ہیری پوٹر سیریز کی ساتویں کتاب بھی مارکیٹ میں آ رہی ہے

صرف تین دنوں میں ہی فلم نے 38 ملین پاؤنڈ کا کارروبار کر لیا ہے اور گزشتہ بدھ سے لے کر اب تک یہ فلم 68.8 ملین پاؤنڈ کما چکی ہے۔

وارنر برادرز کے مطابق پہلی تین ہیری پوٹر فلموں نے جتنا پہلے ہفتوں میں کمایا تھا ’ہیری پوٹر اینڈ دی آرڈر آف دی فینکس‘ نے پانچ دنوں میں ان سے زیادہ کما لیا۔

گزشتہ ہفتے کی نمبر ون فلم ’دی ٹرانسفارمرز‘ اب چارٹ پر دوسرے نمبر پر آ گئی ہے۔

شمالی افریکہ میں بکس آفس 1۔ ہیری پوٹر اینڈ دی آرڈر آف دی فینکس (77.4 ملین ڈالر) 2۔ ٹرانسفارمرز (36 ملین ڈالر) 3۔ راٹاٹوئی (18 ملین ڈالر) 4۔ لیو فری اور ڈائی ہارڈ (10.8 ملین ڈالر) 5۔ لائسنس ٹو ویڈ (7.4 ملین ڈالر) میڈیا بائے نمبرز

وارنر برادرز نے کہا ہے کہ ان کا فلم کو روایتی طور پر جمعہ کی بجائے کو بدھ کے روز ریلیز کرنے کا فیصلہ درست تھا۔

سٹوڈیو کے فلم کو تقسیم کرنے کے ادارے کے سربراہ ڈین فیلمین نے خبر رساں ادارے ایسوسی ایٹڈ پریس سے بات کرتے ہوئے کہا کہ ’ہم گرمیوں کے موسم کے درمیان میں ہیں، اور ہم نے کہا کہ کیوں نہیں، کیونکہ بچوں کو سکول سے چھٹیاں ہیں۔‘

سنیچر کو ہیری پوٹر سیریز کی ساتویں اور آخری کتاب ’ہیری پوٹر اینڈ ڈیتھلی ہیلوز‘ مارکیٹ میں آ رہی ہے۔

’ہیری پوٹر اینڈ ڈیتھلی ہیلوز‘ اور ’ہیری پوٹر اینڈ دی ہالف بلڈ پرنس‘ کے علاوہ ہیری پوٹر سیریز کے سب ناولوں پر فلمیں بن چکی ہیں۔