ਡੌਨਲਡ ਟਰੰਪ ਨੇ ਦਿਵਾਲੀ ਵਧਾਈ ’ਚ ਕੀਤੀ ‘ਗਲਤੀ’, ਟਵਿੱਟਰ ’ਤੇ ਚੱਲੇ ਮਿਹਣੇ
ਤਸਵੀਰ ਸਰੋਤ, Twitter/@realdonaldtrump
ਭਾਰਤ ਤੇ ਹੋਰ ਥਾਵਾਂ ’ਚ ਦਿਵਾਲੀ ਤਿਉਹਾਰ ਆਉਣ ਤੋਂ ਇੱਕ ਹਫਤੇ ਬਾਅਦ ਅਮਰੀਕਾ ਦੇ ਰਾਸ਼ਟਰਪਤੀ ਡੌਨਲਡ ਟਰੰਪ ਨੇ ਵੀ ਵ੍ਹਾਈਟ ਹਾਊਸ 'ਚ ਦਿਵਾਲੀ ਦੇ ਇੱਕ ਸਮਾਗਮ 'ਚ ਭਾਗ ਲਿਆ। ਇਸ ਬਾਰੇ ਉਨ੍ਹਾਂ ਟਵਿੱਟਰ ਉੱਪਰ ਵਧਾਈਆਂ ਵੀ ਭੇਜੀਆਂ।
ਇਸ ਇੱਕ ਹਫਤੇ ਦੀ ਦੇਰੀ ਦਾ ਤਾਂ ਪਤਾ ਨਹੀਂ ਕੀ ਕਾਰਣ ਸੀ, ਸਗੋਂ ਉਨ੍ਹਾਂ ਵੱਲੋਂ 17 ਮਿੰਟਾਂ ਦੀ ਇੱਕ ਹੋਰ ਦੇਰੀ ਕਰਨਾ ਚਰਚਾ ਦਾ ਵਿਸ਼ਾ ਬਣ ਗਿਆ ਹੈ।
ਅਮਰੀਕਾ 'ਚ 13 ਨਵੰਬਰ ਸ਼ਾਮ ਨੂੰ, ਭਾਰਤੀ ਸਮੇਂ ਮੁਤਾਬਕ 14 ਨਵੰਬਰ ਤੜਕੇ 2.33 'ਤੇ ਆਏ ਉਨ੍ਹਾਂ ਦੇ ਟਵੀਟ ਵਿੱਚ ਉਨ੍ਹਾਂ ਨੇ ਦਿਵਾਲੀ ਦੀਆਂ ਵਧਾਈਆਂ ਸਿੱਖਾਂ, ਬੋਧੀਆਂ ਤੇ ਜੈਨੀਆਂ ਨੂੰ ਤਾਂ ਦਿੱਤੀਆਂ ਪਰ, ਇੰਝ ਲੱਗਿਆ ਕਿ ਹਿੰਦੂਆਂ ਨੂੰ ਉਹ ਭੁੱਲ ਗਏ ਜਦਕਿ ਦਿਵਾਲੀ ਮਨਾਉਣ ਵਾਲਿਆਂ 'ਚ ਜ਼ਿਆਦਾ ਗਿਣਤੀ ਹਿੰਦੂਆਂ ਦੀ ਹੀ ਹੈ।
ਤਸਵੀਰ ਸਰੋਤ, Twitter
ਅਗਲਾ ਟਵੀਟ ਆਇਆ 17 ਮਿੰਟਾਂ ਬਾਅਦ, ਜਿਸ ਵਿੱਚ ਉਨ੍ਹਾਂ ਨੇ ਦਿਵਾਲੀ ਨੂੰ "ਹਿੰਦੂ ਤਿਉਹਾਰ" ਆਖ ਕੇ ਮੁੜ ਉਸੇ ਸਮਾਗਮ ਦੀ ਇੱਕ ਫੋਟੋ ਸ਼ੇਅਰ ਕੀਤੀ ਅਤੇ ਨਾਲ ਹੀ ਵ੍ਹਾਈਟ ਹਾਊਸ ਵੱਲੋਂ ਉਨ੍ਹਾਂ ਦੀ ਇਸ ਮੌਕੇ ਦੀ ਤਕਰੀਰ ਦੀ ਇੱਕ ਕਾਪੀ ਵੀ ਨੱਥੀ ਕੀਤੀ।
