ਟਰੰਪ ਟਾਵਰ ਵਿੱਚ ਲੱਗੀ ਅੱਗ, ਇੱਕ ਵਿਅਕਤੀ ਦੀ ਮੌਤ
ਤਸਵੀਰ ਸਰੋਤ, AFP
ਨਿਊਯਾਰਕ ਦੇ ਟਰੰਪ ਟਵਰ ਵਿੱਚ ਅੱਗ ਲੱਗ ਗਈ ਹੈ। ਇਮਾਰਤ 'ਚੋਂ ਕਾਲਾ ਧੂੰਆ ਅਤੇ ਭਾਂਬੜ ਬਲਦੇ ਨਜ਼ਰ ਆ ਰਹੇ ਹਨ।
ਨਿਊਯਾਰਕ ਦੇ ਅੱਗ ਬੁਝਾਉ ਦਸਤੇ ਦਾ ਕਹਿਣਾ ਹੈ ਕਿ ਉਹ ਬੁਝਾਉਣ 'ਚ ਲੱਗ ਗਿਆ ਹੈ।
ਅਜੇ ਤੱਕ ਇੱਕ ਵਿਅਕਤੀ ਦੀ ਮੌਤ ਦੀ ਖ਼ਬਰ ਹੈ। ਅੱਗ ਬੁਝਾਊ ਸਰਵਿਸ ਅਨੁਸਾਰ ਉਨ੍ਹਾਂ ਦੇ ਤਿੰਨ ਮੁਲਾਜ਼ਮ ਵੀ ਮਾਮੁਲੀ ਤੌਰ 'ਤੇ ਜ਼ਖ਼ਮੀ ਹੋਏ ਹਨ।
ਤਸਵੀਰ ਸਰੋਤ, AFP/GETTY IMAGES
ਇਸ ਇਮਾਰਤ ਵਿੱਚ ਅਮਰੀਕਾ ਦੇ ਰਾਸ਼ਟਰਪਤੀ ਦਾ ਘਰ ਅਤੇ ਦਫ਼ਤਰ ਵੀ ਹੈ, ਪਰ ਉਹ ਇਸ ਵੇਲੇ ਵਾਸ਼ਿੰਗਟਨ ਵਿੱਚ ਹਨ।
ਰਾਸ਼ਟਰਪਤੀ ਦੀ ਪ੍ਰਤੀਕਿਰਿਆ
ਜਾਣਕਾਰੀ ਮਿਲੀ ਹੈ ਕਿ ਅੱਗ 50ਵੀਂ ਮੰਜ਼ਿਲ 'ਤੇ ਲੱਗੀ ਹੈ, ਜਿਸ ਵਿੱਚ ਅਪਾਰਮੈਂਟ ਵੀ ਅਤੇ ਆਫਿਸ ਸਪੇਸ ਵੀ ਹੈ।
ਰਾਸ਼ਟਰਪਤੀ ਟਰੰਪ ਨੇ ਅੱਗ ਲੱਗਣ 'ਤੇ ਟਵੀਟ ਕਰਦਿਆਂ ਕਿਹਾ ਹੈ ਕਿ ਇਹ ਬਹੁਤ ਸੀਮਤ ਹੈ ਅਤੇ ਟਾਵਰ "ਇਹ ਇਮਾਰਤ ਵਧੀਆ ਢੰਗ ਨਾਲ ਉਸਾਰੀ" ਗਈ ਹੈ। ਉਨ੍ਹਾਂ ਨੇ ਕਿਹਾ ਹੈ ਕਿ ਅੱਗ ਬੁਝਾਉ ਦਸਤੇ ਨੇ ਸ਼ਾਨਦਾਰ ਕੰਮ ਕੀਤਾ ਹੈ।
ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of X post
ਇਸ ਟਾਵਰ ਵਿੱਚ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਕਾਰੋਬਾਰਾਂ ਦੇ ਸਮੂਹ ਟਰੰਪ ਆਰਗਨਾਈਜੇਸ਼ਨ ਦਾ ਮੁੱਖ ਦਫ਼ਤਰ ਹੈ।
ਰਿਹਾਇਸ਼ੀ ਅਪਾਰਮੈਂਟ ਵਿੱਚ ਲੱਗੀ ਅੱਗ
ਇਸ ਇਮਾਰਤ ਦੇ ਨੇੜੇ ਦੀਆਂ ਸੜਕਾਂ ਨੂੰ ਆਵਾਜਾਈ ਲਈ ਬੰਦ ਕਰ ਦਿੱਤਾ ਗਿਆ ਹੈ।
ਡੋਨਾਲਡ ਟਰੰਪ ਦੀ ਪਤਨੀ ਮਲੇਨੀਆ ਟਰੰਪ ਦੇ ਬੁਲਾਰੇ ਨੇ ਕਿਹਾ ਹੈ ਕਿ ਉਹ ਅਤੇ ਉਨ੍ਹਾਂ ਦੇ ਬੇਟੇ ਬੈਰਨ ਟਰੰਪ ਵੀ ਵਾਸ਼ਿੰਗਟਨ ਵਿੱਚ ਹਨ।
ਟਰੰਪ ਦੇ ਬੇਟੇ ਏਰਿਸ ਨੇ ਟਵੀਟ ਕੀਤਾ ਹੈ ਕਿ ਅੱਗ ਇੱਕ ਰਿਹਾਇਸ਼ੀ ਅਪਾਰਮੈਂਟ ਵਿੱਚ ਲੱਗੀ ਹੈ। ਉਨ੍ਹਾਂ ਨੇ ਵੀ ਅੱਗ ਬੁਝਾਉ ਅਮਲੇ ਦਾ ਧੰਨਵਾਦ ਕੀਤਾ ਹੈ।
