Куреи Шимолӣ 'барои як озмоиши ҳастаии дигар омода мешавад'
Вазири иттиҳоди Куреи Ҷанубӣ ба намояндагони маҷлиси ин кишвар гуфта нишонаҳое аз афзоиши фаъъолият дар нерӯгоҳи аслии Куреи Шимолӣ дида мешавад ва эҳтимолан ин кишвар омодаи анҷоми чаҳорумин озмоиши ҳастаии худ мешавад.
Риу Кил Ҷо дар ин бора тавзеҳи бештаре надод, аммо Ким Мин Сук, сухангӯйи вазорати дифоъи Куреи Ҷанубӣ, гуфта Куреи Шимолӣ қодир аст ҳамзамон бо озмоиши ҳастаӣ мушаки болистик ҳам шиллик кунад.
Дар ҳамин ҳол, ки рӯзномаи Ҷунг Онг Илбу ҳам ба нақл аз яке аз мақомоти Куреи Ҷанубӣ, ки номашро зикр накарда, аз фаъъолиятҳое мушобеҳи севумин озмоиши ҳастаии Куреи Шимолӣ хабар додааст, ки 24 баҳмани соли гузашта (12 феврали 2013) анҷом гирифт.
Ин мавзӯъ дар ҳоле матраҳ мешавад, ки таниши Куреи Шимолӣ ва Омрикову Куреи Ҷанубӣ дар ҳафтаҳои ахир шиддат гирифтааст ва гузориш шуда Куреи Шимолӣ ду мушаки миёнбурдро дар савоҳили шарқии ин кишвар мустақар кардааст.
Рӯзи ҷумъа ҳам Куреи Шимолӣ ҳушдор дод, ки наметавонад амнияти коркунони сафоратхонаҳоро таъмин кунад.
Ба навиштаи рӯзномаи Ҷунг Онг Илбу, созмони иттилоъоти Куреи Ҷанубӣ нишонаҳое аз "афзоиши фаъъолиятҳои корӣ ва тараддуди худравҳоро" дар маҳалли озмоишҳои ҳастаии Куреи Шимолӣ дар шимоли шарқии ин кишвар расад кардааст.
"Мо бодиққат авзоъро зери назар дорем ва шароит ба авзоъи пеш аз севумин озмоиши ҳастаӣ шабоҳати бисёре дорад.
Мо дар ҳоли баррасии ин мавзӯъ ҳастем, ки бифаҳмем оё воқеъан як озмоиши ҳастаии дигар дар роҳ аст ё ин нақшае аст барои афзоиши фишорҳо бар мо ва Омрико"
Созмони Милал баъд аз севумин озмоиши ҳастаии Куреи Шимолӣ таҳримҳои сангинеро алайҳи ин кишвар эъмол кард. Пюнгёнг (Пхенян) бо шиъорҳое хашмгинона ба ин таҳримҳо посух дод ва таҳдид кард нерӯгоҳи қадимиашро бозгушоӣ мекунад ва ҳатто аз силоҳи атумӣ истифода хоҳад кард.
Хабарнигори Би-би-сӣ дар Сеул мегӯяд бархе коршиносон муътақиданд ҷанги лафзии Куреи Шимолӣ бештар ба ин ҳадаф аст, ки эътибори раҳбари ҷавон ва камтаҷрубаи кишвар Ким Ҷонг Унро дар назди мардум боло бибарад.
Ба гуфтаи хабарнигори Би-би-сӣ рӯзи якшанбе родиюи давлатии Куреи Шимолӣ барномаҳое дар бораи омодагӣ барои ҷанг пахш кардааст.
Дар ҳамин ҳол вазири дифоъи Жопун гуфт ба нерӯҳои низомии ин кишвар дастур дода шуда, то ҳар мушакеро, ки аз самти Куреи Шимллӣ шиллик шавад, ҳадаф қарор диҳанд.
