Fahamu huduma ya kangaroo inayowalinda watoto waliozaliwa kabla ya muda wao

Ozoma Ekhomun wa Nigeria alijifungua mtoto wake wa kwanza akiwa na wiki 31.

Wakati wa kuzaliwa mtoto wake alikuwa na uzito wa gramu 700 tu. Aliwekwa kwenye incubator katika Kituo cha Mama na Mtoto cha Amuwo Audafin huko Lagos. Baada ya hapo polepole uzito wake uliongezeka hadi kilo moja.

Baada ya hapo aliwekwa kwenye kifua cha mama ambapo ngozi ya mtoto ilikuwa inagusana na ya mamake.

Njia ya kuweka mtoto kwenye kifua cha mama ili kuwasiliana na ngozi kwa ngozi inaitwa "huduma ya kangaroo". Ilifanya kazi vizuri katika tukio la Ozoma.

"Sasa mtoto wangu yuko salama," alisema Ekhomun mwenye umri wa miaka 26. "Nilifurahia joto la mtoto kulala kwenye kifua changu," alisema.

Ni bora kuliko incubator?

Utaratibu huo ulipendekezwa kwa mara ya kwanza mwaka wa 1978 na madaktari wa watoto wawili katika kitengo cha uzazi katika Hospitali ya San Juan de Dio huko Bogotá, Colombia. Leo hata Shirika la Afya Duniani linasema njia hii ni bora zaidi.

Hadi sasa, WHO imesema katika miongozo yake kwamba ni incubators tu zinapaswa kutumika.

Hata hivyo, miongozo ya hivi karibuni inasema kwamba huduma ya kangaroo pia inafaa.

Inaelezwa kuwa inafanya kazi vizuri zaidi hasa katika maeneo ambayo umeme haupatikani kwa incubators.

Zaidi ya vifo vya watoto wachanga 1,50,000 kwa mwaka vinaweza kuzuiwa kwa kuanzisha 'huduma ya kangaroo' na kunyonyesha mara baada ya kuzaliwa, utafiti mpya unapendekeza.

Huduma ya Kangaroo inafanyaje kazi?

WHO inasema watoto wachanga ni tatizo la kiafya linalohitaji uangalizi wa haraka.

Kila mwaka watu laki 15 huzaliwa kabla ya wakati duniani kote.

Hiyo ina maana mtoto mmoja kati ya kila watoto kumi huzaliwa wakiwa hali hiyo.

Kwa upande mwingine, watoto 2 wanazaliwa na uzito mdogo.

Takwimu hizi zinaongezeka kwa kasi. Sehemu ya watoto waliozaliwa kabla ya wakati katika vifo vya watoto chini ya miaka mitano inaongezeka kwa kasi.

Uzito mdogo wa kuzaliwa na kuzaliwa mapema kunaweza kusababisha shida nyingi za kiafya kwa watoto.

Kwa sababu ya kiwango kidogo cha mafuta mwilini, wanapata shida sana katika kudhibiti joto la mwili wao.

Incubators husaidia kwa kiasi fulani ili kuhakikisha joto sahihi la mwili linapatilkana kwa mtoto.

Kwanini ni muhimu?

Joto la mwili wa mtoto linaweza kudhibitiwa kwa kumweka mtoto ngozi kwa ngozi kwenye kifua cha mama.

Matokeo yake, tishio la hypothermia huepukwa. Joto la mwili wa mtoto hupungua ghafla na hypothermia.

Wataalamu wanasema mfumo wa huduma ya kangaroo pia utapunguza shinikizo kwa vituo vya afya.

Kwa upande mwingine, UNICEF pia hivi karibuni imefichua manufaa ya sera hii kwa mama na mtoto. Manufaa hayo ni ..

• Njia hii husaidia mama na mtoto kubaki watulivu

• Husaidia katika kudhibiti mapigo ya moyo na kupumua kwa mtoto. Inasaidia watoto wanaotoka tumboni mwa mama kuzoea ulimwengu wa nje.

• Pia huhakikisha michakato bora ya usagaji chakula kwa watoto

• Pia inadhibiti joto la mwili

• Utunzaji wa Kangaroo husaidia bakteria wenye afya kwenye ngozi ya mama kuhamia kwenye ngozi ya mtoto. Hii huwapa watoto uwezo wa kupambana na aina fulani za maambukizi

• Pia husaidia kurekebisha homoni zinazosaidia kunyonyesha

Kitu cha kufanya

Wataalamu wanasema kwamba huduma ya kangaroo inaweza kutolewa hadi saa 18 kwa siku katika kesi ya watoto wachanga na watoto waliozaliwa na uzito mdogo.

Baadhi ya akina mama wanaweza kupata ugumu wa kuwaweka watoto wao kulala juu yao kwa muda mrefu hivyo.

Lakini Antin Ehi mwenye umri wa miaka 40 kutoka Lagos anasema hii ni fursa nzuri zaidi kuwahi kupata.

Alijifungua mtoto aliyezaliwa kabla ya wakati wake Aprili iliyopita.

Alibaki amelazwa kifuani hadi afya ya mtoto huyo ilipoimarika

"Mpaka tupate uzoefu, hatuwezi kusema itakuwaje. Ni hisia nzuri sana. Nilikuwa nikivaa nguo ya kulalia na kumpeleka mtoto ndani. Inaonekana kazi nyingi zinaendelea," sema.

"Inaweza kukaa hivyo kwa siku nzima. Wakiwekwa kifuani, wanakaa kimya. Hutasumbuliwa. Tunajisikia utulivu sana," alieleza.

Kwa upande mwingine, utafiti pia unaonyesha kwamba watoto wanaotunzwa kupitia huduma ya Kangaroo hulia kidogo na hulala mara nyingi zaidi.

Hivi sasa Kangar Care inahusu mama na mtoto. Hata hivyo, baadhi ya tafiti zinaonyesha kwamba akina baba pia wana matokeo sawa wakati watoto wanalala juu yao.

Ni bora ...na inalinda

Ekhomun, mama wa mara ya kwanza, anaweza kumtunza mtoto wake vyema kwa msaada wa mfumo huu.

Sasa hakuna tishio la afya kwa mtoto aliyezaliwa kwake. Ukuaji wake pia ni mzuri. Ekhomun bado anapendelea kulala na mtoto wake kwenye kifua chake.

"Nitaendelea na utaratibu huu hadi mtoto wangu aanze kutembea," anasema.