ریحانہ بستی والا
بی بی سی اردو ڈاٹ کام ، ممبئی |  |
| | | دھونی کی مسکراہٹ معنی خیز ہے |
پیغام محبت سینچر کے روز ممبئی کے وانکھیڈے سٹیڈیم میں انڈین کرکٹ ٹیم کے کپتان مہیندر سنگھ دھونی بہت مسکرا رہے تھے۔ارے بابا میچ جیتنے کے بعد نہیں بلکہ میچ شروع ہونے سے پہلے ہی۔ اور ان کی یہ مسکراہٹ ان لاکھوں پرستاروں کے لیے نہیں بلکہ کسی ایک مخصوص شخصیت کے لیے تھی جسے انہوں نے خصوصی طور پر مدعو کیا تھا اور وہ تھیں خوبصورت اداکارہ دیپکا پڈوکون۔ دیپکا کی مسکراہٹ زیادہ معنی خیز تھی۔ ان کے گالوں کی سرخی میں اضافہ ہو جاتا جب وہاں موجود صحافی ان سے دھونی کے بارے میں سوال کرتے۔ اب دلوں کے ٹوٹنے کے اس موسم میں دلوں کا یہ ملن ایک خوشگوار احساس دے گیا۔ دلوں کا ملن آپ سوچ رہے ہوں گے کہ ایسے میں جب کہ بالی وڈ کے گلیاروں میں دلوں کے ٹوٹنے کی خبریں گشت کر رہی ہیں، تو ہم دلوں کے ملاپ کی باتیں کیسے کر سکتے ہیں؟ خبریں آپ تک تو یہی پہنچی ہیں نا کہ کرینہ کپور اور شاہد کی دوستی میں دراڑ پڑ چکی ہے۔ دونوں کی برسوں پرانی دوستی ختم ہو چکی ہے۔ شاہد اکیلے ہیں اور کرینہ نے سیف کا ہاتھ تھام لیا۔ لیکن تصویر کا دوسرا رخ تو یہ ہے کہ برسوں بعد شاہد اپنی ماں نیلما عظیم سے ان کے گلے ملے۔گلے شکوے دور ہوئے۔ دراصل نیلما اور کرینہ میں کبھی تعلقات خوشگوار نہیں تھے اور اسی وجہ سے شاہد اپنی ماں سے علیحدہ ہو کر الگ گھر میں رہنے لگے تھے۔
| | | شاہد کی ہار یا سیف کی جیت |
سیف شاندار کھلاڑی
ناں ہم یہ نہیں کہہ رہے ہیں کہ سیف نے شاہد سے کرینہ کو چھین لیا بات تو اتنی سی ہے کہ سیف نے دیوالی سے پہلے ہی اپنے بالی وڈ دوستوں کے ہمراہ تاش کی بازی سجائی اور ایک دو نہیں پورے چالیس ہزار روپے جیت لیے۔ ویسے سیف ہم بھی آپ کے قائل ہو گئے کتنے اچھے کھلاڑی ہیں آپ۔۔۔۔جان کی معافی
یہ شاید معافی مانگنے کا موسم ہے۔ ملکہ شیراوت نے فلم اگلی اور پگلی میں اپنے ساتھی اداکار رنویر شوری کو اتنے طمانچے مارے کہ شرمندہ ہو کر معافی مانگ لی لیکن جان نے عائشہ کو طمانچے نہیں مارے بلکہ فلم نو سموکنگ میں ان کے منہ پر سگریٹ کے دھوئیں چھوڑے۔ منظر کو ٹھیک سے فلمانے کے لیے انہیں ایسا متعدد بار کرنا پڑا جس سے عائشہ کی طبیعت خراب ہو گئی۔ بیچارے جان نے عائشہ سے ہاتھ جوڑ کر معافی مانگ لی۔
| | | سیف علی خان بازی لے گئے |
سنجے کا غصہ
اوف وویک نے پھر وہی حرکت کی۔ بیچارے وویک معاملہ سلجھانے جاتے ہیں لیکن وہ اور الجھ جاتا ہے۔ انہیں پتہ تھا کہ سنجے دت ان سے بہت ناراض ہیں اس لیے وہ انہیں کسی طرح منانے کی کوشش کر رہے تھے۔ ایک روز انہیں سنجے کی دوست مانیتا کی ماں مل گئیں۔ وویک نے جھٹ ان سے سنجے کی تعریف شروع کردی اور مانیتا کے لیے سنجے کا ہاتھ تک مانگ لیا۔ مانیتا کی ماں بپھر گئیں۔۔۔وہ کیوں ؟ اس لیے کہ وویک کو یہ پتہ ہی نہیں تھا کہ مانیتا کی ماں اور ان کے والد علیحدہ رہتے ہیں اور مانیتا بچپن سے اپنے والد کے ساتھ رہتی تھیں۔۔۔۔بیچارے وویک۔ آپ کے پاس وویک کی ہمدردی کے لیے کچھ الفاظ بچے ہیں۔۔۔ہمیں لگتا ہے شاید انہی باتوں سے گھبرا کر وویک فوج میں شامل ہو گئے ہیں۔جب سانڈ نے۔۔۔
جب سانڈ نے ملکہ شیراوت کا پیچھا کیا۔۔۔ہے ناں دلچسپ خبر۔فلم اگلی اور پگلی میں ملکہ شیراوت اداکار رنویر شوری کے ہمراہ موٹر سائیکل پر بیٹھی تھیں۔انہیں اس شوٹ کے دوران چلانا تھا۔ملکہ نے زور سے چلایا۔بس کیا تھا کچھ دور کھڑا سانڈ بپھر گیا اور اس نے اس گاڑی کا پیچھا شروع کر دیا۔ملکہ اور زور زور سے چیخنے لگیں۔لیکن اس وقت ملکہ یا رنویر نے سرخ رنگ کے کپڑے نہیں پہنے تھے بلکہ موٹر سائیکل کا رنگ سرخ تھا۔۔۔
| | | ملکہ شراوت بچ گئیں |
ارشد ہم جنس پرست
یہ ہم نہیں کہتے خود ارشد وارثی کی ٹی شرٹ پر لکھا ہے۔ آپ خود ہی دیکھ لیجئے۔ ارشد اب ایسی بھی کیا کامیڈی کہ لوگ آپ پر شک کرنے لگیں۔ عامر کا نیا روپ
عامر کو آپ نے کئی روپ میں دیکھا ہے لیکن فلم گجنی کے ری میک میں آپ انہیں ایک نئے انداز میں دیکھیں گے۔انہوں نے اس فلم میں اپنی شرٹ بھی اتاری ہے۔سر بھی منڈوایا ہے اور تو اور انہوں نے کمر سے نیچے جینس پینٹ پہنی ہے۔۔۔ سلمان کا چوکا اور چھکا
سلمان خان نے ایک ہی ساتھ چوکا اور چھکا مار دیا ہے۔ بارہ کروڑ روپے میں ایک فلم سائن کر کے انہوں نے چوکا مارا ہے تو اس فلم کی آمدنی سے تیس فیصد منافع کا معاہدہ کر کے انہوں نے چھکا مار دیا ہے۔ مطلب یہ کہ سلمان نے تمام ہیرو کو پیچھے چھوڑ دیا اور وہ اس وقت بالی وڈ کے سب سے مہنگے اداکار بن گئے۔ | 
قطرینہ اور کرینہ کی دوستی
