ریاض سہیل بی بی سی اردو ڈاٹ کام کراچی

فاروق ستار جمعرات کی شب اپنے دیگر ساتھیوں کے ساتھ جماعت اسلامی کے دفتر ادارہ نور الحق پہنچ گئے

ڈاکٹر فاروق ستار نے بعد میں صحافیوں سے مختصر بات چیت کرتے ہوئے کہا ہے کہ ہم شہر کی بہتری چاہتے ہیں اور اس کے لیے سب کو ساتھ لیکر چلنا چاہتے ہیں۔ ہمیں شہر کے بہتری کے لیے مشترکہ سوچ اختیار کرنا چاہیے۔

نعمت اللہ خان نے صحافیوں کو بتایا ایم کیو ایم کو اپنی غلطیوں کا اعتراف کرنا پڑیگا۔ انہوں نے شہر کو تباہ کیا ہے۔ ہاتھ ملانے سے کچھ نہیں ہوتا انہیں اپنی ماضی کی غلطیوں پر معافی مانگنی ہوگی۔

مبصروں کا کہنا ہے کہ نامعلوم وجوہات کی بنا پر ایم کیو ایم نے نرم رویہ اختیار کیا ہوا ہے اور پولنگ کے بعد حریف کے پاس جانا بھی اسی عمل کا ایک حصہ ہے۔