హాంగోవర్ కూడా ఒక జబ్బే: జర్మనీ కోర్టు తీర్పు

హ్యాంగోవర్ కూడా ఒక వ్యాధే అని జర్మనీలోని ఒక కోర్టు తీర్పు ఇచ్చింది. యాంటీ-హాంగోవర్ డ్రింక్ తయారు చేసిన ఒక సంస్థకు వ్యతిరేకంగా వేసిన కేసులో కోర్టు ఈ తీర్పు చెప్పింది.

తాము తయారు చేసిన యాంటీ-హాంగోవర్ డోసు, పానీయాలు, పౌడర్లతో ఆరోగ్యంగా ఉండవచ్చని సదరు కంపెనీ తప్పుడు ప్రకటనలు చేస్తోందని ఫ్రాంక్‌పర్ట్‌లోని కోర్టులో కొందరు కేసు వేశారు.

దీనిపై విచారణ జరిగిన సమయంలో "సాధారణ స్థితిలో ఉన్న శరీరంలో చిన్న, తాత్కాలిక మార్పు వచ్చినా దానిని వ్యాధిగానే పరిగణించాలి. పానీయాలు, పౌడర్లు సహా ఏ ఆహార పదార్థాలనైనా 'ఇది వ్యాధులను నయం చేస్తుందని' చెబుతూ మార్కెట్ చేసుకోకూడదు" అని కోర్టు చెప్పింది.

ఏదైనా ఒక ఆహార పదార్థం గురించి ఇచ్చే సమాచారంలో, దానికి మనుషుల వ్యాధులు నివారించే, చికిత్స అందించే, లేదా నయం చేసే లక్షణాలు ఏవైనా ఉన్నాయని చెప్పకూడదని, దానిలో అలాంటి లక్షణాలు ఉన్నాయేమో అనే భావన కలిగించకూడదని కోర్టు సూచించింది.

"ఒక వ్యాధి వల్ల మామూలుగా ఉన్న శరీర స్థితిలో లేదా శరీరం చర్యల్లో ఒక వ్యాధి వల్ల చిన్న, తాత్కాలిక అంతరాయం వచ్చినా ఎవరికైనా అది తెలుస్తుంది".

ఈ కేసు విషయానికి వస్తే హాంగోవర్ వల్ల అలసిపోవడం, వికారంగా అనిపించడం, తలనొప్పి లాంటివి వస్తాయి. అలాంటి లక్షణాలను తమ యాంటీ-హ్యాంగోవర్ డోసు, పౌడర్లు నయం చేస్తాయని సదరు కంపెనీ చెప్పింది.

కానీ హాంగోవర్‌ను కూడా వ్యాధిగానే చెప్పిన కోర్టు ఆ కంపెనీ వాదనలను తప్పుబట్టింది.

మ్యూనిచ్‌లో ఏటా జరిగే అక్టోబర్ ఫెస్ట్ మొదలైన కొన్ని రోజులకే కోర్టు హాంగోవర్‌ను కూడా వ్యాధిగా చెప్పడం విశేషం.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)