ዲድየር ድሮግባ፡ ካብ ጸወታ ኩዕሶ እግሪ ዓርሱ ከግልል ወሲኑ

ፍሉጥ ኣይቬሪ ኮስታዊ ተጻዋቲ ቼልሲ ነበር ዲድየረ ድሮግባ፡ ጸወታ ኩዕሶ እግሪ ጠጠው ከብል ወሲኑ።

እዚ ወዲ 40 ዓመት ፍሉጥ ተጻዋቲ ኩዕሶ እግሪ፡ ኣብ ግጥም ኣውዲቅካ ኣምሕላፍ ክለባት ሕቡራት መንግስታት ኣሜሪካ፡ ጋንትኡ እንተተዓዊታ፡ ኩዕሶ እግሪ ንዘቋርፀሉ ግዜ ፅቡቕ መዛዘሚ ክኾነሉ'ዩ።

ዲድየር ድሮግባ፡ ብኽፋል ንዝውንና ኣሜሪካዊት ጋንታ ፎኔክስ ራይዚንግ ብኣጥቀዓይነት ዝጻወት ዘሎ ኮይኑ፡ ናብ ፍጻመ ጸወታ ሊግ ሶከር ዩናይትድ'ውን ክትኣቱ ኣኽኢልዋ'ዩ።

ቤርኬ ካባይ፡ ወናኒ ጋንታ ፎኔክስ ኮይኑ፡ ንድሮግባ ናብታ ጋንታ ክጽምበር'ውን ገይሩ።

ቤርኬ "ጋንታና ንዝህልዋ ናይ መወዳእታ ግጥም ጽዋዕ ኣሜሪካ ትማሊ እናተጓዓዝና፡ ኣዛሪበዮ ነይረ። እታ ጋንታ ዓወት ንኽተመዝግብ ኣብ ፅቡቕ ስለልቦናዊ ብቕዓት'ዩ ነይሩ። ንሱ ሰላማውን ነታ ጋንታ ጽቡቕ ነገር ዘምጽአን ብምዃኑ፡ ብዝገብሮ ነገር ሕጉስ'የ" ኢሉ።

ዲድየር ድሮግባ