سُپر بال میں کیٹی پیری کی شاندار کارکردگی
،تصویر کا ذریعہgetty
امریکہ کی نیشنل فٹبال لیگ کے مشہور سپورٹس موقع ’سُپر بال‘ کے ہالف ٹائم شو میں مشہور گلوکار کیٹی پیری نے ایک بہت بڑے شیر پر سوار ہو کر اپنے فن کا مظاہرہ کیا۔ ان کے ساتھ ایک اور مشہور گلوکار لینی کراوٹز نے بھی گانا گایا اور ڈانسرز نے شارک کے کاسٹیومز پہنے۔
امریکی گلوکارہ کیٹی نے ایک بارہ منٹ کے کانسرٹ کے دوران اپنے مشہور گانے گائے۔ شو میں ریپر مسی ایلیئٹ نے بھی شرکت کی۔
کانسرٹ کے آخر میں کیٹی نے اپنا گانا ’فائر ورک‘ گایا اور اسی دوران آتشبازی بھی ہوئی۔
برطانوی اخبار ’دا گارڈین‘ کے مطابق نتیجے میں ایک ’ بہت اچھی کارکردگی کا مظاہرہ ہوا جو اپنے حد سے زیادہ ڈرامائی انداز اور موسیقی کی وجہ سے مشہور ہے۔‘
،تصویر کا ذریعہgetty
،تصویر کا ذریعہReuters
نیو انگلینڈ پیٹریاٹس کو سی ایٹل سی ہاکس کو شکست دینے کی گیم میں کئی مشہور شخصیات موجود تھیں جن میں برٹنی سپیئرس، ول فیرل اور مارک والبرگ بھی موجود تھے۔
کیٹی سے پہلے گزشتہ ہالف ٹائم شوز میں دیگر مشہور گلوکاروں نے کارکردگی دکھائی ہے جن میں میڈونا، بیانسے اور برونو مارس موجود تھے۔
کیٹی پیری نے انچاسوے سُپر بال کی نشاندگی اپنی انگلی پر ’XLIX‘ ٹیٹو کروا کر کی، جس کا لیٹن زبان میں مطلب 59 ہے۔
انھوں نے ٹویٹ کیا کہ: میں نے سوچا کے آج کے دن تو خون بہانا بنتا ہے۔‘ کیٹی نے شو میں اپنے مشہور گانے ’ائی کسڈس گرل‘ اور ’ٹین ایج ڈریم‘ گائے۔
End of سب سے زیادہ پڑھی جانے والی
حاضرین کو ایڈ بریک میں ہالی وڈ کی نئی فلموں کےٹریلر بھی دیکھنے کو ملے جیسے کہ جوریسک ورلڈ اور پچھ پرفیکٹ۔
