مائیکل جکسن اور ڈیبی رو کے طلاق 1999 میں ہوئی

تفصیلات کے مطابق تین جولائی کو لاس اینجلس سپیریئر کورٹ میں مقدمہ دائر کرتے ہوئے مشہور پاپ سٹار مائیکل جیکسن کی سابقہ بیوی ڈیبی رو نے ان سے ایک لاکھ پچانوے ہزار ڈالر کی رقم کا فوری مطالبہ کیا ہے۔

اس کے ساتھ ہی انہوں نے یہ درخواست بھی کی ہے کہ انہیں پچاس ہزار ڈالر دیے جائیں تاکہ وہ مائیکل جیکسن کے خلاف اپنے بچوں کی کسٹڈی کا کیس لڑ سکیں۔ مائیکل جیکسن سے ڈیبی رو کے دو بچےہوے تھے جن کی عمریں اب آٹھ اور نو سال ہیں۔

رو 2001 میں اپنے بچوں پرنس مائیکل اور پیرس کے سارے اختیارات سے دستبردار ہو گی تھیں۔لیکن 2004 میں انہوں نے عدالت سے اس فیصلے میں تبدیلی کی درخواست کی تھی اور اب وہ بچوں پر قانونی حق حاصل کرنے کی کوشش کر رہی ہیں۔

پچھلے سال رو نے مائیکل جیکسن کو 1999 میں طلاق دینے کے باوجود بچوں سی زیادتی کے مقدمے میں ان کا ساتھ دیتے ہوئے ایک عظیم باپ کہا تھا لیکن اب وہ اس بات کا دعویٰ کر رہی ہیں کہ مائیکل جیکسن نے اکتوبر 2003 سے انہیں پیسے دینے بند کر دیے تھے۔