ریحانہ بستی والا بی بی سی اردو ڈاٹ کام، ممبئی

	مکہ مسجد بم دھماکے اور بعد میں ہونے والی پولیس کارروائی کے نتیجے میں سولہ افراد ہلاک ہوئے تھے

پولیس کادعویٰ ہے کہ چالیس سالہ شعیب نے مکہ مسجد واقعہ میں استعمال ہونے والا دھماکہ خیز مواد آر ڈی ایکس فراہم کیا تھا۔ پولیس کے مطابق شعیب کا اورنگ آباد سے آر ڈی ایکس ملنے کے واقعہ کے اہم ملزم نعیم شیخ سے بھی تعلق ہے۔

تاہم جالنہ میں شعیب کو جاننے والے پولیس کےان دعوؤں کو نہیں مانتے۔ ان کا کہنا ہے کہ شعیب اور نعیم محلے دار تھے اور دونوں کا بچپن ایک ساتھ گزرا۔ ’اس لیے ہو سکتا ہے کہ دونوں میں بات چیت رہی ہو‘۔

جالنہ میں شعیب کا ٹوٹا پھوٹا مکان بند تھا۔ ان کی بیوی کوثر اپنے بیٹے زوحیف کو اپنےسسر برہان الدین جاگیرادر کے پاس اورنگ آباد میں چھوڑ کر اپنے

	شعیب کے خلاف اس سے قبل صرف موٹر سائیکل چوری کا ایک مقدمہ تھا

شعیب کے پڑوسیوں سے بات کی گئی تو انہوں نے ان کی (شعیب) گرفتاری پر اپنی حیرت کا اظہار کیا۔ تاہم کوئی بھی مزید کچھ کہنے سے گبھرا رہا تھا۔ ’کسی طرح کا کوئی تعلق بھی بتایا تو پتہ نہیں کب پولیس ہمیں بھی گرفتار کر لے‘۔

متعلقہ صدر پولیس سٹیشن کے انچارج انسپکٹر ایچ ایم مانکر نے بتایا کہ شعیب کے خلاف اس سے قبل صرف موٹر سائیکل چوری کا ایک مقدمہ تھا جو قدیم جالنہ پولیس سٹیشن میں درج کیا گیا تھا۔ تاہم عدالت نے انہیں اس الزام سے بری کر دیا تھا۔

انسپکٹر مانکر کا کہنا تھا کہ پولیس ریکارڈ کے مطابق شعیب کا کبھی بھی کسی اسلامی تنظیم سے تعلق نہیں رہا اور نہ ہی وہ کسی طرح کی مجرمانہ سرگرمیوں میں ملوث تھا۔

	جالنہ میں شعیب کا ٹوٹا پھوٹا مکان بند تھا

مانکر نے بتایا کہ چوبیس مئی کو حیدرآباد پولیس اور مہاراشٹر اے ٹی ایس (انسداد دہشت گردی سکواڈ) کا عملہ شعیب کوگرفتار کرنے آئے تھے جبکہ ان کے پولیس سٹیشن نے بس ان سے تعاون کیا تھا۔ ’ہمیں اس سے زیادہ اور کوئی خبر نہیں‘۔

جالنہ میں محمد سلیم جن کی مرغیاں بیچنے کی دکان ہے، جس کے مالک شعیب ہیں۔ سلیم انہیں ماہانہ آٹھ سو روپیہ کرایہ دیتے ہیں۔ سلیم کے مطابق شعیب مٹی کا تیل (کیروسین آئل) فروخت کرتے ہیں جبکہ ان کی اہلیہ کوثر ایک غیر سرکاری سکول میں پڑھاتی ہیں، جہاں سے انہیں صرف تین سوروپیہ ماہانہ تنخواہ ملتی ہے۔