فردوس اے ٹاک جموں

	دونوں ممالک کے درمیان اتفاق رائے کے بعد اس مقام کو لوگوں کی آمدورفت کے لیے کھول دیا گیا تھا

دونوں ممالک کے درمیان اتفاق رائے کے بعد اس مقام کو لوگوں کی آمدورفت کے لیے کھول دیا گیا تھا-

سرکاری ذرائع نے بی بی سی کو بتایا کہ پیر کوتقریبا تین بجے ایل او سی کو چکاندا باغ علاقے کی جانب سے کچھ دیر کے لیے کھول دیا گیا-

مقامی انتظامیہ کے ایک اعلی حکام کے مطابق پاکستان کے زیرانتظام کشمیر کے کسی بھی باشندے کو پیر کوایل او سی پار کرنے کی اجازت نہیں ملی-

ایک اعلی افسر کا کہنا تھا کہ’پاکستان نے 71 لوگوں کی فہرست دی تھی لیکن ان میں سے کسی کو بھی بھارتی انٹیلیجنس بیورونے ’کلئیر‘ نہیں کیا-

انہوں نے کہا کہ تقریبا پندرہ دنوں بعد اس مقام پرایک بار پھر ایل اوسی کھولی جائےگی اوراگر ان افراد کی تفتیش 'وریفکیشین' مکمل ہوگئی تو ’ان میں سے کچھ کو اس پار آنے کی اجازت ملے گی‘-

اس مقام سے نومبرکی 21 تاریخ کو پونچھ علاقہ سے تعلق رکھنے والے سات افراد ایل او سی کے پار اپنے رشتہ داروں کی مدد اور خیریت معلوم کرنے کےلیے
پاکستا‎ن کے زیرانتظام علاقے میں داخل ہوئےتھے جن میں سے تین لوگ پیر کو واپس لوٹے۔ ایل او سی پارکرنے والے ان افراد میں کچھ عورتیں بھی ‎شامل تھیں-

اس مقام پر موجودایک مقامی صحافی نے بتایا کہ پچھلے ماہ سرحد کھولنے کے موقع پر دونوں جانب کے فوجی اور سول انتظامیہ کے افسران خاصی تعداد میں موجود تھے لیکن پیر کواس مقام پر کوئی بھی موجود نہیں تھا-

دونوں ممالک نے اتفاق رائے سے کنٹرول لائن کو پانچ مقامات پرکھول دیا ہے-

کھولے گئے کراسنگ پوائنٹس میں نوسیری۔ ٹیتھوال، چکوٹھی۔اُڑی، راولا
کوٹ- پونچھ اور تتاپانی۔میندھر شامل ہیں-