తాలిబాన్ గుప్పిట్లో అఫ్గానిస్తాన్‌: తొలి రోజు కాబుల్ ఎలా ఉందంటే..

అఫ్గానిస్తాన్ రాజధాని కాబుల్‌ని తాలిబాన్‌లు ఆదివారం తమ అధీనంలోకి తీసుకున్నారు.

ఆ తరువాత అధ్యక్షుడు అష్రాఫ్ ఘనీ పారిపోయారు. ఆయన ఉజ్బెకిస్తాన్ వెళ్లినట్లు వార్తాకథనాలు వస్తున్నాయి.

తాలిబాన్‌ల అదుపులో ఉన్న కాబుల్ నగరంలో సోమవారం (ఆగస్ట్ 16) తీసిన చిత్రాలివి.

కాబుల్‌ నగరంలో జన జీవనం సాధారణంగానే అనిపిస్తోందని బీబీసీకి చెందిన మాలిక్ ముదాసిర్ చెప్పారు.

అయితే, ట్రాఫిక్ బాగా తక్కువగా ఉందని, దుకాణాలు చాలావరకు మూసేసి ఉన్నాయని, అంతా నిశ్శబ్దంగా ఉందని చెప్పారు.

అంతర్జాతీయ విమానాశ్రయం వద్ద మాత్రం పరిస్థితి గందరగోళంగా ఉందని ముదాసిర్ చెప్పారు.

ప్రస్తుతం విమానాశ్రయం వద్ద 2500 మంది అమెరికా సైనికులు ఉన్నారు. మరో 500 మంది అక్కడికి చేరుకుంటారని పెంటగాన్ అధికార ప్రతినిధి జాన్ కిర్బీ చెప్పారు.

విమానాల రాకపోకలు తాత్కాలికంగా నిలిపివేసినట్లు అమెరికా చెప్పింది.

టేకాఫ్ కోసం బయలుదేరిన విమానానికి వేలాడుతున్న వారి చిత్రాలు సోషల్ మీడియాలో షేర్ అయ్యాయి.

అఫ్గానిస్తాన్ విషాదం మరింత తీవ్రం కాకుండా అంతర్జాతీయ సమాజం స్పందించాలని ఆమ్నెస్టీ ఇంటర్నేషనల్ కోరింది.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి)