Watoto wa Ufilipino walivyonyanyaswa kingono mbele ya kamera,wazazi wao wakishuhudia

Eric mwenye umri wa miaka saba anacheka, akionyesha tabasamu pana lisilo na meno, anapozungumza kuhusu kusafiri angani kwenye kivuli cha bustani, kilichozungukwa na msitu mkubwa kaskazini mwa mji mkuu wa Ufilipino Manila.

Eric ana ndoto ya kurusha roketi ya rangi ya upinde wa mvua hadi sayari ya Saturn. Meno yake ya kwanza ndio mwanzo yameng'oka lakini ni mdogo kwa umri wake. Shati yake nyeupe, iliyowekwa alama ilikuwa ikining'inia kwenye mabega yake madogo.

"Unalia nini wakati wa matibabu?" mfanyakazi wake wa kijamii anamuuliza. "Ninalia kwa sababu ya wazazi wangu," anasema, akitazama chini.

Fedalyn Marie Baldo amemdudumia Eric, dada yake Maria mwenye umri wa miaka 10 na kaka zake wawili wakubwa kwa miezi kadha ili kuwasaidia kuelewa kwamba maisha yao ya utotoni si ya kawaida.

Kwa miaka kadhaa wakati waltu walipo lala mtaani kwao wengine katika ulimwengu wa magharibi walikuwa macho, watoto wote wanne walilazimishwa kuwafanyia onyesho la kingono wanyanayasaji watoto katika maeneo tofauti duniani.

Walibakwa mara kwa mara na kunyanaswa kingono mbele ya kamera na mama yao, baba yao shangazi na mjomba wao ambaye pia alishiriki.

Ni baba yake watoto hao ambaye hatimaye alimshitaki mke wake na familia yake kwa polisi kufuatia madai ya tofauti kuibuka. Wachunguzi walifuatilia malipo ya familia hiyo kutoka akati za Uingereza na Uswizi.

Miezi kadhaa baadaye, Eric, ndugu zake na dada zake walipelekwa katia hifadhi ya watoto inayoendeshwa na shirika la misaada la Preda, linaloangazia kusaidia watoto walionyanyaswa kingono.

Hiyo pia imekuwa kazi ya Bi Baldo kwa miaka17. Wakati huo picha na video za watoto wanaonyanyaswa jingono zimeongezeka na kuwa biasha ya mabilioni yad ola nchini Ufilipino, ambayo sasa inajulikana kwa kuwa chanzo kikuu cha unyanyasaji wa aina hiyo.

Umaskini uliokithiri, ufikiaji wa mtandao wa kasi ya juu na uwezo wa kukubali maagizo kwa Kiingereza yote yamefanya uovu kuendelea.

Vita vya kimataifa

Huko Manila, saa inapokaribia kupambazuka, timu kutoka Ofisi ya Kitaifa ya Uchunguzi imekusanyika karibu na eneo la makaburi.

Tochi huwekwa chini, bunduki zimepakiwa, kamera ziko tayari kurekodi ushahidi huku kiongozi wa timu akitoa maelezo mafupi ya mwisho. Wako chini ya shinikizo kupata matokeo.

Katikati ya mawe ya kaburi katika jiji hili lenye watu wengi, familia huishi kati ya wafu. Mama mwenye umri wa miaka 36 yuko kwenye simu yake kwenye kibanda kidogo cha mbao kilichojengwa dhidi ya baadhi ya makaburi makubwa zaidi kwenye makaburi.

Anadhani anamtumia ujumbe mteja anayelipa nchini Australia ambaye anaomba onyesho la moja kwa moja la ngono linalohusisha watoto wake watatu. Kwa kweli, maandishi yake yanaenda kwa afisa wa polisi wa siri.

Anapowasha kamera, karibu maafisa kadhaa hukimbia kupitia njia nyembamba hadi kwenye mlango wake. Onyo pekee ni wakati mbwa waliopotea huanza kubweka.

Hatoi upinzani wowote kwani afisa wa kike huwapeleka watoto katika eneo lenye usalama na wengine kuanza kuweka ushahidi: vinyago vya ngono, simu, risiti zinazoelezea malipo ya ng'ambo.

Kama ilivyo kwa wengi wa kukamatwa huku, hii pia ni matokeo ya taarifa kutoka nje ya nchi.

