You’re viewing a text-only version of this website that uses less data. View the main version of the website including all images and videos.
ਪ੍ਰੈੱਸ ਰਿਵੀਊ: ਭਾਰਤੀ ਵਿਦਿਆਰਥੀਆਂ ਲਈ ਸਖਤ ਰਹਿਣਗੇ ਇੰਗਲੈਂਡ ਦੇ ਵੀਜ਼ਾ ਨਿਯਮ
ਪ੍ਰੈੱਸ ਰਿਵੀਊ ਵਿੱਚ ਅੱਜ ਦੀਆਂ ਮੁਖ ਖਬਰਾਂ ਵਿੱਚ ਕਿਉਂ ਯੂਕੇ ਦਾ ਵੀਜ਼ਾ ਭਾਰਤੀ ਵਿਦਿਆਰਥੀਆਂ ਲਈ ਪ੍ਰੇਸ਼ਾਨੀ, ਮੀਂਹ ਕਰਕੇ ਰਾਹਤ, ਮਮਤਾ ਬੈਨਰਜੀ ਦਾ ਕੇਜਰੀਵਾਲ ਨੂੰ ਸਾਥ ਅਤੇ ਅਫਗਾਨ ਫੌਜ ਦੀ ਤਾਲੀਬਾਨ ਨਾਲ ਸੈਲਫੀ।
ਭਾਰਤੀ ਵਿਦਿਆਰਥੀਆਂ ਲਈ ਯੂਕੇ ਦਾ ਵੀਜ਼ਾ ਲੈਣਾ ਰਹੇਗਾ ਔਖਾ
ਦਿ ਟ੍ਰਿਬਿਊਨ ਦੀ ਖਬਰ ਮੁਤਾਬਕ ਯੂਕੇ ਦੀ ਸਰਕਾਰ ਨੇ 25 ਦੇਸਾਂ ਦੇ ਵਿਦਿਆਰਥੀਆਂ ਲਈ ਵੀਜ਼ਾ ਲੈਣ ਦੇ ਨਿਯਮਾਂ ਨੂੰ ਸੌਖਾ ਕੀਤਾ ਹੈ ਪਰ ਭਾਰਤ ਨੂੰ ਇਸ ਸੂਚੀ ਤੋਂ ਬਾਹਰ ਹੀ ਰੱਖਿਆ ਹੈ।
ਵਿਦਿਆਰਥੀਆਂ ਨੂੰ ਅਕਾਦਮਿਕ, ਆਰਥਿਕ ਅਤੇ ਅੰਗਰੇਜ਼ੀ ਭਾਸ਼ਾ ਦੇ ਮਾਮਲੇ ਵਿੱਚ ਢਿੱਲ ਦਿੱਤੀ ਗਈ ਹੈ।
ਆਪਣੀ ਇਮੀਗ੍ਰੇਸ਼ਨ ਪਾਲਿਸੀ ਵਿੱਚ ਬਦਲਾਅ ਕਰਦੇ ਹੋਏ ਬਰਤਾਨੀਆ ਦੀ ਸਰਕਾਰ ਨੇ ਟਿਅਰ-4 ਵੀਜ਼ਾ ਦੇ ਨਿਯਮਾਂ ਵਿੱਚ ਬਦਲਾਅ ਕੀਤਾ ਹੈ।
ਅਮਰੀਕਾ, ਕਨੇਡਾ, ਨਿਊਜ਼ੀਲੈਂਡ ਤਾਂ ਇਸ ਸੂਚੀ ਵਿੱਚ ਪਹਿਲਾਂ ਹੀ ਸਨ, ਹੁਣ ਚੀਨ, ਬਹਿਰੀਨ ਅਤੇ ਸਰਬੀਆ ਵਰਗੇ ਦੇਸ਼ ਵੀ ਜੁੜ ਗਏ ਹਨ।
ਯੂਕੇ ਕਾਉਂਸਲ ਦੇ ਕੌਮਾਂਤਰੀ ਸਟੂਡੈਂਟ ਅਫੇਅਰਜ਼ ਦੇ ਮੁਖੀ ਕਰਨ ਬਿਲਮੋਰੀਆ ਨੇ ਇਸਨੂੰ ਭਾਰਤ ਦੀ ਬੇਇਜ਼ੱਤੀ ਕਰਾਰ ਦਿੱਤਾ ਕਿਉਂਕਿਂ ਭਾਰਤ ਪਹਿਲੇ ਤਿੰਨ ਦੇਸਾਂ 'ਚੋਂ ਹੈ ਜਿੱਥੋਂ ਵਿਦਿਆਰਥੀ ਪੜ੍ਹਣ ਲਈ ਜਾਂਦੇ ਹਨ।
ਮੀਂਹ ਕਾਰਨ ਰਾਹਤ
