عدنان عادل بی بی سی اردو ڈاٹ کام ، لاہور

کراچی سے رہائی کے بعد ہندوستانی ماہی گیر لاہور جا رہے ہیں۔

بھارت نے صدر جنرل پرویزمشرف کے دورے کے موقع پر ان ماہی گیروں کو رہا کرنے کا اعلان کیا تھا جنہیں بھارت کی سمندری حدود میں مچھلیاں پکڑنے کے الزام میں گرفتار کیا گیا تھا۔

رینجرز حکام کے مطابق آج جو ماہی گیر واہگہ سے لاہور پہنچے ان میں سے پچہتر کا تعلق سندھ کے ضلع ٹھٹھہ سے ہے اور باقی کا تعلق کراچی کے اردگرد کے جزیروں سے۔

اس سال کے شروع سے اب تک دونوں ملک ایک دوسرے کے تقریبا ایک ہزار سے زیادہ قیدیوں کا تبادلہ کرچکے ہیں۔ پاکستان نے گزشتہ چند ماہ میں تقریبا سات سو بھارتی مچھیروں کو رہا کیا ہے۔

تاہم سمندری حدود کی خلاف ورزی کے الزام میں پیر کے روز پاکستان کے کوسٹ گارڈ نے چھتیس بھارتی مچھیروں کو بحیرہ عرب میں پاکستان کی سمندری حدود میں مچھلیاں پکڑنے کے الزام میں گرفتار کرلیا۔ میری ٹائم سیکیورٹی ایجنسی کے ترجمان کا کہنا ہے کہ یہ بھارتی مچھیرے پاکستانی حدود میں داخل ہوکر قیمتی مچھلیاں کڑتے ہیں۔