Polisi wa Australia waliambia BBC kwamba walimkamata mwanamume mmoja kwenye uwanja wa ndege akiwa na kifaa cha kuhifadhi kilichojaa video za unyanyasaji wa watoto. Simu yake inadaiwa ilikuwa na jumbe kati yake na mwanamke mmoja nchini Ufilipino wakiomba pesa ili wapate video hizo.

Operesheni hiyo kisha ilichukua makumi ya maafisa wiki kadhaa kupanga na kusababisha kukamatwa kwa watu wawili. Mmoja huko Manila na mwingine huko Sydney.

Maafisa wa Australia walisema wamerekodi ongezeko la karibu 66% katika ripoti za unyanyasaji wa watoto katika mwaka uliopita.

Wanafanya kazi pamoja na timu kutoka Misheni ya Kimataifa ya Haki, Shirika la Kitaifa la Uhalifu la Uingereza na Polisi wa Kitaifa wa Uholanzi, na maafisa nchini Ufilipino, kujaribu kuwatafuta wahalifu wa ngono za watoto. Mara baada ya kuzitambua, wanajaribu kufuatilia chanzo cha nyenzo.

Lakini mara nyingi, njia pekee ya unyanyasaji huo kuripotiwa ni wakati mtoto anapojitokeza.

Wafanyakazi kadhaa wa kijamii wanasema wanapaswa kutumia siku, hata wiki, kushinikiza polisi wa eneo hilo kuwaokoa watoto na kufungua mashtaka dhidi ya wazazi.

"Wakati mwingine tunapata ushirikiano wa mamlaka za utekelezaji wa sheria, wakati mwingine hatua za watu wanaopaswa kuwalinda watoto kweli zinachelewa. Lakini inabidi tulifanyie kazi," anasema Emmanuel Drewery kutoka Preda.

Shirika hilo kwa mara ya kwanza lilianzisha makao ya watoto kwa wasichana miaka ya 1970 karibu na mji wa bandari wa Olongapo, ambao ulikuwa nyumbani kwa kambi kubwa ya wanamaji wa Marekani. 

Ilikuwa imekuwa kitovu cha utalii wa ngono - ukahaba kati ya wanaume wa kigeni na wasichana wa Ufilipino mara nyingi bado katika ujana wao na kuuzwa katika tasnia, au wanawake wachanga waliosukumwa katika biashara ya ngono kwa shinikizo la familia na kukata tamaa kiuchumi. 

Miaka mingi mbele, wafanyikazi wa kijamii wanahofia unyanyasaji mwingi wa kijinsia hapa ni wa kizazi, kwamba mama wengi wa watoto pia walibakwa au kushambuliwa kingono. Wanaamini maoni yao ni: "Ilinitokea, nilifanya hivi ili kuishi na wewe pia lazima." 

Padre Shay Cullen, rais wa Preda, amekuwa akipigania haki za watoto wanaodhulumiwa nchini Ufilipino tangu 1974. Anataka suluhu la kimataifa kwa tatizo hili jipya na linaloongezeka. 

"Lazima kuwe na sheria [ya] kimataifa. Hii ndiyo njia pekee. Serikali zote za kitaifa zinahitaji kuweka vikwazo kwa mashirika ya mtandao. Ni lazima zishirikiane ili kuzuia upitishwaji wa nyenzo za unyanyasaji wa watoto na utiririshaji wa mtandaoni wa ngono. unyanyasaji wa watoto." 

Mambo yanabadilika, anakubali - lakini polepole. 

Lakini hiyo ni sehemu moja tu ya vita. Kwa mashirika kama Preda, vita kubwa zaidi viko katika kuwarekebisha watoto. 

'Kwa nini umenifanyia hivi?' 

Baadhi ya uponyaji mgumu zaidi huko Preda hutokea ndani ya chumba cheusi huku muziki laini ukicheza chinichini. 

Kuna pedi kubwa kwenye kuta na sakafu - wachezaji wa aina ya mazoezi wangetumia kutua kwa urahisi. Nuru pekee inatoka kwa mlango wazi. 

Takriban watoto watano wamepiga magoti, kila mmoja katika nafasi yake. Wengi wao wanaangalia ukuta. 

Sauti kuu ni kishindo kisichokuwa cha kawaida cha ngumi na miguu yao wanapopiga pedi. 

