Порошенко: Тавофуқи сулҳи шарқи Укройн дар маърази хатар аст
Image copyrightAFPДар ҳоле ки чанд соъат ба иҷрои тавофуқи ҷадиди оташбас дар шарқи Укройн боқӣ монда, Пётр Порошенко, раиси ҷумҳурии Укройн, ҳамлаи рокитии ахири ҷудоихоҳони таҳти ҳимояи Русия, оташбасро ба мухотира андохтааст.
Оқои Порошенко, ҳамчунин, Русияро муттаҳам кард, ки бо вуҷуди тавофуқи оташбас, ки дар шаҳри Минск имзо шуд, таҳоҷумашро "ба шакли қобили таваҷҷӯҳ афзоиш додааст".
Омрико низ мегӯяд, бисёр нигарони гузоришҳоест, ки аз ҳимояти низомии Русия аз шӯришиёни ин минтақа ҳикоят дорад.
Чан Сокӣ, аз сухангӯёни Вазорати хориҷаи Омрико гуфт, ин гузоришҳо, ки Русия тадоркуоти тозаи шомили тонк ва системҳои мушакӣ дар ихтиёри шӯришиёни шарқи Укройн қарор додааст, бо рӯҳи тавофуқе, ки рӯзи панҷшанбе дар Минск ҳосил шуд, муғойират дорад.
Ҳанӯз мушаххас нест, ки ҳамалоти рокитӣ аз ҷониби кадом як тарафҳо сурат гирифта, ҳам артиши Укройн ва ҳам шӯришиёни тарафдори Русия дар манотиқи шарқии Донетск ва Луганск якдигарро ба ҳамла ба манотиқи маскунӣ муттаҳам мекунанд.
Шӯрои Амнияти Созмони Милал дар рӯзи якшанбе дар як ҷаласаи изтирорӣ мавзӯъи иҷрои қарордоди оташбас дар шарқи Укройнро баррасӣ хоҳад кард.
Ин тавофуқ бо ҳузури руасои ҷумҳурии Русия, Укройн, Фаронса ва садри аъзами Олмон дар шаҳри Минск, пойтахти Белорус имзо шуд ва қарор аст, аз шанбешаб иҷро шавад.
Хориҷ кардани силоҳҳои сангин аз манотиқи даргирӣ ва табодули зиндониён аз ҷумлаи шароити оташбас аст.
Раҳбарони кишварҳои урупоӣ ҳушдор доданд, ки дар сурате, ки Русия ин оташбасро риоят накунад, таҳримҳои бештарро алайҳи ин кишвар ба иҷро хоҳанд гузошт.
