పాకిస్తాన్‌: హిందూ సమాజాన్ని 'కించపరిచిన' మంత్రి ఫయాజుల్ హసన్ చోహాన్‌పై వేటు

5 మార్చి 2019

హిందూ సమాజాన్ని కించపరిచే వ్యాఖ్యలు చేశారంటూ తీవ్ర విమర్శలు ఎదుర్కొంటున్న పాకిస్తాన్‌లోని పంజాబ్ రాష్ట్ర సమాచార, సాంస్కృతికశాఖ మంత్రి ఫయాజుల్ హసన్ చోహాన్ పదవికి రాజీనామా చేశారు.

ఫయాజుల్ హసన్‌ దేశ ప్రధాని ఇమ్రాన్ ఖాన్ నాయకత్వంలోని పాకిస్తాన్ తెహ్రీకే ఇన్సాఫ్(పీటీఐ)కి చెందిన నాయకుడు. ఫయాజుల్ హసన్‌ను మంత్రి పదవి నుంచి తొలగించినట్లు పీటీఐ మంగళవారం ట్విటర్‌లో పేర్కొంది.

పోస్ట్‌ X స్కిప్ చేయండి

X ఈ సమాచారాన్ని చూడాలనుకుంటున్నారా?

ఈ కథనంలో X అందించిన సమాచారం కూడా ఉంది. వారు కుకీలు, ఇతర టెక్నాలజీలను ఉపయోగిస్తుండొచ్చు, అందుకే సమాచారం లోడ్ అయ్యే ముందే మేం మీ అనుమతి అడుగుతాం. మీరు మీ అనుమతి ఇచ్చేముందు X కుకీ పాలసీని , ప్రైవసీ పాలసీని చదవొచ్చు. ఈ సమాచారం చూడాలనుకుంటే ‘ఆమోదించు, కొనసాగించు’ను ఎంచుకోండి.

హెచ్చరిక: థర్డ్ పార్టీ కంటెంట్‌లో ప్రకటనలు ఉండొచ్చు

పోస్ట్ of X ముగిసింది

కంటెంట్ అందుబాటులో లేదు

మరింత సమాచారం కోసం Xఇతర వెబ్‌సైట్లలో సమాచారానికి బీబీసీ బాధ్యత వహించదు.

హిందూ సమాజం గురించి కించపరిచే వ్యాఖ్యల నేపథ్యంలో ఫయాజుల్ హసన్‌ను తమ పార్టీ నాయకత్వంలోని పంజాబ్ ప్రభుత్వం పదవి నుంచి తొలగించిందని పాకిస్తాన్ తెహ్రీకే ఇన్సాఫ్ ట్విటర్‌లో తెలిపింది.

''ఇతరుల మతవిశ్వాసాలను దెబ్బతీసేలా ఎవరూ మాట్లాడరాదు. పరమత సహనం పునాదులపైనే పాకిస్తాన్ నిర్మితమైంది'' అని పీటీఐ చెప్పింది.

ఫయాజుల్ హసన్ మంత్రి పదవికి రాజీనామా చేశారని పంజాబ్ ముఖ్యమంత్రి ఉస్మాన్ బుజ్దార్ అధికార ప్రతినిధి షాబాజ్ గిల్ ధ్రువీకరించారు.

ఫయాజుల్ హసన్ అలాంటి వ్యాఖ్యలు చేయడం దురదృష్టకరమని, ఆయన వ్యాఖ్యలతో పంజాబ్ ప్రభుత్వానికి సంబంధం లేదని షాబాజ్ గిల్ ఒక వీడియో సందేశంలో చెప్పారు.

హిందూ సమాజానికి ముఖ్యమంత్రి ఉస్మాన్ బుజ్దూర్ సంఘీభావం ప్రకటించారని, మైనారిటీల (పాకిస్తాన్‌లో హిందువులు మైనారిటీలు) మనసును గాయపరిచే ఎలాంటి ప్రకటనలు చేసినా, పనులకు పాల్పడినా ఉపేక్షించబోమని స్పష్టం చేశారని ఆయన వివరించారు.