ਤਸਵੀਰ ਸਰੋਤ, Twitter
ਹਾਲਾਂਕਿ ਪਹਿਲੇ ਟਵੀਟ ਨਾਲ ਲੱਗੇ ਯੂ-ਟਿਊਬ ਵੀਡੀਓ 'ਚ ਉਨ੍ਹਾਂ ਭਾਸ਼ਣ ਦੀ ਸ਼ੁਰੂਆਤ 'ਚ ਹੀ ਇਸ "ਹਿੰਦੂ ਤਿਉਹਾਰ" ਨੂੰ ਮਨਾਉਣ 'ਤੇ ਮਾਨ ਪ੍ਰਗਟਾਇਆ ਸੀ ਪਰ ਟਵੀਟ ਵਿੱਚ ਹੋਈ ਭੁੱਲ ਲੋਕਾਂ ਨੇ ਛੱਡੀ ਨਹੀਂ।
ਇਹ ਵੀ ਪੜ੍ਹੋ
ਸੋਸ਼ਲ ਮੀਡੀਆ 'ਤੇ ਰੌਲਾ ਪੈਣ ਲਈ ਇੰਨਾ ਹੀ ਬਹੁਤ ਸੀ।
ਭਾਰਤੀ ਅਦਾਕਾਰ ਅਸ਼ਵਿਨ ਮੁਸ਼ਰਾਨ ਨੇ ਟਰੰਪ ਦੇ ਪਹਿਲੇ ਟਵੀਟ ਉੱਪਰ ਵਿਅੰਗ ਕਰਦਿਆਂ 'ਹਿੰਦੂਜ਼ ਫਾਰ ਟਰੰਪ' ਨਾਂ ਦੇ ਸੰਗਠਨ ਦਾ ਜ਼ਿਕਰ ਕੀਤਾ ਜਿਸ ਨੇ 2016 ਦੀਆਂ ਅਮਰੀਕੀ ਚੋਣਾਂ 'ਚ ਟਰੰਪ ਦਾ ਸਮਰਥਨ ਕੀਤਾ ਸੀ। ਹਾਲਾਂਕਿ ਟਰੰਪ ਉੱਤੇ ਅਮਰੀਕਾ 'ਚ ਘੱਟ-ਗਿਣਤੀ ਵਿਰੋਧੀ ਹੋਣ ਦਾ ਇਲਜ਼ਾਮ ਲਗਦਾ ਹੈ।
ਮੁਸ਼ਰਾਨ ਨੇ ਲਿਖਿਆ, "ਹਿੰਦੂਜ਼ ਫਾਰ ਟਰੰਪ ਨੂੰ ਤਾਂ ਇਸ ਖ਼ਾਸ ਜ਼ਿਕਰ ਦਾ ਮਜ਼ਾ ਹੀ ਆ ਗਿਆ ਹੋਣਾ ਹੈ।"
ਤਸਵੀਰ ਸਰੋਤ, Twitter
ਜਦੋਂ ਕੁਝ ਟਵਿੱਟਰ ਯੂਜ਼ਰ ਨੇ ਮੁਸ਼ਰਾਨ ਦਾ ਧਿਆਨ ਹਿੰਦੂਆਂ ਦੇ ਜ਼ਿਕਰ ਵਾਲੇ ਵੀਡੀਓ ਵੱਲ ਦਿਵਾਇਆ ਤਾਂ ਉਨ੍ਹਾਂ ਨੇ ਆਖਿਆ, "ਫਿਰ ਠੀਕ ਕਰ ਕੇ (ਦੂਜਾ) ਟਵੀਟ ਪਾਉਣ ਦੀ ਵੀ ਕੋਈ ਲੋੜ ਨਹੀਂ ਸੀ!"
