 | | | | | | | ||||||||||||||||||||||||||||||||||||||||||||||||||||||||||||||||
| | |||||||||||||||||||||||||||||||||||||||||||||||||||||||||||||||||||||
|
اینگ لی اور ان کی فلم بہترین | |||||||||||||||||||||||||||||||||||||||||||||||||||||||||||||||||||||
ہدایت کار اینگ لی کی فلم ’بروک بیک ماؤنٹین‘ کو لاس اینجلس کے فلمی نقادوں نے 2005 کی بہترین فلم قرار دیا ہے۔ اس فلم کا موضوع ایک چراگاہ میں کام کرنے والے دو ایسے کاؤ بوائز کی محبت ہے جو ہم جنسیت پرست ہیں۔ فلم میں گلن ہال اور ہیتھ لیجر نے مرکزی کردار ادا کیے اور لی کو اس فلم پر 2005 کا بہترین ہدایت کار بھی چنا گیا ہے۔ لاس اینجلس کریٹک ایوارڈ برائے بہترین اداکار 2005 فلپ سےمر ہوفمین کو فلم ’کے پوٹ‘ میں کے پوٹ ٹرومین کا کردار نبھانے پر دیا گیا۔ ویرا فارمیگا کو فلم ’ڈاؤن ٹو دی بون‘ میں عمدہ اداکاری کی بنا پر بہترین اداکارہ کی حقدار قرار دی گئی ہیں۔ اکیڈمی ایوارڈ کی تقریب کے انعقاد میں اگرچہ ابھی بارہ ہفتے باقی ہیں لیکن ایل اے کریٹک ایوارڈ کی وجہ ابھی سے اس تقریب کے دن گنے جانے لگے ہیں۔ فلم ’بروک بیک ماؤنٹین‘ کے لیے اینی پراؤلکس کے ایک کہانی کو بنیاد بنایا گیا ہے اور اور اسے ستمبر میں ہونے والے وینس فلم فیسٹول میں بھی اعزاز کا مستحق قرار دیا جا چکا ہے۔ ’بروک بیک ماؤنٹین‘ کی نمائش ابھی صرف امریکہ کے سینماؤں ہو رہی ہے اور برطانوی سینماؤں میں اس کے نمائش آئندہ ماہ سے پہلے ممکن نہیں۔ حالیہ برسوں میں اینگ لی ایک ایسے فلم ساز کے طور پر دیکھا جانے لگا ہے جو ہر اعتبار سے صفِ اول کا ہو۔ ان کا تعلق تائیوان سے ہے اور ان کی دیگر فلموں میں کراؤچنگ ٹائیگر، ہیڈن ڈریگون، ہلک اور سینس اینڈ سینسبلٹی شامل ہیں۔
اس تقریب میں بہترین اداکار کے لیے لیجر دوسرے نمبر پر رہے جبکہ ڈیم جوڈی دوسری بہترین اداکارہ قرار پائیں۔ فلم ’ہسٹری آف وائیلنس‘ دوسری بہترین فلم کے طور پر منتخب کی گئی جس کے ہدایتکار ڈیوڈ دوسرے بہترین ہدایت کار قرار پائے۔ اس موقع پر کیتھرین کینر کو بہترین معاون اداکارہ کا انعام دیا گیا جبکہ ولیم ہرٹ کو بہترین معاون اداکار کا انعام دیا گیا۔ | 
اسی بارے میں  راکی VI کی فلمبندی کا آغاز04 December, 2005 | فن فنکار سیف علی خان کی گرفتاری، رہائی11 December, 2005 | فن فنکار افغان مسلمان حسینہ برطانیہ کی نمائندہ 10 December, 2005 | فن فنکار بالی ووڈ: تمل سنیما اور سیاست03 October, 2005 | فن فنکار | |||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||
