پی چدمبرم نے ممبئی پر حملوں کے بعد وزارت داخلہ کی ذمہ داری سنبھالی تھی

تاہم بی بی سی سے بات کرتے ہوئے مسٹر چدمبرم نےکہا کہ’ ہمیں اور محنت کرنی ہوگی۔‘

مسٹر چدمبرم نے ممبئی حملوں کے بعد وزارت داخلہ کی ذمہ داری سنبھالی تھی کیونکہ شوراج پاٹل مستعفی ہو گئے تھے۔

دو اہداف  ایک تو یہ کہ دہشت گردوں کے حملے سے بہتر طور پر نمٹنے کی صلاحیت ہو اور دوسرا یہ کہ جوابی کارروائی تیزی سے اور فیصلہ کن انداز میں کی جائے تاکہ حملہ آور مستقبل میں بھی باز رہیں

انہوں نے کہا کہ ہندوستان کو درپیش دہشت گردی کا خطرہ اگرچہ زیادہ تر بیرون ملک سے ہے لیکن ملک کے اندر بھی اسلامی شدت پسندوں کے بہت سے سیل سرگرم ہیں۔

لیکن انہوں نے دعوی کیا کہ ان میں سے زیادہ تر کو بیرون ملک اور خاص طور پر پاکستان سے تربیت، فنڈز اور حمایت حاصل ہوتی ہے۔

مسٹر چدمبرم نےکہا کہ ملک کے پارلیمانی انتخابات سے قبل انہوں نے اپنے لیے دو اہداف کا تعین کیا تھا۔

ایک تو یہ کہ دہشت گردوں کے حملے سے بہتر طور پر نمٹنے کی صلاحیت ہو اور دوسرا یہ کہ جوابی کارروائی تیزی سے اور فیصلہ کن انداز میں کی جائے تاکہ حملہ آور مستقبل میں بھی باز رہیں۔

وزیر داخلہ نےکہا کہ ہندوستان پر حملے در اصل ایک وسیع تر منصوبے کاحصہ ہیں جس کا مقصد ملک آزاد، کثیر مذہبی اور سیکولر معاشرے کو چیلج کرنا ہے۔

’یہ بات کافی واضح ہے کہ ملک کو غیر مستحکم کرنے کی کوشش کی جارہی ہے۔‘