You’re viewing a text-only version of this website that uses less data. View the main version of the website including all images and videos.
ਤਸਵੀਰਾਂ: ਆਈਐੱਸ ਦਾ ਗੜ੍ਹ ਰਹੇ ਮੂਸਲ 'ਚ ਕ੍ਰਿਸਮਸ ਦਾ ਜਸ਼ਨ
ਇਰਾਕ ਦੇ ਮੂਸਲ ਵਿੱਚ ਪਹਿਲੀ ਵਾਰ ਸਾਲਾਂ ਬਾਅਦ ਕ੍ਰਿਸਮਸ ਮਨਾਈ ਗਈ। ਆਈਐੱਸ ਦੇ ਕਬਜ਼ੇ ਦੌਰਾਨ ਇੱਥੇ ਇਸਾਈ ਭਾਈਚਾਰੇ ਦੀਆਂ ਧਾਰਮਿਕ ਗਤੀਵਿਧੀਆਂ 'ਤੇ ਪਾਬੰਧੀ ਸੀ।
ਦਰਅਸਲ ਮੂਸਲ ਕਈ ਸਾਲਾਂ ਤੋਂ ਕਥਿਤ ਤੌਰ 'ਤੇ ਇਸਲਾਮਿਕ ਸਟੇਟ ਦੇ ਕਬਜ਼ੇ ਵਿੱਚ ਰਿਹਾ ਸੀ ਅਤੇ ਕੁਝ ਦਿਨ ਪਹਿਲਾਂ ਹੀ ਸਰਕਾਰੀ ਫੌਜਾਂ ਨੇ ਸ਼ਹਿਰ 'ਤੇ ਕਬਜ਼ਾ ਕਰਨ ਵਿੱਚ ਕਾਮਯਾਬੀ ਹਾਸਲ ਕੀਤੀ ਹੈ।
ਮੂਸਲ 'ਚ ਜਿਹਾਦੀਆਂ ਦੇ ਸ਼ਾਸਨ ਦੌਰਾਨ ਸੈਂਟ ਪੋਲ ਚਰਚ ਬੁਰੀ ਤਰ੍ਹਾਂ ਨਸ਼ਟ ਕਰ ਦਿੱਤਾ ਗਿਆ ਸੀ। ਇਸ ਦੇ ਇਲਾਵਾ ਸ਼ਹਿਰ 'ਚ ਇਸਾਈਆਂ ਦੇ ਘਰਾਂ ਨੂੰ ਤਬਾਹ ਕਰ ਦਿੱਤਾ ਗਿਆ ਸੀ।
ਇਸ ਮੌਕੇ ਇਰਾਕ ਦੇ ਕਾਲਡੀਅਨ ਕੈਥੋਲਿਕ ਚਰਚ ਦੇ ਧਰਮਗੁਰੂ ਲੁਇਸ ਰਫ਼ਾਇਲ ਸਾਕੋ ਨੇ ਇਸਾਈ ਪਰਿਵਾਰਾਂ ਦੇ ਘਰ ਵਾਪਸ ਆਉਣ ਦੀ ਆਸ ਜਤਾਈ।
ਧਰਮਗੁਰੂ ਸਾਕੋ ਨੇ ਕਿਹਾ ਕਿ ਇਹ ਚਮਤਕਾਰ ਤੋਂ ਘੱਟ ਨਹੀਂ ਹੈ ਕਿ ਜਿਨ੍ਹਾਂ ਲੋਕਾਂ ਨੇ ਚਰਚ ਬਣਵਾਇਆ ਉਹ ਮੁਸਲਮਾਨ ਸਨ। ਇਸ ਵੇਲੇ ਵੀ ਚਰਚ ਮੁਸਲਮਾਨ ਅਤੇ ਇਸਾਈਆਂ ਨਾਲ ਭਰਿਆ ਹੋਇਆ ਹੈ ਅਤੇ ਉਹ ਇਕੱਠੇ ਸ਼ਾਂਤੀ ਲਈ ਪ੍ਰਾਥਨਾ ਕਰ ਰਹੇ ਹਨ।
ਲੋਕਾਂ ਦਾ ਕਹਿਣਾ ਹੈ ਕਿ ਇਸਲਾਮਿਕ ਸਟੇਟ ਦੇ ਜਾਣ ਤੋਂ ਬਾਅਦ ਜ਼ਿੰਦਗੀ ਫਿਰ ਤੋਂ ਆਪਣੀ ਪਟੜੀ ਉੱਤੇ ਆ ਰਹੀ ਹੈ। ਸ਼ਹਿਰ ਦਾ ਮੁੜ ਨਿਰਮਾਣ ਇੱਕ ਚੁਣੌਤੀ ਹੈ ਪਰ ਸਭ ਦੇ ਬਾਵਜੂਦ ਇੱਥੇ ਨਿਵਾਸੀਆਂ ਲਈ ਕ੍ਰਿਸਮਸ ਇੱਕ ਨਵੀਂ ਉਮੀਦ ਲੈ ਕੇ ਆਇਆ ਹੈ।
