ਮੱਛੀ ਨੂੰ ਥੱਪੜ ਮਾਰਦਾ ਕੱਛੂਕੁੰਮਾ ਦੇਖਿਆ ਹੈ?
ਕਾਮੇਡੀ ਵਾਈਲਡਲਾਈਫ 2017 ਪ੍ਰਤੀਯੋਗਿਤਾ ਵਿੱਚ ਰੁੱਖ ਦੀ ਟਾਹਣੀ 'ਤੇ ਵਾਪਸ ਜਾਣ ਦੀ ਕੋਸ਼ਿਸ਼ ਕਰਦੇ ਹੋਏ ਇੱਕ ਉੱਲੂ ਦੀ ਤਸਵੀਰ ਨੇ ਪਹਿਲਾ ਇਨਾਮ ਜਿੱਤਿਆ ਹੈ।
ਇਸ ਨੂੰ ਇਸ ਸਾਲ ਕੁਦਰਤ ਦੀ ਸਭ ਤੋਂ ਦਿਲਚਸਪ ਤਸਵੀਰ ਮੰਨਿਆ ਗਿਆ ਹੈ।
ਕਾਮੇਡੀ ਵਾਈਲਡ ਲਾਈਫ਼ 2017 ਪ੍ਰਤੀਯੋਗਿਤਾ ਤਿੰਨ ਸਾਲ ਤੋਂ ਚੱਲ ਰਹੀ ਹੈ। ਇਸਦਾ ਮਕਸਦ ਕੁਦਰਤ ਦੇ ਪ੍ਰਤੀ ਜਾਗਰੂਕਤਾ ਵਧਾਉਣਾ ਹੈ।
ਇਸ ਸਾਲ ਮੁਕਾਬਲੇ ਵਿੱਚ 3500 ਲੋਕਾਂ ਨੇ ਹਿੱਸਾ ਲਿਆ। ਇਸ ਵਿੱਚ ਸ਼ਾਮਲ ਹੋਈਆਂ ਕੁਝ ਮਜ਼ੇਦਾਰ ਤਸਵੀਰਾਂ ਨੂੰ ਅਸੀਂ ਪੇਸ਼ ਕਰ ਰਹੇ ਹਾਂ।
ਤਸਵੀਰ ਸਰੋਤ, TIBOR KERCZ
ਇਸ ਪ੍ਰਤੀਯੋਗਿਤਾ ਨੂੰ ਜਿੱਤਿਆ ਰੁਖ ਦੀ ਟਾਹਣੀ ਤੋਂ ਫਿਸਲਦੇ ਅਤੇ ਵਾਪਸ ਆਪਣਾ ਪੈਰ ਜਮਾਉਣ ਦੀ ਕੋਸ਼ਿਸ਼ ਕਰਦੇ ਉੱਲੂ ਦੀ ਇਸ ਤਸਵੀਰ ਨੇ, ਜਿਸਨੂੰ ਟਿਬੋਰ ਕਰਜ਼ ਨੇ ਹੰਗਰੀ ਵਿੱਚ ਲਿਆ ਸੀ।
ਤਸਵੀਰ ਸਰੋਤ, Andrea Zampatti / Barcroft Images
'ਆਨ ਦਾ ਲੈਂਡ' ਵਰਗ ਦਾ ਇਨਾਮ ਮਿਲਿਆ ਐਂਡਰੀਆ ਜਾਮਪੱਟੀ ਦੀ ਇਸ ਤਸਵੀਰ ਨੂੰ ਜਿਸ ਵਿੱਚ ਇੱਕ ਡੋਰਮਾਊਸ ਮੁਸਕੁਰਾ ਰਿਹਾ ਹੈ।
ਤਸਵੀਰ ਸਰੋਤ, Troy Mayne/Bancroft images
ਇਹ ਕੱਛੂ ਕੁੰਮਾ ਇੰਨੀ ਜਲਦੀ ਵਿੱਚ ਹੈ ਕਿ ਆਪਣੇ ਤੋਂ ਵੱਡੀ ਮਛਲੀ ਨੂੰ ਧੱਕਾ ਦੇ ਕੇ ਅੱਗੇ ਵੱਧਣ ਵਿੱਚ ਵੀ ਉਸ ਨੂੰ ਘਬਰਾਹਟ ਨਹੀਂ ਹੋਈ। ਟ੍ਰੌਏ ਮੈਨ ਦੀ ਇਹ ਤਸਵੀਰ ਅੰਡਰ ਦ ਸੀ ਵਰਗ ਵਿੱਚ ਚੁਣੀ ਗਈ ਹੈ।
ਤਸਵੀਰ ਸਰੋਤ, JOHN THRELFALL
'ਅਪ ਇਨ ਦਾ ਏਅਰ' ਵਰਗ ਵਿੱਚ ਜਾਨ ਥਰੇਲਫੌਲ ਦੀ ਇਹ ਤਸਵੀਰ ਜੇਤੂ ਐਲਾਨੀ ਗਈ ਹੈ। ਇਸ ਵਿੱਚ ਚਿੜੀ ਦੀ ਪੂੰਛ ਨਾਲ ਜੋ ਭਾਫ਼ ਨਿਕਲਦੀ ਨਜ਼ਰ ਆ ਰਹੀ ਹੈ ਉਹ ਅਸਲ ਵਿੱਚ ਪਿੱਛੇ ਉੱਡਦੇ ਹਵਾਈ ਜਹਾਜ਼ ਕਰਕੇ ਹੈ।
ਤਸਵੀਰ ਸਰੋਤ, Daisy Gilardini
