ንወርሓዊ ጽግያተይ ዝምችእ መናጽሂ ኣየናይ'ዩ?

መብዛሕትና፡ ኣብ ውሽጢ ማሕበረሰብ ኢትዮጵያን ኤርትራን ዝዓበና ደቀንስትዮ፡ ብዛዕባ ወርሓዊ ጽግያት ዝወሃብ ዝነበረና ናይ መጀመርታ ትምህርቲ ሓጺርን ምስጢራውን እዩ።

ካልኦት ድማ፡ ኣጠቓቕማ መናጽሂ ጽግያት ወይ ታምፖን ኣብ ምምሃር ጥራይ ዝተገደበ ልምዲ ኣለወን። ጐኒ ጐኒ እዞም ልሙዳት ኣማራጺታት፡ ሕጂ ሰፊሕ ዝርዝር ፍርያት ኣለዉ።

እዚኦም ከም ኵባያታት ወርሓዊ ጽግያት፡ ኵስቱሞ ወርሓዊ ጽግያት ዝሕጸብ ፓድን ዝኣመሰሉ ኣማራጺታት እዮም። ከም ጓለንስተይቲ፡ ንዓይ ኣየናይ እዩ እቲ ዝበለጸ ኣማራጺ ኢልኪ ንምውሳን ትጽገሚ ወይ ክኸብደኪ ይኽእል ይኸውን።

እዞም ፍርያትከ ብኸመይ ይሰርሑ ወይ ደም ብኽዳነይ ሓሊፉ ከይወጽእ ዝብል ሻቕሎት የወግዱ ድዮም ኢልኪ'ውን ትሓስቢ ትዀኒ።

ኣብ ዩኒቨርሲቲ ሊቨርፑል ኣማኻሪት ሕክምና ማህጸን ዶክተር ኒኮላ ቴምፐስት ምስ ቢቢሲ ራድዮ 4 ብዛዕባ ነፍሲ ወከፍ ፍርያት ከመይ ከም ዝሰርሕን ኣየናይ ዝበለጸ ክምችእ ከም ዝኽእል ንምውሳን ዝሕግዝ ረብሓን ጉድኣትን መብርሂ ሂባትሉ ኣላ።

ኵባያ መቐበሊ ጽግያት

ኵባያ መቐበሊ ጽግያ፡ ንኣሽቱ፡ ዓጺፍካ ናብ ርሕሚ እተእትዎም፡ ኣብ ክንዲ ምምጣጥ ደም ምእካብ ክእከብ ዝገብሩ እዮም።

ዶክተር ቴምፐስት፡ ሓንቲ ጓለንስተይቲ መጠን ዝፈሳ ደም ኣብ ግምት ብምእታው (ክሳብ ክንደይ ከቢድ ምዃኑ) ወይ ቈልዑ ወሊዳ እንተዀይና መሰረት ብምግባር ዝተፈላለዩ ዓይነታት ኵባያታት ክትገዝእ ከም እትኽእል ትዛረብ።

ወሲኻ፡ ጽሬት እውን ናይ ብሓቂ ኣገዳሲ ስለ ዝዀነ ቅድሚ ነቲ ኵባያ ምእታውኪ ኣእዳውኪ ምሕጻብ ኣይትረስዒ፤ ክትጥቀምሉ እንከለኺ'ውን ነቲ ኵባያ ሕጸብዮ ኢላ።

ጽቡቕ ጐድኑ

ጐድናዊ ሳዕቤን

ኵስትሞ ጽግያት

እዚ ኣብ ውሽጢ፡ ደም ክመጡ ዝኽእሉ ሽፋናት ዘለዎ እዩ። ልክዕ ከም ንቡር ኵስትሞ ኸኣ ትኽደኖም፡ ትሓጽቦምን ሓጺብካ መሊስካ ክትጥቀመሎም ትኽእልን።

እዚ ኵስትሞ፡ ብዙሓት ደቀንስትዮ ኣብ እዋን ድቃስ ወይ'ውን ኣብቶም ጽግያት ቅልል ኢሉ ዝፈሰሎም መዓልቲታት ክጥቀማሎም ተለሚዱሎ።

ደም ልሒዅ እንተወጽአኸ ዝብል ስክፍታ ንቡር'ዩ እትብል ዶ/ር ኒኮላ፡ ንመብዛሕትኦም ሰባት ዘተኣማምኑን ኣብ ውሽጦም ማይ ዘየእቱን ጨና ዘይፈጥርን ሽፋንን ከም ዘለዎ ትዛረብ።

ጽቡቕ ጐድኑ

ጐድናዊ ሳዕቤን

ዳግማይ እትጥቀመሎም መቐበሊ ጽግያት

ዳግማይ ክትጥቀመሎም እትኽእል መቐበሊ ጽግያት ምስቶም ሓደ ግዜ ዝድርበዩ ዝመሳሰሉ'ዮም፤ ግን መብዛሕትኡ ግዜ ካብ ጡጥ ወይ ኣርቃይ ዝተሰርሑ ኰይኖም ኣብ ዙርያ ውሽጢ ኵስትሞ ይለግቡ።

ነዚኦም ተጠቒምካ ኣብ ክንዲ ትድርብዮም ዳግማይ ክትጥቀመሎም ትሕጸቦምን ተድርቘምን።

ጽቡቕ ጐድኒ

ጐድናዊ ሳዕቤን

ሓደ ግዜ ተጠቂምኻ ዝድርበ መቐበሊ

እዚኦም፡ እቶም መብዛሕትና እንጥቀሞም ፍርያት መቐበሊ ጽግያት እዮም።

ከምቲ እትፈልጥኦ፡ ኣብ ኵስትሞ ለጊቦም፡ ብደገ ደም ይእክቡ፤ ምስ ተጠቐምናሎም ድማ ጠቕሊልና ንድርብዮም።

ዶክተር ቴምፐስት፡ እዚ ብስሩዕ (ኣብ ነፍሲ ወከፍ ኣርባዕተ ክሳብ ሽዱሽተ ሰዓታት) ክንቅይሮ ከም ዘለና ትመክር።

ንነዊሕ ሰዓታት እንተጸኒሖም ግን ቈርበት ከቘጥዑ ስለ ዝኽእሉ፡ ልዕሊ ሸሞንተ ሰዓታት ክለብሱ የብሎምን።

ጽቡቕ ጐድኒ

ጐድናዊ ሳዕቤን

ታምፖን

ታምፖን እውን ልሙድ ኰይኑ ናብ ርሕሚ ይኣቱ፤ ኣብኡ ድማ ደም ቅድሚ ካብ ኣካላትና ምውጽኡ ይመጥጥ።

ዶክተር ቴምፐስት እዚኦም ምስ ተጠቐምናሎም ብኣግባቡ ክጕሓፉ ከም ዘለዎም ተዘኻኽር።

ጽቡቕ ጐድኑ

ጐድናዊ ሳዕቤን