عزیزاللہ خان بی بی سی اردو ڈاٹ کام کوئٹہ

	سردار عطا اللہ مینگل، نواب اکبر بگٹی اور نواب خیر بخش مری

دریں اثنا شاہوانی قبیلے کے سرداروں نے اس تاثر کو غلط قرار دیا ہے کہ صرف تین سردار حکومت کی مخالفت کر رہے ہیں۔

صادق رئیسانی ایڈووکیٹ نے آج ایک اخباری کانفرنس میں کہا ہے کہ کوئی اسی سے زیادہ وکیل ان کے ساتھ ہیں اور انہوں نے بلوچستا ن بار کونسل کے پاس نئی تنظیم کے قیام کے لیے درخواست جمع کرا دی ہے۔

بلوچ بار ایسوسی ایشن کے قیام کی ایک وجہ یہ بھی بتائی گئی ہے کہ بلوچستان بار ایسوسی ایشن کے پلیٹ فارم سے بلوچوں کے مسائل کے حل کی طرف کوئی توجہ نہیں دی جا رہی۔

اس کے علاوہ کل شام شاہوانی قبیلے کے ایک جرگے میں نواب عبدالرحیم شاہوانی نے کہا ہے کہ بیشتر بلوچ قبائل اور سردار صوبے میں جاری مبینہ فوجی کارروائی کی مذمت کرتے ہیں۔

انہوں نے کہا کہ اس تاثر کو غلط قرار دیا کہ صرف تین سردار حکومت کے مخالف ہیں بلکہ سراوان کے بیشتر سردار نواب اکبر بگٹی نواب خیر بخش مری اور سردار عطاءاللہ مینگل کی حمایت کرتے ہیں۔

نواب عبدالرحیم نے کہا کہ ہمیں ہمارے حال پر چھوڑ دیا جائے اگر حکومت ہمارے ساتھ اچھا نہیں کر سکتی تو برا بھی نہ کرے۔ انہوں نے کہا کہ بلوچ اپنے علاقے میں اپنا دفاع کر رہے ہیں اور حکومت حملہ آور ہے ایسی صورت میں ہم کیسے اپنے بلوچ بھائیوں سے علیحدہ رہ سکتے ہیں اس لیے ہم ان کی سیاسی اور جمہوری حمایت کرتے رہیں گے۔

اس جرگے میں سراوان کے کم سے کم آٹھ سرداروں کو مدعو کیا گیا تھا جنھوں نے اس میں شرکت کی حامی بھر لی تھی لیکن تین سرداروں نے خود شرکت کی اور دو نے اپنے نمائندے بھیجے جبکہ باقی سرداروں نے شرکت نہیں کی جس کی کوئی وجہ نہیں بتائی گئی۔