ਸਭ ਤੋਂ ਵੱਧ ਸਿਫ਼ਤ ਪਾਉਣ ਵਾਲੀਆਂ ਤਸਵੀਰਾਂ ਵਿੱਚ ਸ਼ਾਮਲ ਇਸ ਤਸਵੀਰ ਵਿੱਚ ਪੋਲਰ ਬੀਅਰ ਦਾ ਬੱਚਾ ਉਸਦੀ ਪਿੱਠ 'ਤੇ ਸਵਾਰ ਹੋਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਇਸ ਤਸਵੀਰ ਨੂੰ ਡੇਜ਼ੀ ਗਿਲਾਰਡਿਨੀ ਵਿੱਚ ਕਨਾਡਾ ਵਿੱਚ ਲਿਆ ਗਿਆ।
ਤਸਵੀਰ ਸਰੋਤ, PENNY PALMER
ਪੇਨੀ ਪਾਮਰ ਨੇ ਇਹ ਤਸਵੀਰ ਉਸ ਵੇਲੇ ਖਿੱਚੀ ਜਦੋਂ ਊਦਬਿਲਾਵ ਅੰਗੜਾਈ ਲੈ ਰਿਹਾ ਸੀ। ਇਸ ਤਸਵੀਰ ਕੈਲੀਫੋਰਨੀਆ ਵਿੱਚ ਲਈ ਗਈ ਸੀ।
ਤਸਵੀਰ ਸਰੋਤ, Carl Henry
ਇਸ ਸਾਰੇ ਪੈਂਗਵਿਨ ਚਰਚ ਜਾਣ ਲਈ ਤਿਆਰ ਹਨ। ਕਾਰਲ ਹੈਨਰੀ ਨੇ ਇਹ ਤਸਵੀਰ ਦੱਖਣ ਅਟਲਾਂਟਿਕ ਦੀਪ 'ਤੇ ਲਈ ਸੀ।
ਤਸਵੀਰ ਸਰੋਤ, OLIVIER COLLE
ਓਲੀਵਿਅਰ ਕੋਲ ਦੀ ਬੈਲਜਿਅਮ ਵਿੱਚ ਲਈ ਗਈ ਇਸ ਤਸਵੀਰ ਵਿੱਚ ਖਰਗੋਸ਼ ਦੇ ਮੂੰਹ ਵਿੱਚ ਘਾਹ ਭਰਿਆ ਹੋਇਆ ਹੈ।
ਤਸਵੀਰ ਸਰੋਤ, KATY LAVECK-FOSTER
ਇੰਝ ਲੱਗ ਰਿਹਾ ਹੈ ਕਿ ਦੋ ਬਾਂਦਰ ਮੋਟਰ ਸਾਈਕਲ 'ਤੇ ਕਿਸੇ ਰੋਡ ਟ੍ਰਿਪ 'ਤੇ ਨਿਕਲਣ ਵਾਲੇ ਹਨ। ਪਿੱਛੇ ਬੈਠੇ ਬਾਂਦਰ ਦੀ ਖੁਸ਼ੀ ਤਾਂ ਦੇਖਦੇ ਹੀ ਬਣਦੀ ਹੈ। ਕੈਟੀ ਲਾਵੇਕ ਫੋਸਟਰ ਨੇ ਇਹ ਤਸਵੀਰ ਇੰਡੋਨੇਸ਼ੀਆ ਦੇ ਸੁਲਾਵੇਸੀ ਦੀਪ ਤੇ ਲਈ।
ਤਸਵੀਰ ਸਰੋਤ, GEORGE CATHCART
ਅਜਿਹਾ ਇਸ ਸੀਲ ਨੇ ਕੀ ਕਹਿ ਦਿੱਤਾ ਕਿ ਦੂਜਾ ਸੀਲ ਹੈਰਾਨ ਹੋ ਗਿਆ? ਜਾਰਜ ਕੈਥਾਕਾਰਟ ਦੀ ਇਸ ਤਸਵੀਰ ਨੂੰ ਬਹੁਤ ਸਿਫ਼ਤ ਮਿਲੀ। ਇਸ ਨੂੰ ਕੈਲੀਫੋਰਨੀਆ ਦੇ ਸੈਨ ਸਿਮੋਨ ਵੱਚ ਖਿਚਿਆ ਗਿਆ।
ਤਸਵੀਰ ਸਰੋਤ, DOUGLAS CROFT
ਇਸ ਲੂੰਬੜੀ ਨੇ ਗੋਲਫ ਕੋਰਸ ਦੇ ਹੋਲ ਨੂੰ ਹੀ ਪਖਾਣਾ ਬਣਾਇਆ। ਡਗਲਸ ਕ੍ਰੋਫਟ ਦੀ ਇਹ ਤਸਵੀਰ ਅਮਰੀਕਾ ਦੇ ਸੈਨ ਓਜ਼ੇ ਵਿੱਚ ਲਈ ਗਈ ਹੈ।
ਤਸਵੀਰ ਸਰੋਤ, Daniel Trim
ਦੋ ਮਡਸਕਿਪਰਸ ਦੀ ਇਹ ਤਸਵੀਰ ਡੈਨੀਅਲ ਟ੍ਰਿਮ ਨੇ ਥਾਈਲੈਂਡ ਵਿੱਚ ਲਈ ਸੀ। ਅਜਿਹਾ ਲੱਗ ਰਿਹਾ ਹੈ ਮੰਨੋ ਇਹ ਦੋਵੇਂ ਕੋਈ ਗੀਤ ਗਾ ਰਹੇ ਹੋਣ।
