’غیر ضروری طور پر پتلی ماڈلوں کو دیکھ کر لڑکیوں فاقہ کشی کی طرف مائل ہوتی ہیں‘

حال ہی میں ہسپانیہ میں بھی ایک معروف فیشن شو میں اسی طرح کی پابندی لگا کر کم وزن والی ماڈلوں کو حصہ لینے کی اجازت نہیں دی گئی تھی۔

مِس جاؤل نے کہا کہ غیر ضروری طور پر پتلی ماڈلوں کو دیکھ کر لڑکیوں فاقہ کشی کی طرف مائل ہوتی ہیں۔ تاہم برطانوی فیشن کونسل کا کہنا ہے کہ وہ ڈیزائنروں پر ان کے ملبوسات کی نمائش کے معاملے میں کو ئی شرط نہیں لگائے گی۔

اقوام متحدہ کے ماہرینِ صحت نے ماڈلوں کے لیئے ساڑھے اٹھارہ اور پچیس کے درمیان کا باڈی ماس انڈیکس تجویز کیا ہے لیکن بہت سی ماڈلیں اس معیار پر پورا نہیں اترتیں۔

ہسپانوی فیشن ڈیزائنروں کی تنظیم نے اٹھارہ سے کم باڈی ماس انڈیکس والی ماڈلوں پر پابندی لگانے کا فیصلہ کیا تھا۔ مِس جاؤل نے برطانوی فیشن کونسل اس مثال پر عمل کرنے کے لیئے زور دیا ہے۔

انہوں نے کہا کہ ’فیشن کی انڈسٹری کی جانب سے چھڑی کی طرح پتلا ہونے کو خوبصورت قرار دینا نوجوان لڑکیوں کی صحت کے لیئے نقصان دہ ہے‘۔