ਅਮਰੀਕਾ ਦੇ ਇੱਕ ਟਵਿੱਟਰ ਯੂਜ਼ਰ ਵੇਅਨ ਨੈਕਰ ਨੇ ਟਰੰਪ ਨੂੰ ਲਿਖਿਆ, "ਜਦੋਂ ਕਿਸੇ ਵਿਸ਼ੇ ਨੂੰ ਗੂਗਲ ਕਰ ਕੇ ਆਏ ਨਤੀਜਿਆਂ ਨੂੰ ਧਿਆਨ ਨਾਲ ਨਾ ਪੜ੍ਹੋ ਤਾਂ ਇਹੀ ਹੁੰਦਾ ਹੈ।"
ਤਸਵੀਰ ਸਰੋਤ, Twitter
ਵਿਕਾਸ ਵਰਮਾ ਨਾਂ ਦੇ ਇੱਕ ਟਵਿੱਟਰ ਯੂਜ਼ਰ ਨੇ ਭਾਰਤੀ ਸੱਭਿਆਚਾਰ ਨੂੰ ਅਮਰੀਕਾ ਵਿੱਚ ਮਿਲਦੀ ਤਰਜੀਹ ਦੀ ਸ਼ਲਾਘਾ ਕੀਤੀ ਪਰ ਨਾਲ ਹੀ ਸਲਾਹ ਦਿੱਤੀ ਕਿ ਕਿਸੇ ਵੀ ਜਾਤ-ਧਰਮ ਦਾ ਜ਼ਿਕਰ ਨਹੀਂ ਕਰਨਾ ਚਾਹੀਦਾ ਸੀ।
ਅੱਗੇ ਲਿਖਿਆ, "ਹੁਣ ਜਦੋਂ ਤੁਸੀਂ ਜ਼ਿਕਰ ਕਰ ਹੀ ਦਿੱਤਾ ਹੈ ਤਾਂ ਮੈਂ ਦੱਸ ਦਿਆਂ, ਤੁਸੀਂ ਹਿੰਦੂਆਂ ਨੂੰ ਭੁੱਲ ਗਏ ਜਿਨ੍ਹਾਂ ਲਈ ਇਹ ਸਭ ਤੋਂ ਵੱਡਾ ਤਿਉਹਾਰ ਹੈ।"
ਤਸਵੀਰ ਸਰੋਤ, Twitter
ਸੁਵਪਨੀਲ ਪਾਂਡੇ ਨੇ ਵੀ ਟਵੀਟ ਕਰ ਕੇ ਵਿਅੰਗ ਕੀਤਾ, "ਟਰੰਪ ਦੀ ਜਿੱਤ ਲਈ ਭਾਰਤ 'ਚ ਹਿੰਦੂਆਂ ਵੱਲੋਂ ਕੀਤੇ ਹਵਨਾਂ ਅਤੇ ਪਾਏ ਰੌਲੇ ਤੋਂ ਬਾਅਦ ਸਾਡਾ ਦਿਵਾਲੀ ਦੀ ਵਧਾਈ ਦੀ ਲਿਸਟ 'ਚ ਵੀ ਨਾਂ ਨਹੀਂ???? ਘੋਰ ਕਲਯੁਗ!"
ਤਸਵੀਰ ਸਰੋਤ, Twitter
ਹੋਰਾਂ ਨੇ ਵੀ ਟਰੰਪ ਦੀ ਨਿਖੇਧੀ ਕਰਨ ਦਾ ਮੌਕੇ ਨਹੀਂ ਛੱਡਿਆ ਅਤੇ ਕੁਝ ਨੇ ਤਾਂ ਟਰੰਪ ਦੀ ਤੁਲਨਾ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨਾਲ ਕਰਦਿਆਂ ਵੀ ਵਿਅੰਗ ਕੀਤਾ।
ਦਾਨਿਸ਼ ਆਜ਼ਮ ਰਿਜ਼ਵੀ ਨੇ ਲਿਖਿਆ, "ਤੁਹਾਡੇ (ਅਮਰੀਕਾ ਦੇ) ਰਾਸ਼ਟਰਪਤੀ ਤੇ ਸਾਡੇ ਪ੍ਰਧਾਨ ਮੰਤਰੀ ਵਿਛੜੇ ਭਰਾ ਜਾਪਦੇ ਹਨ... 1) ਆਪਣੇ ਦੇਸ਼ ਦੇ ਮੁੱਦਿਆਂ 'ਤੇ ਚੁੱਪ... ਚੀਨ ਜਾਂ ਸਰਬੀਆ ਵਰਗੀਆਂ ਹੋਰ ਥਾਵਾਂ ਦੇ ਲੋਕਾਂ ਨੂੰ ਵਧਾਈ ਦੇਣ ਨੂੰ ਬਹੁਤ ਤੇਜ਼, 2) ਤੱਥਾਂ ਨੂੰ ਤੋੜ-ਮਰੋੜ ਕੇ ਪੇਸ਼ ਕਰਨਾ, ਜਿਵੇਂ ਕਿ ਦਿਵਾਲੀ 'ਚੋਂ ਹਿੰਦੂ ਹੀ ਬਾਹਰ ਕੱਢ ਦੇਣਾ।”
