ਨਰਿੰਦਰ ਮੋਦੀ ਦੇ ਬਿਹਾਰ 'ਚ ਪਖਾਨਿਆਂ ਦੀ ਗਿਣਤੀ ਦੇ ਦਾਅਵਿਆਂ ਦਾ ਸੱਚ

    • ਲੇਖਕ, ਮਨੀਸ਼ ਸ਼ਾਂਡਿਲਿਆ
    • ਰੋਲ, ਪਟਨਾ ਤੋਂ, ਬੀਬੀਸੀ ਲਈ

ਇੱਕ ਹਫਤੇ ਵਿੱਚ ਚੌਵੀ ਘੰਟੇ ਲਗਾਤਾਰ ਕੰਮ ਕਰਕੇ ਵੱਧ ਤੋਂ ਵੱਧ ਕਿੰਨੇ ਪਖਾਨੇ ਬਣਵਾਏ ਜਾ ਸਕਦੇ ਹਨ?

ਚੰਪਾਰਨ ਸੱਤਿਆਗ੍ਰਹਿ ਦੀ ਸੌਵੀਂ ਵਰ੍ਹੇ ਗੰਢ ਦੇ ਸਮਾਪਤੀ ਸਮਾਗਮ ਮੌਕੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਮੰਗਲਵਾਰ ਨੂੰ ਮੋਤੀਹਾਰੀ ਵਿੱਚ ਇਸ ਸਵਾਲ ਦਾ ਜੁਆਬ ਦਿੱਤਾ, 'ਅੱਠ ਲੱਖ ਪੰਜਾਹ ਹਜ਼ਾਰ ਪਾਖਾਨੇ'

ਰੁਕੋ ਅਤੇ ਹਿਸਾਬ ਲਗਾਓ। ਹਫਤੇ ਵਿੱਚ ਸੱਤ ਦਿਨ ਹੁੰਦੇ ਹਨ। ਦਿਨ ਵਿੱਚ 24 ਘੰਟੇ ਹੁੰਦੇ ਹਨ ਭਾਵ ਇੱਕ ਹਫਤੇ ਵਿੱਚ 168 ਘੰਟੇ ਹੋਏ।

ਪ੍ਰਧਾਨ ਮੰਤਰੀ ਦੇ ਦਾਅਵੇ ਤੇ ਯਕੀਨ ਕਰੀਏ ਤਾਂ ਬਿਹਾਰ ਵਿੱਚ ਹਰੇਕ ਘੰਟੇ 5059 ਪਾਖਾਨੇ ਬਣੇ। ਇਸ ਦਾ ਅਰਥ ਹੋਇਆ ਹਰ ਮਿੰਟ ਵਿੱਚ 84 ਪਾਖਾਨੇ। ਕਮਾਲ ਦੀ ਗੱਲ ਹੈ ਨਾ!

ਸਚਾਈ ਕੁਝ ਹੋਰ ਹੀ ਹੈ...

ਬਿਹਾਰ ਸਰਕਾਰ ਦਾ ਕਹਿਣਾ ਹੈ ਕਿ ਇਹ ਪਾਖਾਨੇ ਪਿਛਲੇ ਇੱਕ ਨਹੀਂ ਸਗੋਂ ਚਾਰ ਹਫਤਿਆਂ ਵਿੱਚ ਬਣਾਏ ਗਏ ਹਨ।

ਬਿਹਾਰ ਸਰਕਾਰ ਵੱਲੋਂ ਚਲਾਏ ਜਾ ਰਹੇ ਲੋਹੀਆ ਸਵੱਛ ਬਿਹਾਰ ਅਭਿਆਨ ਦੇ ਸੀ.ਓ. ਅਤੇ ਸਹਿ ਮਿਸ਼ਨ ਡਾਇਰੈਕਟਰ ਬਾਲਾਮੁਰਗਣ ਡੀ ਨੇ ਬੀਬੀਸੀ ਨੂੰ ਫੋਨ 'ਤੇ ਦੱਸਿਆ, "13 ਮਾਰਚ ਤੋਂ ਲੈ ਕੇ 9 ਅਪ੍ਰੈਲ ਵਿਚਕਾਰ 8.50 ਲੱਖ ਪਖਾਨਿਆਂ ਦਾ ਨਿਰਮਾਣ ਕੀਤਾ ਗਿਆ।"

ਉਨ੍ਹਾਂ ਮੁਤਾਬਕ ਲੰਘੇ ਡੇਢ ਸਾਲ ਦੀਆਂ ਤਿਆਰੀਆਂ ਸਦਕਾ ਇਹ ਸੰਭਵ ਹੋਇਆ। ਜਿਸ ਵਿੱਚ ਰਾਜ ਮਿਸਤਰੀਆਂ ਦੀ ਸਿਖਲਾਈ ਤੋਂ ਲੈ ਕੇ ਜਾਗਰੂਕਤਾ ਅਭਿਆਨ ਵੀ ਸ਼ਾਮਲ ਹੈ।

ਬਿਹਾਰ ਵਿੱਚ ਲਗਪਗ 86 ਲੱਖ ਪਾਖਾਨੇ ਹਨ। ਸੂਬੇ ਵਿੱਚ ਹਾਲੇ ਵੀ ਸਿਰਫ 43 ਫੀਸਦੀ ਘਰਾਂ ਵਿੱਚ ਪਖਾਨੇ ਹਨ।

Skip ਸਭ ਤੋਂ ਵੱਧ ਪੜ੍ਹਿਆ ਗਿਆ and continue reading
ਸਭ ਤੋਂ ਵੱਧ ਪੜ੍ਹਿਆ ਗਿਆ

End of ਸਭ ਤੋਂ ਵੱਧ ਪੜ੍ਹਿਆ ਗਿਆ

ਬਿਹਾਰ ਦਾ ਕੋਈ ਵੀ ਜ਼ਿਲ੍ਹਾ ਹਾਲੇ ਤੱਕ ਖੁੱਲ੍ਹੇ ਵਿੱਚ ਜੰਗਲ ਪਾਣੀ ਤੋ ਮੁਕਤ ਨਹੀਂ ਐਲਾਨਿਆ ਜਾ ਸਕਿਆ। ਸਰਕਾਰੀ ਦਾਅਵਿਆਂ ਮੁਤਾਬਕ ਰੋਹਤਾਸ ਜ਼ਿਲ੍ਹਾ ਇਸ ਪਾਸੇ ਵਧ ਰਿਹਾ ਹੈ।

ਇਸ ਰੋਲ ਘਚੋਲੇ 'ਤੇ ਵਿਰੋਧੀ ਧਿਰ ਦੇ ਆਗੂ ਤੇਜਸਵਨੀ ਯਾਦਵ ਨੇ ਵੀ ਵਿਅੰਗ ਕਸਿਆ।

ਉਨ੍ਹਾਂ ਟਵੀਟ ਕੀਤਾ, "ਇਸ ਝੂਠੇ ਦਾਅਵੇ 'ਤੇ ਤਾਂ ਬਿਹਾਰ ਦੇ ਮੁੱਖ ਮੰਤਰੀ ਵੀ ਸਹਿਮਤ ਨਹੀਂ ਹੋਣੇ।"

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)