ሕቡራት ሃገራት፡ ኩነታት ሞዛምቢክ 'ዝኸፍአ ኮይኑ' ይብል

ክልተ ብሓያል ውሑጅ ዝተትሓዙ ሰባት

ምንጪ ስእሊ, Reuters

መግለጺ ስእሊ, 700,000 ዝጽግዑ ሰባት ኣብ ሓደጋ ኣለው

ሞዛምቢክ፡ ካብ ዝሓለፈ ሰሙን ጀሚሩ ብከቢድ ህቦብላ ትጠዕቃዕ ኣላ።

ኣብዚ ሕጂ እዋን፡ ወሃቢ ቃል ውድብ ሕቡራት ሃገራት ከም ዝበሎ ድማ፡ እቲ ኩነታት 'ካብ ዝተሓሰበ ንላዕሊ ዝኸፍአ'ዩ' ክብል ገሊጹዎ።

ዝሓለፈ ሓሙስ፡ ኣብ ሰዓት 220 ኪሎ ሜትሮ ዝሕምበብ ብርቱዕ ህቦብላ፡ ሞዛምቢክ ኣጥቂዑዋ'ዩ።

እቲ ህቦብላ ዘስዓቦ ሓያል ዝናብ ይቕጽል ብምህላዩ፡ ድማ 700 ሽሕ ዝጽግዑ ሰባት ኣብ ከቢድ ሓደጋ ይርከቡ።

ፔምባ ዝተብሃለት ከባቢ፡ ልዕሊ 2 ሜትሮ ዝናብን ውሑጅን ኣተኣናጊዳ'ያ። ወሃቢ ቃል ቤት ጽሕፈት ምትሕብባር ሰብኣዊ ጉዳያት ሃገራት ሳቪኖ ኣቤሩ፡ ኣብ ከተማታት ማኮሚያን ኲሳንጋን ዝኸፍአ ምኻኑ ሓቢሩ።

4 ሜትሮ ዝኸውን ማዕበል ክኽሰትን ሓያል ዝናብ ክመጽእን ከም ዝኽእል ድማ፡ ኤጀንሲታት ሓገዝ ገሊጾም።

Skip X post
ንትሕዝቶ X ተፍቅድ ዶ?

እዚ ጽሑፍ ካብ X ዝተረኽቡ ትሕዝቶታት ኣሎዎ። እንተኾነ ኩኪስ ይዅን ካልእ ቴክኖሎጂ ክጥቀሙ ስለዝኽእሉ፡ ቅድሚ ምኽፋቱ ፍቓድኩም የድሊ። ፍቓደኛታት ቅድሚ ምዃንኩም፡ ነቲ ናይ X ፖሊሲ ኩኪስ ከምኡ’ውን ፖሊሲ ብሕትና ክተንብብዎ ትኽእሉ ኢኹም። ነዚ ትሕዝቶ ንምርኣይ፡ ‘እሰማማዕ’የ ቀጽል’ ዝብል ጠውቑ።

Warning: Third party content may contain adverts

End of X post

Presentational white space

"ኣብቶም ዝቕጽሉ ኣርባዕተ መዓልታት ከቢድ ዝናብ ክህሉ'ዩ ዝብል ትንበያ ሜትሮሎጂ ስለ ዘሎ፡ ኣብ ጭንቂ ኢና ዘለና" ኢላ ወሃቢት ቃል ፕሮግራም መግቢ ዓለም ውድብ ሕቡራት ሃገራት ዲቦራ ንጉየን።

ንሳ ንኤኤፍፒ፡ "ህቦብላ ኢዳይ ካብ ዘስዓቦ ዝናብ ክልተ ዕጽፊ ክህሉ'ዩ ኢልና ትጽቢት ንገብር" ኢላ።

ህቦብላ ኢዳይ፡ ኣብ ዝሓለፈ ወርሒ መጋቢት ልዕሊ 900 ሰባት ኣብ ሰለስተ ሃገራት ዝቐተለ ብርቱዕ ህቦብላ'ዩ።

ነበርቲ ፔምባ ብምኽንያት ውሑጅ ንብረቶም ዓንዩ

ምንጪ ስእሊ, AFP/Getty

መግለጺ ስእሊ, ከቢድ ዝናብ ብርክት ዝበለ መሰረተ ልምዓት ኣዕኒዩ