Ибрози хурсандии Нетонёҳу аз адами дастёбӣ ба тавофуқ дар бораи барномаи ҳастаии Эрон
Бинёмин Нетонёҳу, нахуствазири Исроил аз адами дастёбӣ ба тавофуқи миёни Эрон ва гурӯҳи 5+1 дар музокироти Женев ибрози ризоят карда, аммо дар айни ҳол гуфтааст, ки ҳанӯз ҳам "тамоюли шадиде" барои дастёбӣ ба тавофуқ бо Эрон бар сари барномаи ҳастаии он кишвар вуҷуд дорад.
Оқои Нетонёҳу дар ҷараёни нишасти имрӯзи кобинаи он кишвар гуфт барои он ки таҳримҳо алайҳи Эрон коҳиш наёбад, дар суҳбатҳое, ки бо раҳбарони ҷаҳон дошта аз онҳо дар мавриди иллати аҷала доштанашон савол кардааст.
Нахуствазири Исроил ваъда дод, ки аз ҳар талоше барои ҷилавгирӣ аз дастёбӣ ба "тавофуқе бад" миёни Эрон ва қудратҳои ҷаҳонӣ истифода хоҳад кард.
Мавзеъи Исроил ба ихтилофоти бештаре миёни он кишвар ва Омрико, ки муҳимтарин муттаҳиди Исроил ба шумор меравад, доман задааст.
Оқои Нетонёҳу дар бахши дигаре аз суханони имрӯзи худ гуфт, ки тайи ду рӯзи гузашта бо Борок Убомо, раиси ҷумҳури Омрико, Девид Комерун, нахуствазири Бритониё, Фронсуо Улонд, раиси ҷумҳури Фаронса, Владимир Путин, раиси ҷумҳури Русия ва Ангело Меркел , садри аъзами Олмон тамосҳои телефунӣ доштааст.
Нахуствазири Исроил гуфт, ки аз ин раҳбарон савол карда, ки "аҷалаи онҳо барои чист?
Ӯ зимни ибрози хурсандӣ аз ба натиҷа нарасидани музокироти Женев гуфт, ки аз раҳбарони он кишварҳо хоста то сабр кунанд.
Қарор аст даври баъдии музокираи байни Эрон ва гурӯҳи 5+1 дар 20 ноябр баргузор шавад.
Бинёмин Нетонёҳу, нахуствазири Исроил ҳафтаи гузашта дар вокуниш ба даври ҷадиди музокироти ҳастаии Эрон ва гурӯҳи 5+1 гуфта буд, ки тавофуқи ҳастаии эҳтимолии миёни Эрон ва қудратҳои ҷаҳонӣ "иштибоҳе торихӣ" хоҳад буд.
Оқои Нетонёҳу ҳамчунин гуфт, ки пешниҳоде, ки ҳамакнун барои коҳиши таҳримҳо алайҳи Эрон вуҷуд дорад, ба Эрон иҷоза хоҳад дод, ки тавоноиҳои худ барои сохти ҷангафзори ҳастаиро ҳифз кунад.
Нахуствазири Исроил дар ҳисоби Твиттери худ ҳам навишта буд, ки агар ахборе, ки аз тавофуқоти Эрон ва 5+1 шунида, дуруст бошад, Эрон ба "муъомилаи қарн" даст ёфтааст.
