ਅਫ਼ਗਾਨਿਸਤਾਨ: ਤਾਲਿਬਾਨ ਨੇ ਕੀਤਾ ਅੰਤਰਿਮ ਸਰਕਾਰ ਦਾ ਐਲਾਨ, ਅਖੁੰਦ ਹੋਣਗੇ ਮੁਖੀ
ਤਸਵੀਰ ਸਰੋਤ, Alamy
ਤਾਲਿਬਾਨ ਨੇ ਮੰਗਲਵਾਰ ਸ਼ਾਮੀ ਅਫ਼ਾਗਨਿਸਤਾਨ ਵਿੱਚ ਅੰਤਰਿਮ ਸਰਕਾਰ ਦੇ ਗਠਨ ਦਾ ਐਲਾਨ ਕੀਤਾ ਹੈ।
ਤਾਲਿਬਾਨ ਦੇ ਬੁਲਾਰੇ ਦੱਸਿਆ ਕਿ ਮੁੱਲਾ ਹਸਨ ਅਖੁੰਦ ਸਰਕਾਰ ਦੇ ਮੁਖੀ ਹੋਣਗੇ।
ਇਸ ਦੇ ਨਾਲ ਹੀ ਐੱਫਬੀਆਈ ਨੂੰ ਅੱਤਵਾਦੀ ਵਜੋਂ ਲੋੜੀਂਦੇ ਸਿਰਾਜੁੱਦੀਨ ਹੱਕਾਨੀ ਗ੍ਰਹਿ ਮੰਤਰੀ ਹੋਣਗੇ ਜੋ ਹੱਕਾਨੀ ਨੈੱਟਵਰਕ ਦੇ ਮੁਖੀ ਵੀ ਹਨ।
ਇਹ ਵੀ ਪੜ੍ਹੋ-
ਬੁਲਾਰੇ ਜ਼ਬੀਹੁੱਲਾਹ ਮੁਜਾਹਿਦ ਨੇ ਦੱਸਿਆ, "ਅਸੀਂ ਆਪਣੇ ਦੇਸ਼ ਦੇ ਲੋਕਾਂ ਨੂੰ ਜਾਣਦੇ ਹਾਂ, ਉਹ ਨਵੀਂ ਸਰਕਾਰ ਦਾ ਇੰਤਜ਼ਾਰ ਕਰ ਰਹੇ ਹਨ।"
ਤਾਲਿਬਾਨ ਨੇ ਤਿੰਨ ਹਫ਼ਤੇ ਪਹਿਲ ਦੇਸ਼ ਦੇ ਵਧੇਰੇ ਹਿੱਸੇ 'ਤੇ ਕਬਜ਼ਾ ਕਰ ਲਿਆ ਸੀ।
ਕਾਰਜਕਾਰਨੀ ਮੰਤਰੀਮੰਡਲ ਦਾ ਐਲਾਨ ਤਾਲਿਬਾਨ ਦੇ ਗਠਨ ਦੀ ਦਿਸ਼ਾ ਵੱਲ ਇੱਕ ਮਹੱਤਵਪੂਰਨ ਕਦਮ ਹੈ।
ਤਾਲਿਬਾਨ ਤੋਂ ਵੱਖ ਹੱਕਾਨੀ ਨੈੱਟਵਰਕ ਨੂੰ ਅਮਰੀਕਾ ਨੇ ਵਿਦੇਸ਼ੀ ਅੱਤਵਾਦੀ ਸੰਗਠਨ ਐਲਾਨਿਆ ਹੈ।
ਹੋਰ ਨਿਯੁਕਤੀਆਂ ਵਿੱਚ ਕਾਰਜਕਾਰੀ ਰੱਖਿਆ ਮੰਤਰੀ ਵਜੋਂ ਮੁੱਲਾ ਯਾਕੂਬ, ਕਾਰਜਕਾਰੀ ਵਿਦੇਸ਼ ਮੰਤਰੀ ਵਜੋਂ ਅਮੀਰ ਖ਼ਾਨ ਮੁਤਾਕੀ ਅਤੇ ਤਾਲਿਬਾਨ ਦੇ ਸਹਿ-ਸੰਸਥਾਪਕ ਮੁੱਲਾ ਅਬਦੁਲ ਗਨੀ ਬਰਾਦਰ ਅਤੇ ਮੁੱਲਾ ਅਬਦੁਲ ਸਲਾਮ ਹਨਫੀ ਨੂੰ ਦੋ ਡਿਪਟੀ ਨਿਯੁਕਤ ਕੀਤੇ ਗਏ ਹਨ।
ਬਰਾਦਰ ਇਸ ਤੋਂ ਪਹਿਲਾਂ ਤਾਲਿਬਾਨ ਦੇ ਸਿਆਸੀ ਦਫ਼ਤਰ ਦੇ ਮੁਖੀ ਸਨ।
ਯਾਕੂਬ ਤਾਲਿਬਾਨ ਦੇ ਸੰਸਥਾਪਕ ਅਤੇ ਮਰਹੂਮ ਸਰਬਉੱਚ ਨੇਤਾ ਮੁੱਲਾ ਉਮਰ ਦੇ ਬੇਟੇ ਹਨ।
ਬਰਾਦਰ ਇਸ ਤੋਂ ਪਹਿਲਾਂ ਤਾਲਿਬਾਨ ਦੇ ਸਿਆਸੀ ਦਫ਼ਤਰ ਦੇ ਮੁਖੀ ਸਨ ਅਤੇ ਉਨ੍ਹਾਂ ਨੇ ਪਿਛਲੇ ਸਾਲ ਅਮਰੀਕਾ ਦੇ ਵਾਪਸੀ ਸਮਝੌਤੇ 'ਤੇ ਦਸਤਖ਼ਤ ਦਸਤਖ਼ਤ ਕੀਤੇ ਸਨ।
ਔਰਤਾਂ ਦੀ ਸ਼ਮੂਲੀਅਤ ਨਾ ਹੋਣ ਬਾਰੇ ਪੁੱਛੇ ਗਏ ਸਵਾਲ 'ਤੇ ਤਾਲਿਬਾਨ ਸੱਭਿਆਚਰਕ ਕਮਿਸ਼ਨ ਦੇ ਅਹਿਮਦੁੱਲਾਹ ਵਸੀਕ ਨੇ ਬੀਬੀਸੀ ਦੇ ਸਿੰਕਦਰ ਕਿਰਮਾਨੀ ਨੂੰ ਦੱਸਿਆ ਕਿ ਮੰਤਰੀ ਮੰਡਲ ਨੂੰ ਅਜੇ ਤੱਕ ਅਤਿੰਮ ਰੂਪ ਨਹੀਂ ਦਿੱਤਾ ਗਿਆ।
ਇਹ ਵੀ ਪੜ੍ਹੋ:
ਇਸ ਲੇਖ ਵਿੱਚ Google YouTube ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Google YouTube ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of YouTube post
