’زرعی زمین امیتابھ کے نام کرنے کے معاملے میں جعلسازی سے کام لیا گیا ہے‘

امیتابھ کے نام زمین کام پٹہ کالعدم

گزشتہ جمعہ کو فیض آباد کے ایڈیشنل کمشنر ودھیا ساگر پرساد نے بارہ بنکی کے ایک گاؤں دولت پور میں امیتابھ بچن کے نام پر پنچایت کی زمین کو جعلسازی کا معاملہ قرار دیتے ہوئے زمین کا پٹہ (لیز) کالعدم قرار دے دیا تھا۔

فیض آباد کی عدالت کے فیصلے کے بعد پیر کو انتظامیہ نے اپنی تفتیش کے بعد متنازعہ زمین امیتابھ بچن کے نام کرنے میں کی گئی دھوکہ دہی اور فرضی کاغذات تیار کرنے کے معاملے میں ان پر مقدمہ درج کرنے کی سفارش کی تھی۔

ہمیں موقع نہیں دیا گیا  درخواست ميں امیتابھ نے کہا ہے کہ اس معاملے کی سماعت کے دوران فیض آباد کی عدالت میں انہیں اپنا موقف بیان کرنے کا موقع نہیں دیا گیا

دلچسپ پہلو یہ ہے کہ تنازعہ کی شروعات پونا کے پاس امیتابھ کی طرف سے ایک ارآضی خریدنے کی کوشش سے شروع ہوئی تھی۔ اس علاقے میں وہی شخص زمین خرید سکتا تھا جو پیشہ ور کسان ہو اور اس کے لیے امیتابھ نے جو کاغذات جمع کروائے تھے اس میں دکھایا گیا تھا کہ وہ انیس سو تراسی سے بارہ بنکی میں ایک زرعی قطع ارآضی کے مالک ہیں۔

تاہم بعدازاں تفتیش سے پتہ چلا کہ بارہ بنکی کے دولت پور گاؤں کی زمین امیتابھ کے نام کرنے کے معاملے میں جعلسازی سے کام لیا گیا ہے۔ جس کے بعد زمین کا پٹہ کالعدم قرار دیتے ہوئے ایک متعلقہ افسر کو برخاست کیا گیا تھا۔

یہ الزامات بھی سامنے آتے رہے ہیں کہ ریاست میں ملائم سنگھ کی حکومت نے امیتابھ کو فائدہ پہنچانے کی غرض سے یہ زمین ان کے نام کر دی تھی۔