانچ اضلاع میں تعمیراتی ڈیزائن اور کوڈ کی تیاری میں مدد دی۔ یہ مرکز زلزلہ انجینئرنگ کے مضمون میں پاکستان کا پہلا پی ایچ ڈی ماہر بھی تیار کر چکا ہے۔

ایک سوال کے جواب میں کہ پاکستان میں ان پی ایچ ڈیز کی ضرورت ہے، سید امتیاز حسین گیلانی کا کہنا تھا کہ یہ سٹرکچرل انجینئرنگ کی ہی ایک شاخ ہے جس کا فرق صرف اتنا ہے کہ یہ ایسی عمارتیں تعمیر کرنے پر تحقیق کرتے ہیں جو زلزلے کی اثرات سے محفوظ ہوں۔ انہوں نے کہا کہ ’جہاں بھی سٹرکچرل انجینئرز کی ضرورت ہوگی وہاں یہ انجینئر بھی کام کر سکیں گے‘۔

اس مرکز کی افادیت کے بارے میں وائس چانسلر کا کہنا تھا کہ اگر ماضی میں تعمیرات ایسے مرکز کی تحقیق کے تحت ہوتیں تو نقصانات بہت کم ہوتے۔ انہوں نے کہا کہ ’اس سرمایہ کاری سے مستقبل میں نقصانات کو کم کیا جاسکتا ہے‘۔

آٹھ اکتوبر نے جہاں انسانی مدد اور ایثار کے جذبات کو نکھارا وہیں ایسا محسوس ہوتا ہے کہ اس نے حکومت کو مستقبل کی فکر سے بھی دوچار کیا ہے۔ اس مرکز کی توسیع اسی سوچ کا نتیجہ ہے۔