اسد علی بی بی سی اردو ڈاٹ کام لندن

	میں دُبلی ماڈلز کی حوصلہ شکنی کے حق میں ہوں: زِنٹا

پریتی زنٹا، عید اور دیوالی کے قریب بیس اکتوبر کو یورپ اور امریکہ میں ریلیز ہونے والی فِلم ’جانِ من‘ کی تشہیر کے لیئے لندن میں انٹرویو دے رہی تھیں۔ اس موقع پر فِلم کے پروڈیوسر ساجد نادیادوالہ بھی موجود تھے۔ رمضان کی وجہ سے فِلم دبئی میں کچھ روز بعد ریلیز ہوگی۔ اس موقع پر ذرائع ابلاغ کے مختلف اداروں سے لوگ وہاں موجود تھے اور سوال و جواب کے دوران فِلم کے ایک اداکار سلمان خان کے ’بالوں کی ٹرِیٹمنٹ‘ کا بھی ذکر رہا اور پوچھا گیا کہ اس سے شوٹنگ کا نظام الاوقات تو متاثر نہیں ہوا۔

گھر سے ناطہ  تارکین وطن اپنے ملک کی ثقافت سے رابطہ رکھنا چاہتے ہیں اور عید اور دیوالی پر اس طرح کی فلمیں دیکھی جاتی ہیں۔ تارکین وطن کو اپنی ثقافت سے جوڑنے کا فلمیں بہت اچھا ذریعہ ہیں ساجد نادیادوالہ

زنٹا نے ہنستے ہوئے کہا کیونکہ وہ خود دبلی نہیں ہو سکتیں اس لیئے بھی وہ دبلے پن کے رجحان کے حق میں نہیں۔

زنٹا اور نادیادوالہ نے کہا کہ بیرون ملک رہنے والے ہندوستانی بالی وُڈ کے مستقبل کے لیئے بہت اہم ہیں۔ انہوں نے بیرون ملک ہندوستانی فلمیں بننے کے رجحان پر تبصرہ کرتے ہوئے کہا کہ تارکین وطن اپنے ملک کی ثقافت سے رابطہ رکھنا چاہتے ہیں اور عید اور دیوالی پر اس طرح کی فلمیں دیکھی جاتی ہیں۔ انہوں نے کہا کہ فلمیں ان تارکین وطن کو اپنی ثقافت سے جوڑنے کا بہت اچھا ذریعہ ہیں۔

	پریتی زنٹا اور اکشے

پریتی زنٹا نے بھی کہا کہ ’جانِ من‘ ہلکی پھلکی فِلم ہے جس سے ہر عمر کے لوگ محظوظ ہوں گے۔

انہوں نے کہا کہ لندن میں شوٹنگ بہت اچھا تجربہ تھا۔ لندن میں گزرے وقت کے بارے میں انہوں نے کہا کہ وہ سلامتی کے لیئے برقعہ پہن کر باہر نکلتی ہیں اور ایک بار وہ سپر سٹور ہیرڈز میں تھیں تو کسی نے ان کو اپنا ساتھی سمجھتے ہوئے ان کا ہاتھ پکڑ کر چلنا شروع کر دیا۔ انہوں نے کہا کہ جس عورت کو تلاش کیا جا رہا تھا وہ قریب ہی ابایہ پہنے کھڑی تھیں۔