سوئی اور دیگر علاقوں میں کشیدگی برقرار ہے۔

کوئٹہ سے صحافی ایوب ترین کے مطابق دھماکہ کے بعد ریلوے انتظامیہ نے کوئٹہ سبی سیکشن پر ٹرینوں کی آمد و رفت معطل کر دی تھی جو سات گھنٹے کی کوششوں کے بعد اب بحال کردی گئی ہے۔

ادھر کراچی میں پیر کے روز حکومت بلوچستان کی جانب سے لیڈی ڈاکٹر سے مبینہ گینگ ریپ کی تحقیات کے لیے قائم ٹرایبونل کے سربراہ جسٹس احمد خان لاشاری نے متاثرہ لیڈی ڈاکٹر شازیہ خالد کا بیان ریکارڈ کیا ہے۔

اطلاعات کے مطابق ڈاکٹر شازیہ خالد نے عدم تحفظ کے بنیاد پر کوئٹہ میں ٹرایبونل کے سامنے پیش ہونے سے معذرت کی تھی۔

دوسری جانب حکمران جماعت مسلم لیگ کے صدر چوہدری شجاعت حسین اور سکریٹری جنرل مشاہد حسین سوئی کی موجودہ صورتحال پر خیال کرنے کے لیے بلوچستان نیشنل پارٹی کے سربراہ عطا اللہ مینگل سے ملاقات کریں گے۔

نواب اکبر بگٹی نے سوئی میں آرمی اور فرنٹیر کی موجودگی میں حکومتی نمائندوں سے مذاکرات کرنے سے انکار کر دیا ہے۔

ادھر کوئٹہ شہر کے پولیس سربراہ پرویز رفیع بھٹی نے بتایا کہ پیر کو سول سکریٹریٹ میں بم دھماکے میں ملوث ایک شخص کو گرفتار کر لیا گیا ہے۔

پولیس افسر کے مطابق مذکورہ شخص کئی بم دھماکوں، راکٹ داغنے اور بلوچستان ہائی کورٹ کے جج جسٹں شاہ نواز مری کے قتل میں بھی پولیس کو مطلوب تھا۔

دوسری جانب حکومت نے سول سکریٹریٹ کے سکیورٹی اہلکاروں کو معطل کر دیا گیا ہے۔ ان پر الزام ہے کہ انہوں نے فرائض سے عفلت برتی ہے۔ پولیس نے انہیں بم دھماکے میں شامل تفتیش کر لیا ہے۔