ਤਸਵੀਰ ਸਰੋਤ, Twitter
ਐਂਥਨੀ ਬੇਲੀ ਨੇ ਲਿਖਿਆ ਕਿ ਉਹ ਖੁਦ ਨੂੰ ਹੀ ਪੁੱਛਦੇ ਰਹੇ ਕਿ ਟਰੰਪ ਕਿਸੇ ਨੂੰ ਇੱਜ਼ਤ ਦੇਣ ਦਾ ਕੰਮ ਕਿਵੇਂ ਕਰ ਸਕਦੇ ਹਨ, "ਰਿਸਰਚ ਕਰ ਕੇ ਪਤਾ ਲੱਗਿਆ ਕਿ ਦਿਵਾਲੀ ਲਕਸ਼ਮੀ ਦੇ ਸਨਮਾਨ 'ਚ ਮਨਾਇਆ ਜਾਣ ਵਾਲਾ ਤਿਉਹਾਰ ਹੈ... ਧਨ ਦੀ ਦੇਵੀ!"
ਤਸਵੀਰ ਸਰੋਤ, Twitter
ਸ਼ਵੇਤਾ ਚੌਹਾਨ ਨੇ ਟਰੰਪ ਨੂੰ ਪੁੱਛਿਆ, "ਤੁਸੀਂ ਕਿਹੜੀ ਮਠਿਆਈ ਵਟਾਈ? ਸੋਨ ਪਾਪੜੀ ਜਾਂ ਕਾਜੂ ਕਤਲੀ?"
ਤਸਵੀਰ ਸਰੋਤ, Twitter
ਪਰ "ਹਿੰਦੂ" ਦੇ ਜ਼ਿਕਰ ਵਾਲੇ ਦੂਜੇ ਟਵੀਟ ਦੇ ਜਵਾਬ 'ਚ ਤਰੁਣ ਸ਼ੁਕਲਾ ਨੇ ਵੀਡੀਓ ਦੇ ਇੱਕ ਹੋਰ ਹਿੱਸੇ ਬਾਰੇ ਲਿਖਿਆ, "ਰੱਬ ਦਾ ਸ਼ੁਕਰ ਹੈ ਗ਼ਲਤੀ ਸੁਧਾਰ ਲਈ। ਪਿੱਛੇ ਖੜ੍ਹੇ ਭਾਰਤੀ-ਅਮਰੀਕੀਆਂ ਦੀਆਂ ਸ਼ਕਲਾਂ ਦੇਖੋ!"
ਤਸਵੀਰ ਸਰੋਤ, Twitter
ਕੁਝ ਲੋਕਾਂ ਨੇ ਟਰੰਪ ਤੇ ਮੋਦੀ, ਦੋਵਾਂ ਨੂੰ ਹੀ ਇਸਲਾਮੀ ਤਿਉਹਾਰਾਂ ਨੂੰ ਵੀ ਇੰਝ ਮਨਾਉਣ ਦੀ ਸਲਾਹ ਦਿੱਤੀ ਤਾਂ ਜੋ ਬਰਾਬਰਤਾ ਨਜ਼ਰ ਆਵੇ।
ਕਈਆਂ ਨੇ ਟਰੰਪ ਦਾ ਧੰਨਵਾਦ ਕੀਤਾ।
ਇਹ ਵੀਡੀਓ ਵੀ ਜ਼ਰੂਰ ਦੇਖੋ
ਇਸ ਲੇਖ ਵਿੱਚ Google YouTube ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Google YouTube ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of YouTube post, 1
ਇਸ ਲੇਖ ਵਿੱਚ Google YouTube ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Google YouTube ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of YouTube post, 2
