ਅਮਰੀਕੀ ਅਦਾਕਾਰਾ ਕੇਲੀ ਦੇ ਟਵੀਟ ਕਾਰਨ ਕਿਸ ਨੂੰ ਪਿਆ 8400 ਕਰੋੜ ਦਾ ਘਾਟਾ ?
ਤਸਵੀਰ ਸਰੋਤ, Getty Images
ਸੋਸ਼ਲ ਮੀਡੀਆ ਐਪ ਸਨੈਪ ਚੈਟ ਦੀ ਸਟਾਕ ਮਾਰਕੀਟ ਕੀਮਤ 1.3 ਬਿਲੀਅਨ ਅਮਰੀਕੀ ਡਾਲਰ ਉਸ ਵੇਲੇ ਘੱਟ ਗਈ ਜਦੋਂ ਰੀਐਲਟੀ ਟੀਵੀ ਸਟਾਰ, ਕੇਲੀ ਜੈਨਰ ਨੇ ਟਵੀਟ ਕਰਕੇ ਲੋਕਾਂ ਨੂੰ ਪੁੱਛ ਲਿਆ ਕਿ ਕੋਈ ਹੋਰ ਵੀ ਹੈ ਜੋ ਇਸਦੀ ਵਰਤੋਂ ਨਹੀਂ ਕਰਦਾ ਕਿਉਂ ਕਿ ਉਹ ਇਹ ਐਪ ਹੁਣ ਨਹੀਂ ਵਰਤਦੀ।
ਅਦਾਕਾਰਾ ਕਿਮ ਕਾਰਦਾਸ਼ਿਆਂ ਦੀ ਮਤਰੇਈ ਭੈਣ ਕੇਲੀ ਨੇ ਲਿਖਿਆ: "ਕੀ ਕੋਈ ਹੋਰ ਵੀ ਹੈ ਜੋ ਸਨੈਪ ਚੈਟ ਨਹੀਂ ਵਰਤਦਾ? ਜਾਂ ਸਿਰਫ਼ ਮੈ ਹੀ... ਬਹੁਤ ਬੁਰਾ।"
ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of X post, 1
ਇਸ ਤੋਂ ਬਾਅਦ ਸਨੈਪ ਚੈਟ ਦੇ ਸ਼ੇਅਰਾਂ ਦੀ ਕੀਮਤ ਹੇਠਾਂ ਆ ਗਈ।
ਦਸ ਲੱਖ ਲੋਕਾਂ ਨੇ ਇੱਕ ਪਟੀਸ਼ਨ ਸਾਈਨ ਕਰ ਕੇ ਸਨੈਪ ਚੈਟ ਨੂੰ ਬਦਲਾਅ ਵਾਪਸ ਲੈਣ ਲਈ ਕਿਹਾ।
ਕਰੀਬ 8 ਫ਼ੀਸਦੀ ਸ਼ੇਅਰ ਹੇਠਾਂ ਡਿੱਗਣ ਤੋਂ ਬਾਅਦ, ਇਹ ਸ਼ੇਅਰ ਵਾਲ ਸਟਰੀਟ 'ਤੇ 6 ਫ਼ੀਸਦੀ 'ਤੇ ਬੰਦ ਹੋਏ।
ਹੁਣ ਇਸ ਦੇ ਸ਼ੇਅਰਾਂ ਦੀ ਕੀਮਤ 17 ਅਮਰੀਕੀ ਡਾਲਰ 'ਤੇ ਆ ਗਈ ਹੈ, ਜੋ ਕਿ ਸ਼ੁਰੂਆਤ ਵਿੱਚ ਸੀ।
ਸਨੈਪ ਚੈਟ ਦਾ ਫੇਸਬੁੱਕ ਅਤੇ ਇੰਸਟਾਗ੍ਰਾਮ ਨਾਲ ਸੈਲੀਬ੍ਰਿਟੀਜ਼ ਨੂੰ ਲੈ ਕਿ ਸਿਰ ਧੜ ਦਾ ਮੁਕਾਬਲਾ ਹੈ।
ਜੈਨਰ ਦਾ ਇਹ ਟਵੀਟ ਉਸ ਵੇਲੇ ਆਇਆ ਜਦੋਂ ਨਿਵੇਸ਼ਕ ਪਹਿਲਾਂ ਤੋਂ ਹੀ ਚਿੰਤਤ ਸਨ।
ਹਾਲਾਂਕਿ ਜੈਨਰ ਨੇ ਬਾਅਦ ਵਿੱਚ ਟਵੀਟ ਕੀਤਾ: "ਸਨੈਪ ਚੈਟ ਨੂੰ ਅਜੇ ਵੀ ਪਿਆਰ ਕਰਦੀ ਹਾਂ। ਮੇਰਾ ਪਹਿਲਾ ਪਿਆਰ।"
ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of X post, 2
ਸਨੈਪ ਚੈਟ ਨੇ ਨਵੰਬਰ ਮਹੀਨੇ ਵਿੱਚ ਕੀਤੀਆਂ ਸੋਧਾਂ 'ਤੇ ਆ ਰਹੀਆਂ ਸ਼ਿਕਾਇਤਾਂ ਤੋਂ ਇਨਕਾਰ ਕੀਤਾ ਹੈ।
ਇਸ ਦੇ ਬੋਸ ਇਵਾਨ ਸਪੀਜਲ ਨੇ ਕਿਹਾ ਕਿ ਵਰਤੋਂ ਕਰਨ ਵਾਲਿਆਂ ਨੂੰ ਇਸ ਨੂੰ ਸਮਝਣ ਵਿੱਚ ਸਮਾਂ ਲੱਗੇਗਾ।
ਸਪੀਜਲ ਦੀ ਪਿਛਲੇ ਸਾਲ ਦੀ ਤਨਖ਼ਾਹ 6378 ਲੱਖ ਸੀ। ਇਹ ਤੀਸਰੀ ਸਭ ਤੋਂ ਵੱਧ ਤਨਖ਼ਾਹ ਮੰਨੀ ਜਾਂਦੀ ਹੈ।