Kilio kikali cha kwanza, cha uchungu hufanya moyo wako usimame. Na kisha huanza tena, lakini ni vigumu kuendelea kusikiliza, hata kutoka mbali, hata kwa dakika chache. 

Maswali yalitupwa kwenye kuta zenye mito - "Kwa nini umenifanyia hivi? Kwa nini mimi? Nilifanya nini?" - zinavunja moyo. 

Mtaalamu wa tiba hupiga magoti kimya ndani, tayari kusaidia. 

"Yote huanza katika chumba," anasema Francisco Bermido Jr, rais wa Preda. 

"Ikiwa wanaweza kukabiliana na wanyanyasaji katika chumba cha 'primal', wanaweza kusonga mbele na kuwakabili wanyanyasaji hawa kwenye chumba cha mahakama. Hizi ni hisia kama chuki kwa wanyanyasaji wao, lakini pia chuki kwa wale waliowaambia, lakini ambao hawakuwaamini." 

Preda ametumia aina hii ya tiba ya kuondoa hisia - inayoitwa primal - kwa miongo kadhaa kusaidia watoto kukabiliana na athari za kihisia za unyanyasaji wa kimwili na kingono. 

Lakini wanahangaika kutafuta rasilimali. Kituo chao karibu na Manila kinaweza kumudu tu kuchukua takriban watoto 100 kwa mwaka. Lakini wengi zaidi wanahitaji msaada. 

Mara baada ya ripoti ya polisi kuwasilishwa, watoto wanaweza kutumwa kwa idadi ya nyumba au vituo vya watoto yatima, lakini wengi hawana mafunzo au uzoefu wa kutunza watoto ambao wameteswa. 

Kakake Eric aliwekwa kwanza katika kituo cha watoto yatima kilicho karibu bila ndugu zake kabla ya kuhamishwa hadi kituo cha Preda. 

Wafanyikazi wa kijamii katika kituo hicho wanasema kuwa karibu 40% ya watoto walionyanyaswa ambao wamekuwa chini ya uangalizi wao wanaendelea kuishi maisha salama dhidi ya madhara. Na kila mafanikio yanawafanya waendelee. 

Mtindo huu husaidia. Kituo hiki kinatoa ratiba ya kila siku ya kazi za shule, michezo kama vile karate na voliboli, vipindi vya kusimulia hadithi na, bila shaka, tiba. 

"Ninapenda karate, ngoma na primal," Eric anapaza sauti huku akipiga ngumi hewani kwa furaha. 

Pia anafurahia kuimba - na anajiunga na marafiki zake kwenye chumba cha kucheza. Inapofika zamu yake ya kuimba peke yake, mara ya kwanza anaimba kwa upole, kisha ujasiri wake unakua na sauti yake inapaa kuzunguka chumba. 

Mmoja wa kaka zake wakubwa bado ana kiwewe cha kuongea. Dada yao Maria, Bi Baldo anaonya, pia haongei kidogo. 

Lakini siku hiyo, Maria mwenye kung'aa, akishikilia kifurushi chake cha penseli cha thamani au toi laini, alishangaa sana na alikuwa na maswali mengi. Alitaka sana kujua kile kitambaa cha theluji kilikuwa vipi 

"Walipofika, walikuwa wapole sana na watulivu na wasioamini ulimwengu na wengine," Bw Bermido Jr anasema. 

Lakini miezi kadhaa baadaye, wanaweza kusimulia hadithi yao - kila undani wa kutisha - kwa wafanyikazi wa kijamii. Watoto wote wanne pia wametoa ushahidi dhidi ya familia zao, sharti la mahakama za Ufilipino. 

"Hilo kwa kweli ni muhimu sana kwa sababu hapo ndipo harakati zao za kutafuta haki zinapoanzia," anaongeza. 

Eric na Maria wanahudhuria kipindi cha kusimulia hadithi cha kikundi. Anakaa karibu naye na bila kuzungusha vidole vyake kwenye mkia wa farasi wa dada yake. 

Bi Baldo anamwuliza Maria kuhusu Cinderella, naye anajibu: "Cinderella hakukata tamaa hata wakati wa magumu, hata katika hali ngumu zaidi, bado alikuwa na matumaini," anasema, akikumbatia toy yake laini zaidi. 

"Kama sisi - ingawa wazazi wetu walitunyanyasa, tunapaswa kuwa kama Cinderella." 

Majina yote ya waathiriwa yamebadilishwa.