జీఎస్టీలో ఇకపై రెండే శ్లాబులు: తగ్గిన ధరలు ఎప్పటి నుంచి అమల్లోకి వస్తాయి, ఏయే రేట్లు తగ్గుతాయి?

కేంద్ర ఆర్థిక మంత్రి నిర్మలా సీతారామన్ బుధవారం రాత్రి జీఎస్టీకి సంబంధించి కీలక ప్రకటన చేశారు. జీఎస్టీ కౌన్సిల్ సమావేశంలో రెండు రేట్ల జీఎస్టీ వ్యవస్థపై ఏకాభిప్రాయం కుదిరిందని ఆమె వెల్లడించారు.

జీఎస్టీలో ఇప్పటి వరకు ఉన్న 12 శాతం, 28 శాతం రేట్ల శ్లాబులను రద్దు చేసినట్లు ఆమె ప్రకటించారు.

ఇక నుంచి 5 శాతం, 18 శాతం శ్లాబులు మాత్రమే అమల్లో ఉంటాయని చెప్పారు.

శ్లాబులు ప్రధానంగా రెండే అయినప్పటికీ, పొగాకు ఉత్పత్తులు, లగ్జరీకార్లు, ఇంజిన్ సామర్థ్యం 350 సీసీ దాటిన మోటారు సైకిళ్ల పై 40 శాతం దాకా జీఎస్టీ ఉంది. దీనిని సిన్ టాక్స్ అని పిలుస్తారు.

18 శాతం నుంచి 5 శాతం పరిధిలోకి...

12 శాతం నుంచి 5 శాతం పరిధిలోకి

వీటికి నో జీఎస్టీ (గతంలో 12 శాతం ఉండేది)

18 శాతం నుంచి 5 శాతానికి తగ్గినవి

12 శాతం నుంచి 5 శాతానికి తగ్గినవి

ఆటోమొబైల్స్, ఎలక్ట్రానిక్ అప్లయెన్సెస్‌పై 28 శాతం ఉన్న జీఎస్టీని 18 శాతానికి తీసుకొచ్చారు.

తగ్గిన ధరలు ఎప్పటి నుంచి..

సామాన్యులకు మేలు: ప్రధాని

సామాన్యుల జీవితాన్ని సులభతరం చేయడం, ఆర్థిక వ్యవస్థను బలోపేతం చేయడమే జీఎస్టీ సంస్కరణల లక్ష్యమని ప్రధాని మోదీ ఇన్ స్టాగ్రామ్ లో పోస్ట్ చేశారు. సామాన్యులు, రైతులు, ఎంఎస్ఎంఈలు, మధ్యతరగతి, మహిళలు, యువతకు ప్రయోజనం చేకూర్చే జీఎస్టీ రేట్ల తగ్గింపు, సంస్కరణలకు సంబంధించిన ప్రతిపాదనలకు జీఎస్టీ కౌన్సిల్ అంగీకరించింది.

"ఈ విస్తృత సంస్కరణలు మన పౌరుల జీవితాలను మెరుగుపరుస్తాయి. అందరికీ, ముఖ్యంగా చిన్న వ్యాపారులకు తమవ్యాపారాలను చేయడం సులభతరం చేస్తుంది" అని ప్రధాన మంత్రి అన్నారు.

ఇప్పటికే చాలా ఆలస్యమైంది : చిదంబరం

జీఎస్టీ సంస్కరణల విషయంలో కేంద్రం ఎక్కువ సమయం తీసుకుందని మాజీ ఆర్థిక మంత్రి చిదంబరం విమర్శించారు.

జిఎస్ టి సంస్కరణ, వస్తుసేవలపై రేట్ల తగ్గింపు స్వాగతించదగినదేనని, కానీ అది 8 సంవత్సరాల తర్వాత జరిగిందని, ఇది చాలా ఆలస్యమైందని చిదంబరం ఎక్స్‌లో రాసుకొచ్చారు.

ప్రస్తుత జీఎస్టీ స్వరూపం, ఇప్పటి వరకు అమలు చేస్తున్న రేట్లను తొలి నుంచే అమలు చేసి ఉండాల్సింది కాదన్నారు. గత ఎనిమిదేళ్లుగా జీఎస్టీ నిర్మాణం, రేట్లకు వ్యతిరేకంగా నిరంతరం గళం వినిపిస్తున్నామని, కానీ తమ విజ్ఞప్తులను పట్టించుకోలేదన్నారు.

జీఎస్టీ స్వరూపాన్ని కేంద్ర ప్రభుత్వం ఎందుకు మార్చిందని చిదంబరం ప్రశ్నించారు.

ప్రభుత్వం మార్పులు చేయడానికి కారణమేమిటి? మందగించిన ఆర్థిక వృద్ధా? పెరుగుతున్న గృహ రుణాలా? తగ్గుతున్న గృహ పొదుపా? బీహార్ ఎన్నికలా..? ట్రంప్, ఆయన సుంకాలా? లేక వీటన్నింటి కలయికనా?" అని ప్రశ్నించారు.

జీఎస్టీ కౌన్సిల్ సమావేశంలో రెండు రేట్ల జీఎస్టీ విధానానికి అంగీకారం కుదిరిందని కేంద్ర ఆర్థిక మంత్రి నిర్మలా సీతారామన్ తెలిపారు. 12 శాతం, 28 శాతం రేట్లను రద్దు చేశామని, 5 శాతం, 18 శాతం కొత్త రేట్లపై ఏకాభిప్రాయం కుదిరిందన్నారు.

(బీబీసీ కోసం కలెక్టివ్ న్యూస్‌రూమ్ ప్రచురణ)

(బీబీసీ తెలుగును వాట్సాప్‌,ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)