ਹਿੰਦੁਤਸਾਨ ਟਾਈਮਜ਼ ਦੀ ਖਬਰ ਮੁਤਾਬਕ ਪੰਜਾਬ, ਹਰਿਆਣਾ ਅਤੇ ਚੰਡੀਗੜ੍ਹ ਵਿੱਚ ਪਿਛਲੇ ਦੋ ਦਿਨਾਂ ਤੋਂ ਭਾਰੀ ਮੀਂਹ ਕਾਰਨ ਵਾਤਾਵਰਨ ਵਿੱਚੋਂ ਧੂੜ ਸਾਫ ਹੋ ਗਈ ਹੈ।
ਮਾਨਸੂਨ ਤੋਂ ਪਹਿਲਾਂ ਆਏ ਇਸ ਮੀਂਹ ਕਰਕੇ ਲੋਕਾਂ ਨੂੰ ਗਰਮੀ ਤੋਂ ਰਾਹਤ ਮਿਲੀ ਹੈ ਅਤੇ ਤਾਪਮਾਨ ਵੀ ਡਿੱਗਿਆ ਹੈ।
ਅਸਮਾਨ ਵਿੱਛ ਛਾਈ ਧੂੜ ਕਾਰਨ ਚੰਡੀਗੜ੍ਹ ਏਅਰਪੋਰਟ ਤੋਂ ਕਾਫੀ ਫਲਾਈਟਸ ਰੱਦ ਹੋਈਆਂ ਸਨ ਪਰ ਹੁਣ ਫੇਰ ਤੋਂ ਉਡਾਨਾਂ ਸ਼ੁਰੂ ਹੋ ਗਈਆਂ ਹਨ।
ਕੇਜਰੀਵਾਲ ਨੂੰ ਮਮਤਾ ਦਾ ਸਹਾਰਾ
ਦਿ ਇੰਡੀਅਨ ਐਕਸਪ੍ਰੈੱਸ ਦੀ ਖਬਰ ਮੁਤਾਬਕ ਦਿੱਲੀ ਦੇ ਸੀਐੱਮ ਅਰਵਿੰਦ ਕੇਜਰੀਵਾਲ ਦੇ ਆਈਏਐਸ ਅਫਸਰਾਂ ਦੀ ਹੜਤਾਲ ਦੇ ਖ਼ਿਲਾਫ ਪੱਛ ਬੰਦਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਦਾ ਸਾਥ ਮਿਲ ਗਿਆ ਹੈ।
ਮਮਤਾ ਦੇ ਨਾਲ ਕੇਰਲ, ਕਰਨਾਟਕ ਅਤੇ ਆਂਧਰ ਪ੍ਰਦੇਸ਼ ਦੇ ਸੀਐਮ ਨੇ ਦਿੱਲੀ ਦੇ ਮੌਜੂਦਾ ਹਾਲਾਤ ਬਾਰੇ ਕੇਜਰੀਵਾਲ ਨਾਲ 2 ਘੰਟੇ ਦੀ ਬੈਠਕ ਕੀਤੀ।
ਕੇਜਰੀਵਾਲ ਪਿਛਲੇ ਛੇ ਦਿਨਾਂ ਤੋਂ ਦਿੱਲੀ ਦੇ ਰਾਜਪਾਲ ਦਫਤਰ ਵਿੱਚ ਦੋ ਹੋਰ ਮੰਤਰੀਆਂ ਨਾਲ ਧਰਨਾ ਦੇ ਰਹੇ ਹਨ।
ਜਦ ਅਫਗਾਨ ਫੌਜਾਂ ਨੇ ਲਾਇਆ ਤਾਲੀਬਾਨ ਨੂੰ ਗਲੇ
ਈਦ ਦੇ ਮੌਕੇ ਅਫਗਾਨਿਸਤਾਨ ਦੀ ਫੌਜ ਅਤੇ ਪੁਲਿਸ ਨੇ ਸੀਜ਼ਫਾਇਰ ਦੌਰਾਨ ਤਾਲਿਬਾਨੀਆਂ ਨੂੰ ਗਲ ਲਾਇਆ।
ਦੋਹਾਂ ਧਿਰਾਂ ਇੱਕ ਦੂਜੇ ਨੂੰ ਜੱਫੀਆਂ ਪਾਈਆਂ ਅਤੇ ਸੈਲਫੀਆਂ ਵੀ ਲਈਆਂ।
ਤਾਲੀਬਾਨ ਨੇ ਖ਼ਬਰ ਏਜੰਸੀ ਏਐਫਪੀ ਨੂੰ ਦੱਸਿਆ ਕਿ ਉਨ੍ਹਾਂ ਨੂੰ ਬੇਹੱਦ ਚੰਗਾ ਲੱਗਿਆ ਅਤੇ ਉਹ ਜੰਗ ਤੋਂ ਥੱਕ ਗਏ ਹਨ।
ਉਹ ਚਾਹੁੰਦੇ ਹਨ ਕਿ ਇਹ ਸੀਜ਼ਫਾਇਰ ਚੱਲਦਾ ਹੀ ਰਹੇ। ਉਨ੍ਹਾਂ ਅੱਗੇ ਇਹ ਵੀ ਕਿਹਾ ਕਿ ਜਦੋਂ ਤੱਕ ਅਮਰੀਕਾ ਅਫਗਾਨਿਸਤਾਨ ਤੋਂ ਚਲਿਆ ਨਹੀਂ ਜਾਂਦਾ, ਓਦੋਂ ਤੱਕ ਕੁਝ ਵੀ ਠੀਕ ਨਹੀਂ ਹੋ ਸਕਦਾ।
