Kuripoti kuhusu Gaza: 'Wakati mwingine nikiwa nyuma ya kamera mimi husimama tu na kulia'

Na Fergal Keane

BBC News, Jerusalem

Simu zinakuja wakati wowote anapoweza kupata mtandao wa simu. Au wakati wowote anaweza kupata umeme wa kutosha kuchaji simu yake.

Anakula wakati anaweza kupata chakula. Anasafiri kutoka eneo moja la ukiwa hadi jingine. Ilimradi apate petroli.

Na Mahmoud Bassam ana wasiwasi kuhusu mke wake na mtoto wa miezi 11 kwa sababu wanapaswa kuhama ili kuepusha shambulio hilo. Kwa hiyo anapotoka nyumbani asubuhi huwa hana uhakika kuwa watakuwa sehemu moja anaporudi usiku.

Hiyo ni ikiwa anaweza kurudi. Ikiwa barabara haijafungwa au mashambulizi kuwa makubwa sana kwake kusafiri.

Huko Gaza siku hizi, Mahmoud yuko kwenye hatari ya kuangamia kwenye vita. Vinaleta nini. Nini vinaweza kuchukua.

Mahmoud ni mwandishi aliyejitolea wa matukio ya watu wake. Tangu mzozo uanze zaidi ya wiki tatu zilizopita amekuwa akihama kati ya hospitali na kambi za wakimbizi na - mara kwa mara ameanza kuchoshwa na matukio ya milipuko.

Kando na kazi ya mwandishi wa BBC wa Gaza, Rushdi Abualouf, kazi ya wafanyakazi huru kama Mahmoud imesaidia BBC kuwasilisha uchungu wa raia walionaswa chini ya mashambulizi ya anga.

Ninapomfikia kwa simu baada ya saa nyingi za kujaribu, Mahmoud anaelezea mkazo wa kihisia wa kazi yake.

"Kama ilivyo vigumu kuona ninachokiona, na kadri ninavyojaribu kuwasilisha ujumbe huu," anasema, "wakati fulani kutoka nyuma ya kamera nasimama tu na kulia. Na kitu pekee ninachoweza kufanya ni kuwa kimya."

Mengi zaidi kuhusu mzozo wa Israel na Palestina

Fuatilia moja kwa moja:Matukio ya hivi punde na kinachoendelea

Mauaji ya Kibbutz:Jinsi Hamas walivyofanya shambulio lisilofikirika

Uchambuzi:Je, uvamizi wa ardhini wa Israel dhidi ya Gaza unaweza kuafikia malengo yake?

Historia:Masuala muhimu unayopaswa kujua kuhusu mzozo kati ya Israel na Palestina

Kiini cha mzozo:Fahamu chanzo cha uhasama kati ya Israel na Palestina

Hamas:Lifahamu kundi la wapiganaji wa Palestina lililoivamia Israel kupitia angani, baharini na nchi kavu

Mossad:Mbinu ,mikakati na kuwatumia wanawake katika shirika la ujasusi la Israel walipa ufanisi katika operesheni zake

Waandishi wengi wa habari ninaowajua wanaofanya kazi katika maeneo ya vita wanahisi kutokuwa na msaada sana huku wanadamu wakikabiliwa na mateso mengi ya kibinadamu. Unasaidiaje wakati kuna wengi wa kusaidiwa? Je, unafanyaje kazi yako ikiwa unaacha kazi ili kutoa chakula au huduma ya kwanza?

Sisi si wafanyakazi wa misaada au madaktari. Lakini sisi ni wanadamu.

Hili linakuzwa kwa Mahmoud na mahusiano yake ya ndani. Waandishi wa habari wa kigeni kama mimi wana chaguo la kupanda ndege na kurudi nyumbani. Kumbukumbu za vita zinaweza kufuata lakini angalau tuna usalama wa kimwili kama vile watu tunaowapenda.

Ukanda wa Gaza ni sehemu ndogo sana - kilomita za mraba 366 (maili za mraba 141) katika eneo lote la ardhi. Mahmoud ana kila nafasi ya kupata mtu anayemfahamu kwenye eneo la vita.

"Mimi ni mwandishi wa habari na dhamira yangu ni kufikisha kile ninachokiona," ananiambia, "lakini wakati mwingine nalazimika kusimama na kukaa na watoto hawa, najaribu kuwapa maji, kuona wanachohitaji, najaribu kuwapa wanachohitaji."

Kutazama picha zake zinapowasili kwenye kompyuta zetu timu ninayofanya kazi nayo inashangazwa na utulivu wake. Hasahau hata mara moja kwamba watu anaowatayarisha filamu na mahojiano huenda wanakutana na kamera kwa mara ya kwanza maishani mwao, katika hali mbaya zaidi inayoweza kufikiriwa.

Vita hivi vinaonekana kuwa moja ya hatari zaidi kwa waandishi wa habari katika siku za hivi karibuni. Zaidi ya 30 wameuawa kufikia sasa. Kamati ya Kulinda Wanahabari (CPJ) imesema walioko Gaza wanalipa gharama ambayo haijawahi kushuhudiwa.

"Huu ni wakati mbaya kwa waandishi wa habari huko Gaza," anasema Sherif Mansour, mtaalamu wa Mashariki ya Kati wa CPJ.

"Tumeona waandishi wengi wakiuawa katika kipindi cha karibu wiki tatu zilizopita kuliko waliouawa kwa miaka 21 ya kuripoti mzozo huu. Waandishi wengi wamepoteza wenzao, nyumba za familia, na kulazimika kukimbilia mahali ambapo hakuna usalama.

Katika jamii iliyounganishwa kwa karibu ya waandishi wa habari katika maeneo kama Gaza ni jambo lisiloepukika kwamba hasara ya wenzao inasikika kwa karibu.

Yara Eid ni mwandishi wa habari wa Palestina ambaye alikulia Gaza. Sasa anaishi Uingereza na kuomboleza rafiki yake Ibrahim Lafi ambaye aliuawa mwanzoni mwa vita.

"Nilimpoteza rafiki yangu mkubwa Ibrahim. Alikuwa mwandishi wa habari wa Palestina, lakini hakuwa tu mwandishi wa habari. Alikuwa na umri wa miaka 21. Alikuwa kaka. Alikuwa rafiki mkubwa. Alikuwa mtu wa kuota ndoto," anasema.

"Alikuwa mpiga picha, na aliyapenda maisha sana. Alikuwa mtu aliyetabasamu zaidi. Sijawahi kumuona Ibrahim akiwa hatabasamu maishani mwangu. Alikuwa na tabasamu kubwa kila nilipomuona.

"Alikuwa rafiki aliyenisaidia sana kuwahi kuwa naye. Kwa kweli alikuwa na ndoto nyingi na alitaka sana kuwa mpiga picha aliyechagua kuuonyesha ulimwengu wote uzuri wa Gaza."

Waandishi wa habari huenda kufanya kazi huko Gaza wakijua kwamba sio wao tu bali familia zao ziko hatarini. Mkuu wa ofisi ya Al Jazeera, Wael al-Dahdaouh, alipoteza mkewe, mwanawe, binti yake na mjukuu wake mchanga katika shambulio la anga.

Siku moja baadaye alirudi kazini akisema ni jukumu lake. Kwa sisi tunaotazama matukio kutoka Yerusalemu, wakfu huo si jambo la ajabu.

Na ripoti ya ziada kutoka kwa Haneen Abdeen, Alice Doyard, Morgan Gisholt Minard na John Landy huko Jerusalem.